هل لا زالت الضباع تجول في نجد؟

[ابا الأفلح]

السلام عليكم ورحمة الله وبركاته،،،

ذكر لي صديق اثق به له مخيم يبعد عن الرياض 100 كيلو تقريبا انه شاهد ضبعه نعم حيوان الضبع
بالقرب من مخيمه وعند سؤال راعي اغنام يمني بالقرب منه افاد انه كلما مات احدها وظعها على شجره
لكي تتعفن وعندما تشم الضبعه الرائحه تأتي وتنهش الجيفه وأفاد ايضا انه يراها من ثلاثة شهور تقريبا...


السؤال: هل ما شاهدوه فعلا ضبع او حيوان شبيه بالضبع؟؟؟؟؟

وهل لازال الضبع يجول في نجد تحديدا؟؟؟

[الشقردي 999]

ماضتني 100 كيلو بس

[الخسيف]

اخي العزيز لاتستبعد ذلك .. يوجد لدينا في الدرعية مغارة في احد الشعبان يسميها جدي رحمه الله مغارة الضبع.. كان يستوطنها قبل 30 سنه.. ولا يستبعد وجودها في الجبال اللي تكثر فيه المغارات في الوقت الحالي

[طيرالفلاة]

اي منطقه يوجد بها جبال ولو حزوم بسيطه

لايستغرب فيها وجود الدياب او الظباع

ولاادري عن صحة رؤية مشاهدته في بنبان قبل سنوات

[ابا الأفلح]

الشقردي
الخسيف
طير الفلاة
اشكركم على تفاعلكم
اما انا بالنسبه لي فذكر الذيب في نجد صار نادر فما بالك بالضبع؟؟؟
هل يوجد احد من الاعضاء شاهد ضبعه خلال رحلاته في نجد؟؟؟

[دخنآوي]

والله يالربع

فيه ديره بالقصيم ومعروفه اسمها الدحله عند الخشيبي

معروفه بكثرة الذيابه ولاجيت مناقع الماء تلقا جررهن

[القطاوي 2008]

ليش لا يالغالي

[ناصر 1]

ليش لا!!!

في الخفس ذياب بس قليله ومنقطعه

قبل كم سنه واحد من الربع في الليل لقى له ذيب والرجال ثقه ولايكذب

[@قرناص@]

اتوقع انها موجوده في الجبال والاماكن البعيده اما 100 كيلو قريبه

ولاتستبعد شيئ

[ملك الجان]

ممكن فيه ليش لا ؟

الحين مو كل شوي محصلين تماسيح :)

اللي اقصده يالغالي انه ممكن احد جابه وبعدين هده

كثير يحصلون حيوانات في اماكن ما احد يتوقع وجودها فيه

[ابا الأفلح]

عاشق براوننج
العود الازرق
القطاوي
ناصر
قرناص
ملك الجان
مشكورين على المرور والتعليق

[Black Hunter]

يا خوي نجد واسعة

ومثل ما قالولك الآخوان أي مكان فيه جبال ومغاير لا يستبعد وجود الضباع فيه

وتقبل مروري

[سامع الشور]

أعتقد في جبال جنوب الرياض إلى الحوطة لايزال موجود ومعه العديد من الحيوانات النادرة كالوبر

[الظافر]

ليش لا اكيد موجوده خصوصا المناطق البعيده

[~ V T A C ~]

اخوي الشمال واجد الضباع فيه

وخاصة العلآ

[الفيصل2009]

صحيح أخوي الضبع موجــود وتم صيدة في مدينة الرياض عام 1422 هجري
أنا وبعض الزملاء بظبط بعد تشليح النظيم بنصف كيلو

وبعد مطارة لمدة لم تقل عن الساعتين تم الصطيادة حياً
ولكن التضح أنا المنطقة التي خرجة منها منطقة عسكرية

وتم توثيق الحدث مع جريد عكاظ

وتم سلخة وأكلة لحمة من بعض الشباب بدواعي العلاج وأنا نفسي لم أكله لعدم تقبلي شكلة

ولكن الشرع حلال ذالك على حد قولهم

والله أعلم

[ابوحماد]

الذيب موجود قبل 15 سنه في بويب و المساجدي وهو موجود في الوقت الحاضر في منتزه الثمامه البري تحت الضلعان بنسبه قليله

بنسبه للضباع و الذيب موجوده في الطوقي و الخفس وجنوب الرياض مثل الحريق و الافلاج و الحوطه

وتوجد في منطقة قريبه م الرياض وهي فوق هجرة هيت منطقة يقال عنها العرميه

[رحال الجوف]

غريبة مافي ظباع عندكم بنجد :eek:
عندنا بالشمال اكثر من الحصانية
لدرجة انهم بصيف يكثرون الحراسة
على البطيخ لان نصة يروح لضباع

[دآحم الفريدي]

بالنسبة لسؤالك ما عندي علم لكن بسأل هالخبره عنها
أما المسافة100 كيلو عند الثمامه يعني ولا الطوقي
هذي الأماكن حتى البساسة ما لها أثر:D
قل 300 كيلو وورى ممكن << لا أكذبك لكن هذا الواقع
مافي شي قريب إلا وقد أُبيد حتى الحصني
أخوي إذا لقيتها مالك إلا تسويله كمين مصيده
حتى ترسله للحماية البيئه أو تتصل عليهم:)
ولا سو عليه مندي وإرسلي على الخاص على شان أجيك;)
موفق خير:good2:

[مجري الهياب]

موجود وصايدة انا والوالد قبل عشر سنين تقريبا في الجبل اللي عند الدفاع الجوي وقريب من محطة التسهيلات على خط الدمام الرياض السريع وتمنيت اني ماصدة ولو اني في وقتي هذا مافكرت اني اصيدة و ماراح اصيدةأبد أن شاءالله ...................

http://www.saudiwildlife.com/kalimah/km_uploads/2009/01/13/17-07-48-mid.jpg

[الفياض***]

نعم موجود خصوصا المناطق المحمية مثل شبوك العسكريه

[مرقاب]

اخوي الضباع في نجد منقرضه او شبه منقرضه وطبعا هذا بسبب الصيد والقتل بمناسبه ودون مناسبه الخ
الاديب ابن خميس اصطاد ضبعه بالسياره اصطدام عند جبل ابو مخروق بالملز الرياض قبل اكثر من خمسين سنه اما السنوات الاخيره في القصيم شماله اصطيد ويقال في القاعده في العيينه ايضا حادثه اخرى وعاليه نجد جهة الحجاز ماتخلى من الضباع .
والصه اللتي اوردته لا يستبعد فقد تكون هاربه من صاحبه او هاوي لهذه الحيونات

وهذا مقطع يبين مدى الوعي في قتل الحيوانات المهدده بالانقراض
http://www.youtube.com/watch?v=sSOIm90tBls

[عبدالعزيزف]

هذي تلقاها كانت عند واحد شاريها مسوي بيربي ضباع
خاف تاكله اطلق سراحها ومتوفره سابقا بسوق الخوبه

[ابا الأفلح]

اشكر جميع الاخوه الي مرو على الموظوع وعلقوا عليه
انا كنت مستغرب لان الذيب وهو الذيب لم نعد نشاهده فمابالكم بالضبع؟؟؟
شكرا للجميع،،،

[طائرالحجاز]

لا يسبعد وجودها وكل ما شح الطعام تتوسع دارة البحث عن الطعام بنسبه لجميع الحيوانات البريه

[الشاطر ماطر]

موجوده ولاكن بصوره قليله

[ابا الأفلح]

اشكر جميع الاخوان على تفاعلهم
سؤال اخر هل يهاجم الضبع الانسان اذا جاع؟؟؟

[مرقاب]

اخوي ابا الافلح اذكر تقرير لعلماء حيوان تهتم بالحياة الفطريه الشاهد انهم ذكروا اخطر ثلاثة حيوانات على الارض تمثل خطر مباشر على الانسان فذكروا الدب القطبي والحوت القاتل او نوع من القرش والضبع .
اما الحيونات المفترسه في الجزيره العربيه فقد يختلفه سلوكها امام الانسان لدينا فهو عدوها الاول -بسبب الصيد الجائر - بالتالي تتجنبه ولا تتعرضله الافي اضيق الظروف وحالات كثيره تمثل دفاع عن النفس -الحيوان- في وكره

[قاهر الصمان]

أحبتي في الله

حسب ما مر علينا من سواليف وروحات وكشتات مع ناس نشاما مثلكم يا جماعة الخير نجد كبيرة والشيء الأهم أنه نحن نذهب إلى اماكن وننسى بأننا نصف المسافة والوقت نقضيه في طريق مسفلت!

ولا تنسون ترانا ما شفنا ولا 1% من الامكان لأن هناك جبال وهناك وديان كثيرة وشعبان عجيبة

كنت قبل كم يوم في شعيب الحميم وفي بعض أجزاءه يا جماعة روحوا عنده سبحان الله كأن ما زاره احد أبد ولا تدري وش يجيه بالليل من حيوانات

الله اعلم

ولا نستبعد شيء

[قاهر الصمان]

في عام 2001م اذا تذكرون الربيع اللي جانا في الرمحيه والخفس وحولها؟

الشاهد هناك من شاهد الذئب في مداخل الطوقي

بعد طلعة الطوقي ب 13 كم تاخذ يسار عكس الشعيب

[محب الرمنغتون]

أخاف أنه منطلق من محطة المدينة المنورة على طريق القصيم :(

[السملع الهملع]

الله يجيرنا منهن

[طيرالفلاة]

لو تعمل اخي ابا الأفلح ...او احد الإخوه خريطه تقريبيه للإماكن التي جرى تسجيل المشاهده وكل مشاهده بنقطه وتنزلها بمقال جديد وبلإمكان تحديث الخريطه حسب تسجيل القراء

لمشاهدتهم لها

لا اصبح عندنا اول خريطه تقريبيه ( باصدار مكشات ) عن الأماكن التي شوهدت

فيها هده الحيوانات

منها : العرمه

طويق

شمال المملكه

شرق المدينه

غرب العيينه

قرب الحوطه ......وغيرها

[سالم بن قبوس]

الله يستر ان كان الكلام هذا صدق

[الادعج]

يالربع ..انا ابعلق بخصوص بعض الاخوان اللي يقولون الذيب مهوب موجود فكيف بالضبع ..الحقيقه انا مادري عن الضبع ولا قد شفته بعيني بالبر....لكن الذيب ....موجود بمنطقه جبيله بالقصيم واقرب مالها الرس واسمها (جبال قطن) وموجود بكثره ملاحظه عن السنوات اللي راحت....واللي مخلين اتأكد أكثر ان فيه رجال شرواكم حربي راعي حلال وحلاله موجود بقطن وانا جالس معه واذكره يقول ~~ والله بهالسنين التاليه انه مشغلنا ومشغل حلالنا واكثر من مره( أطردهن) عن الحلال واشوفهن واجد مهيب واحد ولا اثنين حول الخمسه لكنهن جفولات بلحيل (شديدات الحذر)~~

[رفحاوي 999]

برفحاء قبل 3 اشهر مذبوح ضبع
والذيابة كثيرة

[لبتون]

بالنسبه لذئاب موجوده مع اني ماشفتها بس الناس تتكلم عن جرتها وتقول هذي جرت ذيب وتكثر عند موادر المياه
اما الضبع فمستحيل وجوده في نجد انسا الموضوع الا اذا كان تابع لشخص وهرب منه او اطلق سراحه

اخي كاتب الموضوع ياليت تحدد لنا المكان الي تم فيه شوفت الضبع
100 كيلو من وين

[عاشق السراة]

تبغا جعار ( ضباع ) و حصاني موجود عندنا في الجبال الغربية الجنوبيه الغربيه ( الحجاز و بكثرة في السروات ) و بكثرة ;) :p

لكن نجد مدري :D

[radar1]

كل شيء جايز ولا تستبعد اي حاجة

[ولد الخضاريه]

سامع شور
ماتوقع هناك ضباعه لاكن الوبران موجوده ومعروفه محلاته لهل ديره لاكن ذيابه ذكر قبل يمكن سنه من واحد من الربع

[ابوقشعان]

ماشاء تبارك الرحمن