عوامة البانزين للباترول

[عبدالعزيزف]

السلام عليكم ورحمة الله وبركاته

باترول95بغيت اغير عوامة البنزين ياليت تفيدوني
هل فيه بديل لها او اركب اصلي وهل هي مكلفه
وتقبلو تحياتي

[mds99922]

السلام عليكم ورحمة الله وبركاته

باترول95بغيت اغير عوامة البنزين ياليت تفيدوني
هل فيه بديل لها او اركب اصلي وهل هي مكلفه
وتقبلو تحياتي
وعليكم السلام ورحمة الله وبركاته
من ناحية البديل شف التشليح تلاقي شد البلد وأقل سعر من الوكاله..... وتقبل مروري

[M ... A 1]

ركب الاصلي
سعره 140 ريال

[جريح الليل]

والله انا رايي من راي الرجال ركب جديد لان سعره موب غالي اذا غلت وصلت 150 ريال
انا والله غيرته قبل فتره بس ماذكر بكم

[عبدالعزيزف]

M ... A 1رد: عوامة البانزين للباترول
ركب الاصلي
سعره 140 ريال

جريح الليلرد: عوامة البانزين للباترول
والله انا رايي من راي الرجال ركب جديد لان سعره موب غالي اذا غلت وصلت 150 ريال
انا والله غيرته قبل فتره بس ماذكر بكم

مشكورين اخواني على الرد
مير المقصد من البديل فيه عوامة سيارة ثانية تركب
على الباترول وتكون افضل

[abo-lma]

سؤال ليش تبي تغير العوامة هل الانبير عطلان مايشتغل

اذا نعم الانبير عطلان غير فقط العصاء اليي داخل العوامة قيمتها 170 ريال

لأن العوامة كاملة قيمتها 550 ريال

أن شالله أني وصلتلك معلومة مهمة

موفق خير

[عبدالعزيزف]

سؤال ليش تبي تغير العوامة هل الانبير عطلان مايشتغل

اذا نعم الانبير عطلان غير فقط العصاء اليي داخل العوامة قيمتها 170 ريال

لأن العوامة كاملة قيمتها 550 ريال

أن شالله أني وصلتلك معلومة مهمة

موفق خير

هلابك اخويabo-lma
الانبير شغال الموتر اول ما تدق سلف يشتغل معك
طبيعي تمشي فيه حدود 5او7كيلو يقطع معك ويطفي
واول ماتدق سلف يشتغل دقايق ويطفي خله نص ساعه
وارجع شغله يوصلك حدود5الى7كيلو وعلى هالحال
غيرت البواجي وغيرت البليتين وصفاية البانزين والطرمبة
واصلاح كبليتر ...... والله شيب براسي
اخرتها بشب فيه:f

[سوبر VTC]

اخرتها بشب فيه:f



هههههههه :D:p
الله يفرجه ان شاء الله
وين موقعك ؟؟؟

[عبدالعزيزف]

هههههههه :D:p

الله يفرجه ان شاء الله
وين موقعك ؟؟؟




هلا اخوي سوبرVTC امين الله يسمع منك
موقعي الرياض

[سوبر VTC]

هلا اخوي سوبرVTC امين الله يسمع منك
موقعي الرياض


طيب عندك ورشة ابو صالح التركي بالصناعيه القديمه
تخصص باترول :good:
ان بغيت رقمه علمن
موفق

[_دربيل_999]

عزيزي إياك والترهيم والبحث عن البديل..لأنك ستعالج مشكلة بمشكلة مستعصية..

أخي خذ القطعة من الوكالة وأبحث عن المتخصص في التركيب..وستحصل على نتيجة جيدة..

إبتعد كل البعد عن ورش السباكين والمبلطين والحلاقين اللي يتعلموا الميكانيكا في سياراتنا..

كل التقدير مني لك..

اخوك

الروقي

[شامخ ألهيلا]

اخوي في اخلاتف في السعر بين العوامه لللاستاندر
والعوامه لسوابر سفاري
الاستاندر رخيصه لانها بدون حساس اضاة قرب انتهاء البنزين
والعكس في الفل كامل سوبر سفاري

[عبدالعزيزف]

وأخيرا عرفنا المشكلة لاهي العوامة ولاهم يحزنون
كنا نسولف انا والوالد ومن ضمن السوالف سالته عن المشكلة
يمكن مرت عليه في السابق وسألني وش بقى ماغيرته قلت مابقالي الا العوامة
قالي فيه شغله ثانيه ابيك تجربها ان نجحت وإلا لا

قالي تعرف الليات اللي تطلع من التانكي وتذهب الى طرمبة النزين الامامية
فكها من جهت التانكي وفكها من جهت الطرمبة وبعدين بمسدس الهواء
انفخ داخل اللي يمكن يكون ناشب فيه شي
وفعلا طلع كلامه صحيح انحلت المشلكة ورجع الموتر طبيعي

[سوبر VTC]

وأخيرا عرفنا المشكلة لاهي العوامة ولاهم يحزنون
كنا نسولف انا والوالد ومن ضمن السوالف سالته عن المشكلة
يمكن مرت عليه في السابق وسألني وش بقى ماغيرته قلت مابقالي الا العوامة
قالي فيه شغله ثانيه ابيك تجربها ان نجحت وإلا لا

قالي تعرف الليات اللي تطلع من التانكي وتذهب الى طرمبة النزين الامامية
فكها من جهت التانكي وفكها من جهت الطرمبة وبعدين بمسدس الهواء
انفخ داخل اللي يمكن يكون ناشب فيه شي
وفعلا طلع كلامه صحيح انحلت المشلكة ورجع الموتر طبيعي





اخوي عبدالعزيز
الله يطول بعمر الله الوالد
و يجعلك عون له على الطاعه
سؤالي
مادخل الليات بالعوامة ؟؟؟
العوامة على كهرب
انتظر اجابتك

على فكرة
الخطا مشترك بيني و بينك
لانه يفترض من البداية اني اسالك
لماذا تريد تغيير العوامة ؟؟؟

[عبدالعزيزف]

هلابك اخوي سوبر

مادخل الليات بالعوامة ؟؟؟
ماني متأكد وقتها هل العوامة خربانه والا لا
لان الموتر تحس انه يقطع مايوصل بنزين
وسألت كم واحد قالو هذي العوامة غيرها
والعوامة ليست كهرب الباترول ستاندر

[سوبر VTC]

هلابك اخوي سوبر

مادخل الليات بالعوامة ؟؟؟
ماني متأكد وقتها هل العوامة خربانه والا لا
لان الموتر تحس انه يقطع مايوصل بنزين
وسألت كم واحد قالو هذي العوامة غيرها
والعوامة ليست كهرب الباترول ستاندر


حياك
يفترض من البداية

انك تقول الباترول عندي يقطع ؟

سبب التقطيع
وزن الديلكو
بواجي
اسلاك بواجي
بليتين البواجي
فضاوة بعمود الديلكو
خراب شاكوش الديلكو
اصلاح الكبليتر سدد بالابر مثلا
خراب الكويل
العوامة وظيفته كهرب فقط => قياس مستوى البنزين بالتانكي
بواسطة الانبير بالطبلون

طرمبة البنزين الباترول الكبليتر
مكانه بصدر المكينة من اليمين
بداية خراب طرمبة البنزين
يكون تهريب زيت مع جمب الطرمبة او تعريق بنزين
ربلة تخرب و تبدا تندي
طرمبة البنزين تدور بواسطة عمود التيمن (حركة ميكانيكية)
طريقة عمله
مثل منفاخ النار

[عبدالعزيزف]

حياك

يفترض من البداية


انك تقول الباترول عندي يقطع ؟


سبب التقطيع
وزن الديلكو
بواجي
اسلاك بواجي
بليتين البواجي
فضاوة بعمود الديلكو
خراب شاكوش الديلكو
اصلاح الكبليتر سدد بالابر مثلا
خراب الكويل
العوامة وظيفته كهرب فقط => قياس مستوى البنزين بالتانكي
بواسطة الانبير بالطبلون


طرمبة البنزين الباترول الكبليتر
مكانه بصدر المكينة من اليمين
بداية خراب طرمبة البنزين
يكون تهريب زيت مع جمب الطرمبة او تعريق بنزين
ربلة تخرب و تبدا تندي
طرمبة البنزين تدور بواسطة عمود التيمن (حركة ميكانيكية)
طريقة عمله
مثل منفاخ النار



هلابك مشرفنا العزيز
العوامة وظيفته كهرب فقط => قياس مستوى البنزين بالتانكي
بواسطة الانبير بالطبلون
اللحين عرفت وظيفتها
شاكرلك تعاونك معنا اخوي سوبر