عشاق الشاهي

[ليالي المكشات]

السلام عليكم

شباب انا كنت مدمن لبتن

بس لاحظت هالفتره الاخيره تغير طعمه

حبيت اسال احل لاحض مثلي ؟؟
و اذا احد يعرف نوع ثاني نفس الطعم الي كان عليه ؟

[لمع السحاب]

السلارم عليكم
اخي الكريم يوجد شاي اسمه احمد تي يجي نوعين بورق حمراء و ورقه صفراء الاحمر افضل نكهة
فيه شاي مطحون الكيني سفاري وارد المزروع ررررررروعة
تقبل احياتي

[Nawaf alrawaily]

آخي الكريم

جرب شاي ربيع صدقني هو المذاق الأصلي . طبعاً له عدة طرق لتصليحة

تحياتي

عشق وجنون

[رعد الصحراء]

بالنسبه لي

شاهي الوزه

[ليالي المكشات]

لمع السحاب بالنسبة لشاي احمد جربتة عادي لكن شاي المزروع وين احصلة

[عزبة بر]

والل يا اخوان عندكم الشاهي الكيني
اللي يجيك حبيبات >> متعوب عليها
يجي لون كرتونه ابيض سااااااااده
وعلى ما اظن تلقاه عن السدحان فقط
بس والله شاهي يطرب الحاااااااااال
:)

[ليالي المكشات]

عزبة بر

وش قصة شاهي الكيني اول مرة اسمع عنة وين احصلة وش اسمة التجاري

[عزبة بر]

عزبة بر

وش قصة شاهي الكيني اول مرة اسمع عنة وين احصلة وش اسمة التجاري
اسمع وانا اخوك
والله شاهي مجنون
يجيك حبيبات على شكل دوائر
تلقاه عند السدحان لون كرتونه ابيض ساده
وجربه ما راح تخسر
والله بطل
وان شاء الله اذا بغيت انزل له صور نزلت
:)

[ابو الميش]

ياخي حرام عليك ياخوي ليالي (( اقسم بالله )) سجلت بالمنتدى علشان ارد على موضوعك


اذا انت راعي بر وتشرب ليبتون هذي مشكله ... اما اذا لا يعني مافيه اشكال ولو ان الليبتون من وجهة نظري مظر بالصحه ... انا واحد من الناس يسببلي حرقان على الاقل الليبتون الاكياس


حبيبي ركز معي وش راح اقولك انا مدمن شاهي من 12 سنه تقريبا ... وجربت جميع انواع الشاهي ولا لقيت ألذ ولا اطعم ولا شي يسد الخرمه مثل شاي ربيع .. بجد والله شاي ربيع وبس ومو ربيع اكياس ربيع تلقيمه


تعال خذ مني الطريقه وياليت تفهمها


الابريق العادي اللي 7 بيالات


حط المويه وكم عود قرفه واول مايطبخ حط بياله سكر .. وخل السكر يطبخ مع القرفه دقيقتين وبعد ماتخلص شل الابريق من على النار وحط بيدك وزنيه يبيلك تتعلمها مره مرتين لين تجي على مزاجك وغالبا ماتكون الوزنيه فنجال قهوه تحط فيه الشاي ... المهم تحط الشاي بالابريق وتكتمه ماتطبخه نهائيا وخله لمده 6 دقايق بدون تحريك الابريق .. الوزنيه مثل ماقلتلك كم يوم وتتعلمها يعني مره تجيبه ثقيل ومره خفيف المهم يجي يوم تعرف وزنيتك .. وبعد كذا الله يعينك على الخرمه ووجع الراس وترى هذا اللي يسمونه شاي تخدير


اقولك ليه قلت لاتطبخه لان الشاي الورق ماينطبخ واذا طبخته يعقد يمرمر ...


قال ليبتون قال يكفي ان شاي ربيع وارد باعشن والاخ باعشن ماستورد الا حاجتين شاي ربيع وجراك باعشن عرفته الشيشه الطويله حقت المدمنين الشيبان


وهذا اللون الي مطلوب انك توصله مثل اللي بالصوره


http://up4.m5zn.com/9bjndthcm6y53q1w0kvpz47xgs82rf/2009/12/31/05/1c921y6t3.jpg (http://www.tobikat.com)


طبعا طولت بالموضوع حبيت اوصلك فكره .. ومثل ماقلت سجلت بالمنتدى علشان ارد عليك


تحياتي

[mohmad]

يا اخوان الشاهي كيف ومزاج

وكل ومزاجه

[ليالي المكشات]

ابو المبش اتكلم عن الصبحية الي الواحد يكووون مستجل يبي الشاي بسرعة يا ولد اخف اتاخر على الدوام والثمن الشاهي اي النتيجة يا خي العزيز الكريم حبة خشوووووم وانت ابخص
التلقيمة لها وقتها مثل المغرب وبعد الدسم

[ابو معايا]

للآمانه نعاني من انواع الشاهي اللي عندنا
شفت الاخوان يمدحون الوزه و اللحين الكيني تكفون إذا عندكم صور
لآ تبخلون علينا مادري انا من جده و إن شاء الله نحصل

ابو الميش .. القرفه ما تطعم في الشاهي لمن يكون جاهز ؟

[hamdani]

الشاى الاخضر افضل ل(لاتزعلوا علينا)

[راعي المرباع]

نداء لأبو الميش اقووووووول ينصر دينك ياشيخ ايه يابعدي والله لوانت عندي لحب خشمك
ياجماعة اللي يبي شاهي مخدِر ويعدل المزاج يسوي طريقة ابو الميش على كلاً ياليالي المكشات
خذلك ربيع تلقيمه وطبق الطريقة . ومثل ماقالك لاتطبخ الشاهي