اعطوني من خبرتكم

[شايب الراس]

بسم الله الرحمن الرحيم

السلام عليكم ورحمة الله وبركاتة

اخواني الغالين عندي سلق وانتم بكرامة اخذة واحد من الربع بيقنصون يم الشمال المهم راحو وجوا بالسلامة والسلق متغير علية مرة غير يصبي وتحس انه خايف وقل اكله وغير منسدج
اول يوم اجيه غير يلعب والحين مدري وش فية

ارجوا من الاخوة الي مرعليهم مثل هذي الحالة ان يفيدوني لانة السلق غالي عليه وجاني هدية من واحد غالي شرواكم

[صقر القصيم 16]

يمكن مريض ولا جايه ضرب والله العالم

[راعي وذف]

وعليكم السلام ورحمة الله وبركاته

والله ياخوي اتوقع انهن مكروفااات بالقنص وكثر الركض

ويمكن مايجيهن عيشه زينه تشبعهن بالبرد...

عليك انك تشبعهن اقل شي اسبوع مايطلعن من الشبك حتى تشوف انهن

يبن الطلعه وصحتهن زينه وعليك بالمضاد الحيوي يمكن ماتلقاه عند البيطري

عطهن حق الاوادم تراه ينفع ...

اتمنى اني افدتك..وتقبل مروووريــ..

[رفيق الأمل]

تسلم ياخوي وان شاء الله يرجع على سابقة ان شاء الله وللعلم يمكن وليس بتأكيد من ان الربع اكثروا القنص فيه ولم يأخذ راحة كفاية مع قل اطعامه وكذلك لعله تعرض للضرب ولكن انصحك بأن اول ما تفعله هو ان تسبحه بماء ساخن مع شامبو ظهراً وتخليه في الشمس ومن ثم تعطيه مضاد حيوي واعطه حليب نياق او ماعز مخلوط مع سمن وعسل قليل وخله في اقفص لأسبوع اذا حدث تحسن دون مضاعفات والله شفيه لك ومره ثانية لا تسلمه لأحد غيرك لأن البعض مايهتم منه من هو ليس له 0
ودمت سالماً معافاً ياطيب

[هاوي الجوف]

ودها للبيطري ويفيدك اونها مضروبه ولا عين صيبتها

[طارح الضبي]

عطوك الفايدها
مافي احد احسن من البيطري يالشايب؟؟

[محبوب الصيد]

افادوك الاخوان