وش حل الفحل

[المهمري]

ياجماعة يااهل الشهامة عندي فحل العام ضرب وهو ثني والى هالحين نايم وش الحل مع انه حاله زينه وسنامه مرتفع مهوب بالحيل

[اعصار2009]

السلام عليكم
يبدو ان الجمل ما فدر ( اي ما كفيتو عنه النياق) الا متأخر العام الماضي وهذا خطأ. احياناً الاستعجال على الفحل قد يفقدك الاستفادة من الفحل اكبر قدر ممكن . عمموماً أنا اقترح عزل الجمل فترة اسبوعين ورش ضهره بالماء قبل المغرب. والله اعلم

[معانق]

هلابك ..

أربط البعير لحاله ،، واعزله عن النياق من ثلاثة أسابيع إلى شهر ..

[فاسيلي زايستي]

اخوي انا سمعت من الشيبان انهم اذا جاء نصف الليل يصبون على ظهر البعير ماء بارد جدا ويهيج بعدها انشاء الله وانت لازم تكرم البعير بالعلف

[العرهبي]

لاتستعجل ترى الفحل اذا كان ثني عاده مايضرب على كل لاحوال،،،،

[المهد]

عليك بالماء البارد اخر الليل نصيحة مجرب

[هدد99]

اربط البعير في جها من المراح وجب بعير ثاني شرط في ثلاث ايام تشوفه هايج ويظرب بعد لين البعير فيه غيرة على الابل ( جرب . وتشوف . ..........؟

[oالحربيo]

حط على رقبته ثلج من فوق

[ابو سعد 515]

اخوي اذا جا الليل وشفت الجو بارد جب موية بااااااااااااااااااااااردة مررررة وصب على ظهر البعير وهو بارك ولا وهو مرتخي ولا وهو على وشك ينام اما اذا كان قايم ما تقدر
اتمنى انها تنفع معك بي انت جرب ماراح تخسر شيء

[راعي المرباع]

مع اخوي المهد

[المهمري]

الاخوة العضام الخبراء راعي المرباع ابو سعد 515 الحربي هدد99 المهد العرهبي فاسيلي زايستي معانق اعصار 2009 كثر خيركم
هديته امس على الناقة وضرب زين لكن بعد ماقيدته سكت مايهدر ولا يزبد والنوق قدامه هل ضروري انه يهدر ويزبد او ممكن يضرب بدونه وقالي واحد اقصر عليه الاكل اي عطه نص الاكل اللي كنت تعطيه على شان تضمر بطنه وهالحين لي 9 ايام وانا قاصر الاكل واخاف يجوع بهاالبرد ويضعف هل هالكلام صحيح افيدونا يالنشامااااااااااا

[جراح ابو ثنين]

اخوي اذا جا الليل وشفت الجو بارد جب موية باااردة مررررة وصب على ظهر البعير وهو بارك ولا وهو مرتخي ولا وهو على وشك ينام اما اذا كان قايم ما تقدر
اتمنى انها تنفع معك بي انت جرب ماراح تخسر شيء

[المهمري]

عشت ياجراح ابو ثنين شاكر لك

[ابو الشباب3]

اخوي الغالي حياك الله

لا تستعجل عليه لانكم العام الماضي اتعبتوه بالظراب لاتعطيه مويه يشرب

من ناحية العلف اكرمه ماعليه عطه مكعب او شعير مخمر في المويه

حطله رباط بوصط البل عشان يشم الجسره بكثره

اخر حل ترشه بمويه مثل ما قالو الشباب وتراها مظره علا ماسمعت تجيه الذيبه

الله يبارك لنا ولك بالانتاج الفاخر.......

هذا رأيي

[المهمري]

عشت ياخبير ابو الشباب 3
المشكلة ماعندي الا ناقة وحده مجسر والفحل لرفيقي
والعام الماضي الضاهر ضرب ناقتين بس
هل ضروري انه يهدر ويزبد اخاف يصير صرابه خرطي ويضيع علي الوقت

[محافظ وطي]

يبدو إنهم استعجلوا في هده العام ... البعير افضل ما يهد قبل ما يتم 4 سنوات بالضبط(جذع تام) وشيابنا يقولون انه يأثر عليه العام اللي بعده ...يصير ضرابه ردي. اعزله عن البل فتره ... وان كان حصل تجيب فحل ثاني علشان ( يسنه) ولا تقربها حول بعض. وبيضرب قريب ان شاء الله

[ابو الشباب3]

عشت ياخبير ابو الشباب 3
المشكلة ماعندي الا ناقة وحده مجسر والفحل لرفيقي
والعام الماضي الضاهر ضرب ناقتين بس
هل ضروري انه يهدر ويزبد اخاف يصير صرابه خرطي ويضيع علي الوقت

اخوي الغالي اشكرك على هذا الاطرا ولاكن فيه منهواخبر مني واعرف

اهم شي يكون بطنه ضامر

واذا بغيت تظرب به العصرلايشرب مويه ولا تعلفه حتى يخلص من الظراب ..

احسن وقت لاظراب للبعير الي ماهاج بعد الفجر مباشره والجو بارد

اتمنا وصول المعلومه ..:good2: :good:

[المهمري]

عشت ياابوالشباب3 ويامحافظ وطي
خليته يضرب امس ازبد وهدر المشكلة له بطن فما استقر على الناقه زين يركب ويطيح قلت للعمال لا يعطونه برسيم او ذره اوتبن فقط 7كيلو شعير علشان يضمر بطنه
ابا اجرب وصيتك واخليه يضرب قبل الاكل شاكر لك ياابو الشباب3

[ابو الشباب3]

شكرآ لك اهم شي الواحد يفيد ويستفيد في منتدنا الغالي

احرص على البرسيم وقت الظراب او على طول انفع من غيره مع التقليل من الشعير حطله مكعب الوافي احسن .. خله يظرب اول وبعدين يعلف احسن

[هدد99]

اذا كانه ضرب . ثق ثقه تامه انه سوفى يضرب لا تصب لاماء ولاشي . البعير اذا ظرب خلاص استهد. ولابد انه يكون عنده ظرايب .

وربط البعير في النهار . وفكه في الليل عشان يطرح البكار . تعرف البكرة ما توقف . بس البعير ذكي يطرح وهي باركة . خلاه مع الابل في اليل . وتشوف ولاتستعجل .