مشكلة الحرارة الغريبة !!

[أبو عابد2000]

ياشباب أنا معي ددسن 99 ، الرديتر وطرنبة الماء وتماتيك المروحة كلهن جديدات والماء أصلي + ماء مقطر ، الحرارة معي زي الفل ما اشكي للحرارة ولله الحمد ، لكن إذا رحت للنفود وابطيت وانا أطعس طبعاً تماتيك المروحة يطفي لكن المشكلة إذا رصيت عليه بواحد وابطيت وانا حاطه بواحد ترتفع الحراره للنص .. وانتظر التماتيك يشتغل لكن ما يشتغل وانجبر إني آقف واطفي السيارة لمدة دقيقة بعدين اولع السياره بعدين تشتغل المروحة !!!!

مع العلم أن التماتيك جديد توي مركبه وكاله بـ 530 ريال !!

افيدونا الله يجزاكم خير :)

[أبو عابد2000]

^^^

Up .. :)

[محمد----]

السلام عليكم ورحمة الله وبركاته
اهلا بك اخي
بالنسبة لمشكلتك وهذا حصلت معي طلعت من اتماتيك المروحة وأنا مشتريه من الوكالة تويوتا أصلي
والسبب ان الأتمتك ناقص زيته وقيمة انبوب الزيت 20 ريال
وتم اكتشاف هذا الشيء عن طريق المهندس وأخبرني ان الشركات الان ما عاد قطعها مثل أول صار كل شيء فيه نقص وهذ سببه الطمع والجشع من الشركات
وقام المهندس واشترالى انبوب زيت للمروحة العد 3 ب 60 ريال ووزن البلوف ووزن الديلكو
ورجعت الحرارة طبيعة ولله الحمد وهذا كله بفظل الله عزو جل

[classica]

ماقصر أخووي محمد ..ويمكن الحراره من الشكمااان !!!!

[فارس شمال]

حاول تركبلها مراوح كهربا ؟؟ تراها زينه حتى الموتر لاطفت مروحه التمتيك يصير اخف واهدى والتبريد يتحول على المراوح الكهرب ؟؟

وان شالله تنحل مشكلتك ويصلح موترك وبالتوفيق

[_دربيل_999]

أخوي الغالي..
من المحتمل ان الراديتر فيه ترسبات في بعض الفتحات الداخلية لدورة الماءفيه..
حتى ولو كان الماء كما ذكرت يوجد في السوق مياه مغشوشة تحمل مواد تقوم بالترسب واغلاق الفتحات الداخلية,,

هذا والله يحفظكم

اخوك الروقي

[الوافي123]

المشكلة ياخوان في تماتيك المروحة فقط يلزمك كما تفضل الاخ .
تركب مراوح تبريد نوع سوبارو تراها زينه مره وانا مجربها يخف الموتر ويقوى عزمه .

،،،،،،،،،،،،،،،،،،،،،،،،،،،،،،،،،،،،،،،،،،،،،

[سوبر VTC]

هل انت متاكد ان التماتيك طافي
اذا كان كذلك
تقدر تمسك ريش المروحة و الموتر شغال
اذا وقفت المروحة فالكلتش خربان
قد تكون المشكلة من البلف او الاديتر مسكر
الاديتر له رصات مجاري
موفق

[عالي الكيف]

اخوي افادوك الاخوان لاسيما الاخ محمد
وازيدك من الشعر بيت
تأكد من الديلكو
اغلب حرارة المكينه بالنفود ترجع لهذا السبب
وهو احيانآ تلقاه شغال لكن ظعيف على آخر عمره
انا بغيت ابيع السياره لهذا السبب والحين احمد الله اني مابعتها

[ذيب زلفاوي]

اكبر غلط انك تطفي السياره وحرارتها مرتفعه ترا تضر المكينه الا اذا كنت مضطر لاكن وقف شوي وافتح الكبوت وتلاخظ ان الحراره تنزل وكذا تقدر تطفي السياره وانت مرتاح