وجدت بالصدفة بالدمام هذا الدافور من بريموس !!!!!

[khalaa2u]

السلام عليكم ورحمة الله وبركاته
اسعد الله اوقاتكم بكل خير
امس كنت رايح السوق وبالصدفة مريت محل لبيع الدوافير
وبالسؤال عن منتجات بريموس قالي ماعندي شي هو يحسبني ادور الدبات الزرق بس
ولما جيت اطلع من المحل طاحت عيني على هالمزيون بالصدفة
(طبعا الصورة مأخوذة من احد مواظيع اخي عبدالرحمن305)
وتوجد عندة بعد دبات بريموس الرصاصية ذات الاستخدام الواحد
ولما قمت بالتأكد من الدافور وجدت انه صناعة سويديه
باقي عندة 3 حبات طبعا للاسف بدون كرتون بس جدد ماهي مستعملة وحد الوحده علي ب 90 ريال
السؤال هل تركب عليها دبات كوفيا لأنها هي اللي غالبا متوفرة بالسوق
عذرا على الاطالة



http://www.mekshat.com/pix/upload02/images100/mk99405_6x.jpg

[Z i y a d]

شكله ما اعجبني مدري وشلون احسه شين بالحيل

[سرهيد]

السلام عليكم

الصناعة السويدية من شركة بريموس لا يعلى عليها رائعة وتخدمك

مثل هذه النوعية له هواته ومحبية

لكني من النوع الذي لا احبذ اي قز يحتاج للدبات ذات الاستخدام الواحد لسببين :

الأول : اني لا ارتاح لجلوس الدلة عليه او البريق ولا أمن سقوطها ، وخاصة مع التحريك .

الثاني : مستهلك دوما ؛ كلما انتهت الدبة اشتر دبة .

تقبل احترامي وشكرا لأفادتك الاخوان بهذه المعلومة

الله يبيض وجهك

تقبل احترامي

[MNH]

وين لقيتها في الدمام وش اسم المحل ...؟؟؟

[عزبة بر]

والله انا عندي مثله قديم
لكن مشكلته رجلينه
ما تخدمك
:)

[مطيعيس]

مشكور وماقصرت

[فيصل التميمي]

مشكور على الطرح الرئع

[صليب الراي]

الله يعطيك العافيه اخوي الغالي

[جوستن]

مبروك تروه زين ولا يرخص عليك
بنسبة لدبة كوفيا ماتركب بوه بس لي سرهيد او السنيدي يقوووم بالواجب وانا تراي عندي واحد زية ماينزل من العزبه وششابكوه على لي سرهيد بدبة وواحد رطل واطبخ به على كاتم 9لتر وتمااااام

[رعد الصحراء]

الله يعطيك العافيه وماقصرت

مشكور على نقل المعلومه لإخوانك

تقبل مروري

[ALGHAZL]

الله يعطيك العافيه اخوي الغالي

[الناب]

بارك الله فيك على نفعك لإخوانك

ممكن اسم ووصف المحل؟

موفق خير
أخوك
بن فهد

[khalaa2u]

السلام عليكم ورخمة الله وبركاتة
شكرا للجميع على المرور
بالنسبة للمحل ماأعرف اسمة
لكن بوصفة لكم
طبعا اغلب الشباب يعرفون شارع محلات الخيام اللي بالدمام
وانت متجه من شارع الخيام من الجنوب الى الشمال بعد التقاطع كمل على طول بتجيك محلات الغاز والدوافير القديمة هو اول محل بيجيك على اليسار
اتمنى وصفي يكون واضح