المساعد الشخصي الرقمي

مشاهدة النسخة كاملة : لا تبخلون علينا بالمعلومات يالصقاقير


ابو سلمان
02/12/2004, 09:21 PM
السلام عليكم ورحمة الله وبركاته

عندي استفسار وياليت كلا يدلو بدلوه للفائدة
مرض ( النهيته ) هو الطير يتنفس بسرعة هل له علاج والا يخلف الله
وهل يمكن يهد الطير وهو بالوضع !! حتى لو تحسن بسيط

عطونا المشورة يالربع لا هنتوا

[line]

http://www.mekshat.com/pix/upload/sign/images/mk9589.gif
ابوساسا
03/12/2004, 03:33 PM
وعليكم السلام ورحمة الله وبركاتة

النهيتة يابو سلمان هو يعد من اخطر انواع الامراض الي تصيب الجهاز التنفسي للطير واذا اصيب احد الطيور بهالمرض فيخلف الله على راعي الطير . لأن هالمرض يزود ويضهر اكثر عند مايقوم الطير بمجهود واكثر مجهود للطير هو الطيران يكون هالمرض هو من اكبر معوقات الطير... واذا ضرب هلمرض الطير فعلى راعي الطير ان يشوفلة طيراً ثاني غيرة . لأن هالمرض على ماسمعت انة يصيب (رئـة)الطير ويصير مثل (الربو)عند الآدمي(اعاذنا الله وأياكم) ولحد الحين ما لقو للنهيتة علاج . ومهما تحسن الطير مارح يتعافا منها .

ملاحضة : بعض الصقاقير يشوف اذا ( كـفـخ الطير او كـّفـخـة ) وشافة يـلـهـث او تعب بسرعة قال نهيتة وهو يمكن يكون الطير زمكان( صـنـيـع ) . ومن علامات النهيتة الي انا اعرف وسمعت عنها جس الطـير وشف مقدار صنعتة وبعد كذاء ( كـّفــخ الطير ) وخلة يلهث وبعدها لاحض عيون الطير وخاصة المنطقة الي بطرف العين (بين العيون وبين البوز) اذا صارت تدخل وتطلع بشكل كبير يعني ( تغير الى داخل الراس وتطلع مـنـتـفـخة ) فهذي علامة من علامات النهيتة حتى بعض المرات تبين حتى لو الطير ما لهث ؟

هذاء الي عندي والله اعلم.
تالي الاولين*
04/12/2004, 08:47 AM
.


معلومة مفيده

خاصة طريقة التشخيص

ماقصرت اخوي ابوساسا

ولايهون ابوسلمان


.
ميراج
04/12/2004, 02:41 PM
[align=center]
السلام عليكم ورحمة الله وبركاته

مساكم الله بالخير يالربع

الأعراض اللى ذكرها اخونا ابو ساس ليست اعراض مرض النهته والأعراض اللى ذكرها فى رده هى اعراض

مرض الرداد وهو مرض معروف يصيب الطير فى الجهاز التنفسى ويسكر المنخر ولاكن ما يمنع الطير من الهدد

ينظف منخر الطير كل ما تسكر ويهد عادى ولا اعرف علاج يقطع هذا المرض نهائى 0

------------------------------------------------------------

أما مرض النهته فهوا مرض يختلف أختلاف كلى وإذا اصيب الطير بهاذا المرض ما عاد يهد نهائياً حتى فى الدعو

يوقع قبل مايصل اللى يدعيه وفى مراحله المتقدمه ما عاد يطير نهائياً ولا أعرف له علاج

ومن ابرز علامات هذا المرض إذا كفخت الطير على يدك تشوف ذنيبا الطير تظرب على الدس بشكل ملفت للأنتباه

بشكل عامودى وذالك من صعوبة التنفس وتقل شهية الطير للأكل

تحياتى للجميع
ابوساسا
05/12/2004, 01:36 PM
جزاك الله خير اخوي ميراج نعم صدقت انا استعجلت وخلطت مرض الرداد بالنهيتة .

معلومة بسيطة دام اني تكلمت عن الرداد...

هنك رداد اخر اسمة رداد داخلي وهذاء يسبب قل الشهية للطير ويصيبة بالضعف(وهذي الاعراض مشابهه للقلاع ) ويفرق عن القلاع انة يـقـتـلـب ذرق الطير (مرشة) اعزكم الله الى اللون الأخضر وهذاء مرض خطير ولا لة علاج .

ومرة ثانية الشكر لأخونا ميراج على الـتـنـبـية

والشكر موصول لأخونا ابو سلمان صاحب الموضوع .
ابو سلمان
07/12/2004, 12:05 AM
السلام عليكم ورحمة الله وبركاته

الف شكر لاخواني

ابوساسا

تالي الاولين*

ميراج

ماقصرتم على المعلومات المفيده وبالاول والاخير الفائدة عامة
جزاكم الله خير

[line]

http://www.mekshat.com/pix/upload/sign/images/mk9589.gif
ميراج
07/12/2004, 11:06 PM
مشكور اخوى ابو ساس على المعلومه والأيظاح

ما قصرت بيض الله وجهك

تحياتى
خوى الخوى
09/12/2004, 09:05 AM
الله لايحرمنا منكم يلجاويد حقيقه ماعد عند الا اقول ان ريشة الطير تختلفه فى الون لان الطير يوقف دهن ريشه هذه السنه ماتت عليه طيرين جبليه واعتقد ان الامراض السبقه قليله فى الوكرى ومرض الوكرى دايم الصرع حسب تجاربى وعندكم العلم يابو ساس والميراج
تكفون شوفو كلامى صح