وين أحصل قدر ضغط مغربي ؟؟

[ملوسن]

السلام عليكم ,.



حياكم الله جميعاً .


ياجماعة تعبت وأنا أدور قدر اكسبرس المغربي ، وين يباع في الرياض ؟



جعلكم ووالديكم في الجنة ....

[لاتكب البيالة]

السلام عليكم شايفه عند الغيث اللي شرق الصناعية القديمة وجميع المقاسات لكن تبي نصيحتي فيه قدر ستيل صيني يبع من 120 الى 150 حسب المقاس ويكتم تفر الغطاء ويكتم بنفسه انصحك تدوره لانه نادر وان لقيت جب لي واحد

[أحب القمرا]

في شارع السبالة

[برق الشتاء]

خذ نصيحتي
دامك تدور على القدر ما لقيت المحل اللي يبيعة وشلون لو تدور قطع غيار وين تلقاها
لو خرب الوجه والا ضاعت الصفيرة والا انكسر المشد وين تلقا قطع غيار له

إذا تبيه للكشتات نصيحه خذ السيف سعر رخيص وقطع الغيار في كل محل حتى بالبقالات تلقا الوجيه والصفيرات الخاصه فيه

وانت ابخص وانا اخوك
موفق خير

[hamdani]

السلام عليكم انا قد اشتريته من اسواق العويس شمال الرياض

[سرهيد]

المعذرة يا اخوان

فتحت الموضوع هذا ابي ارد واخبر من يسأل عن مكان القدر الضغط

ونزلت رد يخص خال رفيقي الله بالي معه ومشغول معه الله يقومه بالسلامة

فاعتذر لكم جميعا واتمنى من المشرف حذف ردي

وبخصوص القدر الضغط

المغربي منتشر في اغلب محلات الأواني عندك قصر الأواني وعندك ابن دايل وعندك محلات الأواني في شارع الوزير تقاطع الوزير مع الخزان مقابل المقبرة

تقبل احترامي

[خشم العرمة]

شوف طال عمرك انا بالنسبة لي ماقد جربت قدر الضغط المغربي لكن فية ناس كانت تذمة من ناحية عدم الامان وندرة قطع الغيار فهل انت قد جربتة ام انه فية احد مدحه لك؟

بالنسبة للي جربتة عندي قدر ضغط سب لطبخ البيت من سنين وسب ماعليه غبار ولا يختلف عليه اثنين بس يعيبة سعره الغالي

بالنسبة للعزبة عندي قدر ضغط السيف ابو بلف احمر صحيح انه صيني لكن بيني وبينك حمار مكدة عندي قدرين منه ولاقد اشتكيت منهم وبالنسبة لقطع الغيار السيف اللي في مخرج 14 مقابل مطعم الشواية الذهبية عندهم صيانة وقطع غيار

الله يكتب لك اللي فية الخير ويوفقك

[ملوسن]

جزاكم الله خير ، وبيض الله وجيهكم ,


أنا حريص على المغربي ، لأني سمعت عن جودته العالية ، وسعره المنخفض ،

ولأني شفت أنواع كثيرة في السوق ، الفرنسي ، والصيني ، والاسترالي ، والبرتغالي ، وبصراحة سماكة الستيل فيها ضعيفة جدا ، وحتى السب الجديد ، لايقارن بتاتاً بالسب القديم .

ويقولون المغربي يركب عليه قطع غيار السب ..


والله أعلم ,

[قناص صبحاء]

نصيحه ابعد عنه صناعه رديئه واستيل لون خفيف فقط
اشتريته واستعملته مرات قليله وتركته ... وهو مقلد من
السب وشبيه للقديم لكنه خفيف ولا تحس انك تطبخ فى
كاتم ... اذا تبغى كااااتم صح الالمانى واستخدام فى البيت
فقط للحفاظ عليه لأنه غااااالى حيل ...

[سرهيد]

السلام عليكم

اخي الكريم ان كنت تبحث عن الرخص والجودة

فالاسباني لا يعلى عليه

عندي واحد من سبع سنوات وكارفه في البر كرف والى يومك وهو شغال زي الحلاوة

واسعاره قريبة من اسعار المغربي

الحقيقة رأيت المغربي وطبخت عليه وجربته تحس ان جودته اقل من السب واقل من الاسباني

تقبل احترامي

[خشم العرمة]

السلام عليكم

اخي الكريم ان كنت تبحث عن الرخص والجودة

فالاسباني لا يعلى عليه

عندي واحد من سبع سنوات وكارفه في البر كرف والى يومك وهو شغال زي الحلاوة

واسعاره قريبة من اسعار المغربي

الحقيقة رأيت المغربي وطبخت عليه وجربته تحس ان جودته اقل من السب واقل من الاسباني

تقبل احترامي

:good2::good2::good2::good2:

[سموه]

كل الكواتم تؤدي الغرض نفسه وهو الطبخ ولاكن يوجد

أختلاف في الجوده يوجد ماهوأقل جوده من السيف الأستيل

ولاكنه ولا بريال يعني هي على حسب الميزانيه إذى ميزانيتك

تمام أشتر الفرنسي أو الالماني او الاسباني وتفنن ياعم بطبخ

وسلامتك !