المساعد الشخصي الرقمي

مشاهدة النسخة كاملة : برميل مندي


أبوفراااس
31/12/2009, 10:22 AM
السلام عليكم ورحمه الله وبركاته
ياجماعه انا عندي برميل مندي شريته من السنيدي اللي يجي قطعتين والغطاء الثالث ومعه رفين صلحت فيه مندي حطيت الدجاج بالرف اللي فوق والرز تحت الدجاج والنار تحت الرزوحطيت النار حطب المره الاولى ولا نفع طلع الرز ماهو بالحيل والدجاج ماستوى وسويت مره ثانيه وحطيت بدال الحطب فحم ولا نفع مادري وش المشكلة
ارجو الرد على الموضوع وجزاكم الله خيرا
نشمي حرب
31/12/2009, 10:28 AM
أخوي ابو فراس حياك الله بالنسبه للمندي أهم شي الحطب و الوقت وبصراحه مدري انت

كم خليته من وقت وطريقة حساب الوقت تعرفها من نااارك ...

ننتظر ردوود اهل الخبره .. تقبل تحيااتي .
ديم الجنوب
31/12/2009, 11:21 AM
يمكن يكون العيب في البرميل

تحياتي لك ، ،،
راشد بن حمد
31/12/2009, 11:53 AM
تقصد البرميل الأسود ؟؟

بصراحه شفته عند السنيدي قبل كم يوم بس ما أرتحت له

كذا من الله ما حبيته وحسيت أنه أي كلام

والسموحه منكم
أبوسديم
31/12/2009, 01:17 PM
أخوي أبو فراس مالي خبرة بالبرميل اللي تتكلم عنه أنا معي برميل مسويه عند حداد وياريت تنزل صورة للبرميل وتعلمنا كيف طريقته وأفيدك ان شاء الله وسوف أقوم بتنزيل موضوع للبرميل ولكن بعد الترتيب ... أصبر علي فأخوك مشغول هاليومين ..
عزبة بر
31/12/2009, 01:44 PM
اخوي ابو فراس
هل انت دفنت البرميل
لان برميل السنيدي على ما اظن يحتاج دفن
ويحتاج تحط حطب كثير
يعني تحط حزمتين زي اللي عند المحطات
:)
مقناص 20
31/12/2009, 02:02 PM
حياك الله يالغالي
عندك عدة ملاحظات قد تكون السبب في اغلب الاحيان
مقدار الوقت الي انت طبخت فيه لايكفي
كمية الحطب ايضا قليله والنوع له دور بعد
البرميل يمكن لك عليه مو ذاك الزود ردي
احيانا بعض البراميل لازم يدفن في الارض
اذا امكن تنزل صور للبرميل لكي نفيدك اكثر انشاء الله
اسف على الاطاله وتقبل ملاحظاتي
باركالله فيك

http://img193.imageshack.us/img193/258/sign3pq.jpg
أبوفراااس
31/12/2009, 02:40 PM
هذا الصوره للبرميل

ولكن اعذروني لقلة الوضوح

وسوف ارسلكم صوره الليله صوره اوضح من ذلك هذه الليله


http://upload.up3.cc/uploads/12622587521.jpg
الناب
31/12/2009, 04:29 PM
هل أنت دفنت البرميل؟

البرميل يحتاج إلى دفن كامل
وكثر كمية الحطب
وخله ضعف الوقت

موفق خير
أخوك
بن فهد
لاتكب البيالة
31/12/2009, 04:32 PM
البرميل شكله مابه طين اذا لابد من الدفن وانت ذكرت انه قطعتين يعني قضية التنسيم وارده
وانصحك تاخذ البرميل اللي يكون مليس بطين او تدفن هذا
الناب
31/12/2009, 05:23 PM
أبو فرااااس يقصد هذا البرميل
http://img64.imageshack.us/img64/3061/bermeelmandi7.jpg

http://img710.imageshack.us/img710/4404/bermeelmandi8.jpg

وهو كما ذكرت لا بد من دفنه تماما

موفق خير
أخوك
بن فهد
أبوفراااس
01/01/2010, 02:09 PM
السلام عليكم ورحمة الله وبركاته
البرميل سوينا فيه كل الطرق الاولى خليناه بدون دفن وحطينا فية حطب كثير وحطينا الرز تحت والدجاج فوق وسكرناه والثانيه حطين بدال الحطب فحم ولا نفع والثالثه حطينا حطب وفحم ودفناه كامل ولا فية فايده
رجل آخر
01/01/2010, 02:22 PM
ابو فراس

السلام عليكم ورحمة الله وبركاته

احد الاخوان شراء درام من السنيدي

نفس اللي شريت

وحطبة جمر كمية كبيره

ودفنه ولكن دون جدوى

نفس الحاله اللي مريت فيها

يعني ترى الدعوى عمليت تسويق لا أكثر ولا أقل

عليك تذهب بالدرام وتلحمة وصله وحده

وتخليه لزبالة البيت مع العذر والسموحه

لانه مايستحق ان يسمى بدرام مندي
لاتكب البيالة
01/01/2010, 02:43 PM
للاسف مدام كذا فان السنيدي يجيب اشياء يجربهن علينا
نتافة الطيور
ثم
راويات الماء الصغيرة
ثم
هالبرميل
هذي اللي اعرف وغيرهن كثير
مافيه احد مدحهن
لذا اي شي جديد بالسنيدي لا تقربه اكيد الصينيين ما يعرفون وش اللي نبيه وريح راسك
أبوفراااس
02/01/2010, 09:35 PM
ياناس ياعالم كان هالبرميل له طريقه غير الطرق اللي سوينا علمونا عنها مالكم ألا أجر والله
الناب
03/01/2010, 02:48 AM
نزل اليوم موضوع عن هالبرميل
في خيمة العدد والأدوات
وكانت النتيجه مرضية
الموضوع:

تجربتي مع برميل مندي السنيدي مسفط اهداء ل دهران (http://www.mekshat.com/vb/showthread.php?t=258304)

موفق خير
أخوك
بن فهد
dhym
09/01/2010, 06:21 PM
أخوي البرميل يبيله دفن + لاتحط حطب الا اثل وكثر ازيلك واذا جمر الحطب ضع الرز ثمن الدجاج ويستحسن انك تدفن البرميل اذا اغلقته تدفنه برمل كثير لكي لايفقد الحراره ،،
وانصحك انك تكثر الحطب ،، ووقته ساعه
space
10/01/2010, 12:59 PM
البرميل حديدة خفيف لو حطيت 3 حزم من الحطب مايحتر ولارايح يزبط المندي .

البرميل المفروض يكون حدبد اقوي وثقيل يمسك الحرارة .

لكن انا عندي طريقة فيه طوب ناري خاص بالمندي والافران وغيرها جيب من هذا الطوب وخلي المعلم يعمل لك برميل دائري بهذا الطوب واعمل للبرميل رقبة خارجية وفصل لها غطاء من الحديد .
أبوسديم
01/04/2010, 07:24 AM
السلام عليكم أخوي بعد أن شاهدت صورة البرميل اللي منزلها الأخ الناب البرميل زين ومافيه شي وخذ الطريقة مني وبإذن الله راح تدعي لي
هذا النوع من البراميل يجب يجب يجب دفنه في الرمل ولاحظ معي كلمة يجب.
ثانيا لابد أن تولع النار داخل البرميل وليس خارج البرميل لأن الهدف تسخين البرميل والأرض التي حوله يعني تأخذلك كم حزمة من السمر أو القرض وتولعها إلى أن يصير جمر مظبوط .
ثالثا الفحم ما ينفع لازم حطب ... وبعدين تحط الرز واللحم وإلا الدجاج وتسكر مظبوط بحيث ما ينسم أبد.... وكمية الحطب على قد الطبخة وترى أي برميل ينفع لاحد يقول لك البرميل مايصلح ولاتفكر في هذا الكلام لأني في بعض الأحيان أعمل الحنيذ في برميل البوية بعد تنظيفه تماما وإحراقه بالنارثم يدفن في الرمل (عملية الدفن مهمة وأساسية )وأشعل النار إلى أن تجمر وأحط فيه لحم مع المرخ بس واسكر بقصدير وخياش الرزبعد بلها بالماءوادفنه بالرمل.. والرز يطبخ في قدر لوحده عشان البرميل حق البويه صغيرويطلع شغل على كيف كيفك.....يعني لاترمي البرميل حقك وجرب وستنجح الطريقة بإذن الله ........ أتمنى أني قد أفدتك ولك خاص تحياتي وآسف على التأخير لأن أخوك بعيد عن النت مريض ومسوي عملية الله لايبلاك ............... أخوك أبو سديم......:good2: