خشم الحصان
30/11/2004, 10:17 PM
الاخوه الغالين
السلام عليكم
اخواني كلن زهب عمره وعدته والسياره يالله يجعلها سنة خير ورحمه علي المسلمين امين يارب العرش العظيم
وربما يكون هنالك موعد لشباب لطلوع رحله او كشيته في الدهناء او الصمان والسيارات علي الخط مشاء الله تقول خرز سبحه منتظمين وخذ سواليف وشرب شاهي وخشش مليانه من قشام الحب سنها برد حديد تحت مقص والكنود
يلعلع سنه مكرفون حراج سيارت عقب العصر وبعد فتره يالله لك الحمد والمنه وصلو الي المسان المحدد ونزلو العده وشبو النار ورتبو الجلسه ثم التفت كحيلان (الامير ) الله يكون في عونه تكفي ياذيبان قم يارفيزي ومش علي القاع حافي قم ياجعلي ماذوق حزنك جب لنا طرف هرفي من احد هالرعيان ولا هاك الولد الشقردي مامد الامير يكمل كلمته الا وداق سلف وشوي يالله انك تحفظه وتقاه جاي ومعه هاك الهريفي وممداه ياصل الارض الا وهاك
الاجودي متلقيه وسادحه ومشاء الله الله لايضره وقالبه وشوي ولاه صالخه وشوي ولاه منطل الكرعين ويا الراس
علي الجماعه ولا الدفور ويا تركاب زاهب وخذ حسحسه ولا الراس تقول ركبة حاشي مهنا ولا شعره ويالكراعين
ثم شقو البطن وخذا هاك الولد الكرشه وتشطر وفرغها من لي فيها ثم غسلها ولاها تلق تقول سنها قرطاست كيس سميت وحطها في الصحن والغالي قام يقطع المعاليق ولا هاك النزغه قامز تقول مندفس عليه بريز الفوح خن بط وقطع لسان السبده وشوي وزرطها تقول واحد مدخل احجار في كشاف(بجلي) يابن الحلال ورك الله يهديك سذا
اطبخها او قلبها علي النار رد الحبيب وهي بتروح لبطنك ولا بطني لا بتروح لبطنك بس الركاده زينه وشوي ولاه
تقول حارس باب في مبارة وطامر للجهة الصحن وقص من الكرشه ولا ردها لي بطنه وصلت الحجره الثانيه
وش لي ابلاشنا بها الفرامه ولا مر علي ام التلافيف ولحق الحجرتين ثالثه تدرون صكو علي الصحن في الغماره
انت وش بلاك يومك تاكل كلش ني .
رد احد المشجعين العوجان وقال ايه يالصاعقه هذا ياكل كلش ولا يضره شي الله لا يصعقنا امين
اسفهلو الربع وتعشو وخذ سوليفات علي شبة هاك النار والوجيه مره تبين مع سنا النار ومره تغيب سنها قمر بين غيم
وتفرقو البعض ومنهم من انسدح في فريشه
ومن ضمنهم الفرمه قام ونام ويم خذله وقت ولا البطن (يقرقر) تقول سنه غساله ام عامود وارد البابطبن
وشوي وله يتلوا سنه ام جنيب ثم قام وخذ بريز وتشطر ثم رجع ونسدح لحضه ولاه يون وربعه لي معه وش جاك
ابد سني اغتثيت وقام وخذ ابريز ورجع غدا له جره في الرمل من الروحه والجيه
ماش الرجال زاد عليه الوجع
قام يون بزود ويرص بطنه ويتقلب سنه واحد مستنزل في سامري تطامرو الربع سلامات تكفون يالربع بطني يوجعن
عطونا (روب) عطونا(كرتون سق اب) عطونا( جبن كرفت) عطونا عمود الخيمه نلهمده ونفتك
وش الحل شفولنا اقرب ديره او هجره او شي وشوي ولاه منقول في السياره منا لا منا المهم عجلوووووو يابطنيه
وووووقف معاد فيني شده
طيب مهيب مشكله وصلنا هالديره وخذ دورن فيها لين لقو المستوصف طق طق طق قتحو الباب اش فيه ابد معنا واحد بطنه يعوره يادكتور
وخذ فحص وخذ تقليب وفي النهايه غسيل وغذايه خلوه هنا الين بكره
وخلو الحبيب الين بكره
وفي النهايه السبه اكل السبده والكرشه وام التلافيف
وقلب الحبيب الرحله الي نكد وضيقة صدر نصفهم في البر يحترون الربع والنصف الاخر في سيب المستوصف يتنفضون من البرد وداقين الطمه من شافهم قال سواويق شفرات في الاستيشن
الخلاصه ولي ابقوله يالربع تراء السبده ولا الكرشه مهيب دايم تخلا من الامراض والجراثيم والفيروسات
يعني قلبوها وناضروها وطبخوها امن
ولا وش ضر المطفوق لاو انه طبخها زين مهوب احسن من هالحوسه
اخوكم
خشم الحصان
السلام عليكم
اخواني كلن زهب عمره وعدته والسياره يالله يجعلها سنة خير ورحمه علي المسلمين امين يارب العرش العظيم
وربما يكون هنالك موعد لشباب لطلوع رحله او كشيته في الدهناء او الصمان والسيارات علي الخط مشاء الله تقول خرز سبحه منتظمين وخذ سواليف وشرب شاهي وخشش مليانه من قشام الحب سنها برد حديد تحت مقص والكنود
يلعلع سنه مكرفون حراج سيارت عقب العصر وبعد فتره يالله لك الحمد والمنه وصلو الي المسان المحدد ونزلو العده وشبو النار ورتبو الجلسه ثم التفت كحيلان (الامير ) الله يكون في عونه تكفي ياذيبان قم يارفيزي ومش علي القاع حافي قم ياجعلي ماذوق حزنك جب لنا طرف هرفي من احد هالرعيان ولا هاك الولد الشقردي مامد الامير يكمل كلمته الا وداق سلف وشوي يالله انك تحفظه وتقاه جاي ومعه هاك الهريفي وممداه ياصل الارض الا وهاك
الاجودي متلقيه وسادحه ومشاء الله الله لايضره وقالبه وشوي ولاه صالخه وشوي ولاه منطل الكرعين ويا الراس
علي الجماعه ولا الدفور ويا تركاب زاهب وخذ حسحسه ولا الراس تقول ركبة حاشي مهنا ولا شعره ويالكراعين
ثم شقو البطن وخذا هاك الولد الكرشه وتشطر وفرغها من لي فيها ثم غسلها ولاها تلق تقول سنها قرطاست كيس سميت وحطها في الصحن والغالي قام يقطع المعاليق ولا هاك النزغه قامز تقول مندفس عليه بريز الفوح خن بط وقطع لسان السبده وشوي وزرطها تقول واحد مدخل احجار في كشاف(بجلي) يابن الحلال ورك الله يهديك سذا
اطبخها او قلبها علي النار رد الحبيب وهي بتروح لبطنك ولا بطني لا بتروح لبطنك بس الركاده زينه وشوي ولاه
تقول حارس باب في مبارة وطامر للجهة الصحن وقص من الكرشه ولا ردها لي بطنه وصلت الحجره الثانيه
وش لي ابلاشنا بها الفرامه ولا مر علي ام التلافيف ولحق الحجرتين ثالثه تدرون صكو علي الصحن في الغماره
انت وش بلاك يومك تاكل كلش ني .
رد احد المشجعين العوجان وقال ايه يالصاعقه هذا ياكل كلش ولا يضره شي الله لا يصعقنا امين
اسفهلو الربع وتعشو وخذ سوليفات علي شبة هاك النار والوجيه مره تبين مع سنا النار ومره تغيب سنها قمر بين غيم
وتفرقو البعض ومنهم من انسدح في فريشه
ومن ضمنهم الفرمه قام ونام ويم خذله وقت ولا البطن (يقرقر) تقول سنه غساله ام عامود وارد البابطبن
وشوي وله يتلوا سنه ام جنيب ثم قام وخذ بريز وتشطر ثم رجع ونسدح لحضه ولاه يون وربعه لي معه وش جاك
ابد سني اغتثيت وقام وخذ ابريز ورجع غدا له جره في الرمل من الروحه والجيه
ماش الرجال زاد عليه الوجع
قام يون بزود ويرص بطنه ويتقلب سنه واحد مستنزل في سامري تطامرو الربع سلامات تكفون يالربع بطني يوجعن
عطونا (روب) عطونا(كرتون سق اب) عطونا( جبن كرفت) عطونا عمود الخيمه نلهمده ونفتك
وش الحل شفولنا اقرب ديره او هجره او شي وشوي ولاه منقول في السياره منا لا منا المهم عجلوووووو يابطنيه
وووووقف معاد فيني شده
طيب مهيب مشكله وصلنا هالديره وخذ دورن فيها لين لقو المستوصف طق طق طق قتحو الباب اش فيه ابد معنا واحد بطنه يعوره يادكتور
وخذ فحص وخذ تقليب وفي النهايه غسيل وغذايه خلوه هنا الين بكره
وخلو الحبيب الين بكره
وفي النهايه السبه اكل السبده والكرشه وام التلافيف
وقلب الحبيب الرحله الي نكد وضيقة صدر نصفهم في البر يحترون الربع والنصف الاخر في سيب المستوصف يتنفضون من البرد وداقين الطمه من شافهم قال سواويق شفرات في الاستيشن
الخلاصه ولي ابقوله يالربع تراء السبده ولا الكرشه مهيب دايم تخلا من الامراض والجراثيم والفيروسات
يعني قلبوها وناضروها وطبخوها امن
ولا وش ضر المطفوق لاو انه طبخها زين مهوب احسن من هالحوسه
اخوكم
خشم الحصان