غشيم يستشير فنيين فافتوني

[absaaj]

مرحبا اخواني
الحقيقه انا عندي مشكله وهي انه يطلع من سيارتي الجيب الباجيرو2001 ربع دخان ابيض مع ازرق والاحضه في الشتاء او اذا كان الجو بارد وصار ينقص زيت بكثره يعني في 1000 كيلو علبه كامله مع انه في السابق نص علبه في 2000 كليلو و اعتقد انه مركب له شنبر من قبل بس ماني متاكد وسوالي هو
1- هل يحتاج توضيب واذا كان يحتاح فكم التكلفه التقريبيه له ؟
2- هل اقدر اركب شنبر اذا كان سبق وركب له شنبر من قبل وكيف اعرف انه مركب له شنبر من قبل ؟
3- وهل لو تركته وراقبت الزيت بحيث ما ينقص فيه مشكله اذا كان اصلاحه مكلف ؟

علما ان هذه ليست سيارتي الاساسيه بس حاطها للبر الخفيف وللبثاره

ارجو اجابتي بدقه وتحمل ثقل طينتي

[Magellan]

1- هل يحتاج توضيب واذا كان يحتاح فكم التكلفه التقريبيه له ؟
أعتقد ذلك تحتاج لتوضيب لضمان أداء فعّال للسيارة ،والتكلفة تعتمد بعد فك الميكانيكي لمعرفة القطع اللازمة..
2- هل اقدر اركب شنبر اذا كان سبق وركب له شنبر من قبل وكيف اعرف انه مركب له شنبر من قبل ؟

تركيب الشنبر حل مؤقت خصوصا وإن النقص من زمان فحتى تغيير الشنابر لايفيد إلا كحل مؤقت ،أما معرفة هل سبق تغيير الشنابر فهي بعد فك المكينة وبإمكان الميكانيكي إعلامك

3- وهل لو تركته وراقبت الزيت بحيث ما ينقص فيه مشكله اذا كان اصلاحه مكلف ؟

المشكلة إن النقص راح يزيد فترة بعد فترة من الإستخدام بحيث حتى المشاوير البسيطة أقل من 100 كيلو ستحتاج لإضافة علبة زيت وممكن لو قررت تروح طلعه برية 500 كلم إنك تحتاج لجالون زيت 4 لتر، ولحظتها ماينفع معك إلا التوضيب أو تغيير المكينة أو الإنتظار حتى تعظ المكينة

[سوبر VTC]

خل الموتر يشتغل لمدة 10دقائق
همن دس بنزين دوسة وحده دوسة خفيفة
اذا طلع دخان ابيض
فهذه جلد بلوف خربانه
افتح غطاء الزيت اذا حصلت على نفس الغطاء حليب ابيض فهذا بخار ماء
و السبب
وجه الراس ضعيف مايحجب الماء عن الزيت
او
الراس به شعر خفيف
هل ينقص الاديتر ؟

[الوافي0]

دام الشغله كذا يبغى له توظيب كامل الشمبر بيخسرك عالفاضي

[absaaj]

اشكركم يا اخوان على تفاعلكم معي
بالنسبه لنقص الاديتر فهو نقص خفيف جدا
واما جلد البلوف فهذي وشي تفرق عن التوظيب والا سهله شغلها (قايل لكم غشيم )

[سوبر VTC]

طبق كلامي السابق
و علمن
اذا كان عندك جلد بلوف
يفك الراس فقط و تغير جلد البلوف فقط
لانه خربانه ماتحجب الزيت عن غرفة النار
تاكد من غطاء الزيت بخار
تاكد من عدم وجود تنسيم بالاديتر + طبلات الاديتر
+ خراطيش الاديتر + طرمبه الماء تهريب + تاكد من غطاء الاديتر
وين موقعك ؟
لاتنسى تطبق كلامي في الرد السابق

[absaaj]

مرحبا اخوي سوبرvtc
شفت السياره وطبقت كلامك الدخان خفيف مستمر واذا دست بنزين بعد ما اترك السياره شغاله يطلع لي الدخان كني سياره فليت (حتى اذا وقفت عند الاشاره ثم دعست دخن اول ما امشي ) وفتحت الغطاء وماحصلت على الغطاء شي زي الحليب ابيض ولاكن الغطاء عادي ما فيه شي ابد وبصراحه صارت السياره تفشل اشوى اني مظلل محد يشوفني :D :D :D
ملاحظه السياره كانت تنقص من اول نقص خفيف وبدون دخان ( نص علبه كل 2000 كيلو بس فجأه لاحظت كثره الدخان وزاد النقص حتى صار علبه كامله في 1000 كيلو وهذا في خلال تقريبا اسبوعين بس والاديتر نقصه خفيف جداً جداً يعني كل ثلاث شهور اعبيه شوي بس .
وهل لو حطيت زيت ثقيل ستوب او موبل 40 يبين جلد البلوف ؟ وهل التبويش يجي كذا فجاءه والا يتدرج وهل يمكن يكون احتمال شعر في المكينه يسوي كذا ؟ افتوني جوزيتم

[absaaj]

يا ناس يا عالم افاده؟

[absaaj]

يا ناس يا عالم افاده؟

[absaaj]

يا شباب انا اخبر الورش تسكر الجمعه بس منتدى يقفل الجمعه ما بعد شفت
وين ردودكم ؟؟

[absaaj]

يا شباب انا اخبر الورش تسكر الجمعه بس منتدى يقفل الجمعه ما بعد شفت
وين ردودكم ؟؟

[VXR.2007]

للرفـــــــــــــــــــــــــع

[VIP-503]

http://www.pajero2.com/vb/

يولد خش موقع باجيرو العرب

لك تحياتي