مالحكمه في ذلك.....؟

[راعي الأملح]

السلام عليكم
كيف حالكم ياشباب أنا عندي فحل املح ومن أصل طيب بس لاحظت علية أنه ما يضرب الا مجاهيم عرضت علية كذا مره نياق صفر ولا حتي طالع فيهن وحتى الوضح والشعل نفس الشي وبعدها عرضت علية مجهم وضربها....للعلم نياقي كلها مجاهيم فمالحكمه من ذلك بصراحة تفشلت من ربعي راعين الصفر والوضح
أرجوا منكم أفادتي في ذلك

[راعي وذف]

يفيدونك النشاما بإذن الله

[مكشاتي كوكتيل]

بالعادة البعير يتشفق على ضراب اللون المختلف عن لونه لأن الناس يمنعونه عنها وكل ممنوع مرغوب :)

لكن شكل بعيرك ذا عنده عنصريه للون المجهم :)

على العموم تأكد إن الإبل اللي تعرضها عليه مجاسير وأفضل شيء إنك تخليه يكرفها (يشمها) قبل لاتطرحها له وإن شاء الله يبي يضربها إذا كانت مجسر .

اما إذا ماكانت مجسر ماأتوقع يضربها إلا إذا ربطته ومنعته عن الضراب قبل يوم أو يومين من عرض الناقه عليه وياليته يضرب بعد :)

تحياتي لك ياراعي الأملح

[فاسيلي زايستي]

اخوي حسب اعتقادي ان الحيوانات ماتشوف الالوان وقد شفت الشي هذا في برنامج لاكن مااذكره والدليل بعض الناس يظير الناقه بحوار لونه مختلف وتركب بس حسب الشم والسمع تعرف واما حالت بعيرك فبعض البعارين على كيفها شي تضربه وشي لا والله يوفقك

[ابو سعد 515]

مع اخوي فاسيلي

[نايف الذيب]

هذ طبع بعيرك فقط

ولا هو شرط في كل الفحول

والبعير اذا صار له طبع ماهو زين بيتعب راعيه

واذا كان طبعه زين بريحه

تحياتي

[أبو فيصل]

ماله في الزين نصيب ياراعي الأملح هههههه

حبيت أمزح معك ولا حلالي طيور مهيب أبل ..... مدري بخيت ولاّ شقي وش رايكم ياهل البل

[فاسيلي زايستي]

الى انشاء الله بخيت البل والطيور والخيل كلها من شغل الرجال والله يوفقك يابو فيصل
((بس بيني وبينك البل لها جو غير)) ههههههه

[أبو فيصل]

الى انشاء الله بخيت البل والطيور والخيل كلها من شغل الرجال والله يوفقك يابو فيصل
((بس بيني وبينك البل لها جو غير)) ههههههه

جعلك و الله تسلم يالذيب .... أمّا الخيل عز الله أني أحبها أكثر من الطير لكنها عباله أعبر من البل

[راجي الكريم]

فحلك عنصري.....
الظاهر ان الحيوانات ماترى الألوان والشواهد على ذلك كثيرة

[عارف الشمري]

رش الناقه بعطر ( فرزاجشي) ونشالله يضربها ههههههههههه

امزح معك الله يوفقك اخوي ويبارك بحلالك

[ابو كرك]

يمكن النياق اللي عرضن عليه وانا اخوك مضربهن بعير ثاني ولا مسكن عشار والزمل لاشم ريح الزمول على سقف الناقه عاف والله اعلم

[جراح ابو ثنين]

يمكن النياق اللي عرضن عليه وانا اخوك مضربهن بعير ثاني ولا مسكن عشار والزمل لاشم ريح الزمول على سقف الناقه عاف والله اعلم

[عقيد حرب]

مثل ماذكرو الاخوان هذا طبع الفحل لكن كانة صغير تقدر تغيرطبعة تحاول فية باكثر من طريقة

[اعصار2009]

لعله خيره لأن المجهم على المغاتير ( الصفر/الوضح/ الشقح/ الشعل) يخرب الانتاج ويطلع عذروب اما الاذن أو الراس أو اللون والعرق دساس .والله اعلم

[راعي-gx97]

الاخ العزيز راعي الاملح :

الله يسعدك ويسعد جميع الاخوة أعضاء مكشاتي ,,,,,,,,,,,

1- الفحل وش سنة ؟ ترا السن لة دور يعني كانة قعود يستنكر البل اللي لونها غير لون أمهاتة ..
2- كم عدد أمهاتة الله يبارك لك فيها ؟ ترا كثرة أمهات الجمل له دور يعني يكتفي بمهاتة ..
3- اذا بغيتة يضرب ناقة ماهي من أمهاتة أعزلة عن أمهاتة يوم أو يومين لا تخلية يضرب فيها ثم دخل الناقة الغريبه علية لحالها وأنتبه لا تفكة عليها داخل أمهاتة على شأن مايعافها ..
4- الطبع لة دور كان الجمل (صلف) فطبعة يسيطر على أمهاتة وينكر غيرها..

عموما هاذي محاولات وأنشاء الله تنفع ..

أخوي لا تقول تفشلت مع ربعي أنتة مارديت عنهم هداد جملك ..

وأنا أقول مثل ما قال أخوي/أعصار2009
لعلها خيره أهل المغاتير(الوضح-الشقح-الشعل-الصفر) يهدون جمال مغترة من سلالات طيبه كانهم يبون يحسنون أنتاج أبلهم ..

الاملح مالة الا أمهاتة والله يبارك لك فية وفي أمهاتة ,,,,,,,,,,,,,,,

أخوك: راعي gx97

[راعي الأملح]

السلام عليكم
تحياتي لجميع من شارك وأفادني
الفحل سنة رباع توة شاق السدس
عدد البل كلها مع الفحل 15
تحياتي لكم

[رحلت عني]

قيده يومين ثلاثه وخله يهيج

وحتى لو تخليه اسبوع مقيد

وجبها عنده بس حاول ان الابل ابلك

تكون بعيد عنه وباذن الله يضربها

والله يوفقك

[طير الزلفي]

فحلك عنصري.....
الظاهر ان الحيوانات ماترى الألوان والشواهد على ذلك كثيرة
هههههههههههه
لا تعليق