تانكي الماء بطريقة غير إعتيادية

[الستانس]

http://www.mekshat.com/pix/upload03/images141/mk60272_qatarya_5fnyx3uoua.gif


ايها الأخوة والأخوات الأعزاء اعضاء وزوار منتديات مكشات

اهلا وسهلا بكم جميعاً


احب اقدم لكم تانكي الماء بطريقة جديدة ولم ارى لها مثيل في منطقتي الرياض

وهي مفيدة لمن يعاني من ضيق السيارة في السفر او الكشتات بسبب التانكي


بعد معاناة دامت لأكثر من 10 ايام من وعد الورشة لي بالإنتها من تفصيل التانكي الحمد لله ابشركم انتهيت ولكن ليس كما ردت ان يكون ولكن على كل حال الحمد لله



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
وعلى بركة الله نبدأ
بصورة للتانكي من الجانب
http://www.mekshat.com/pix/upload03/images140/mk60272_1 lift.jpg

مقدمة الموتر ومحاولة لجعل التانكي بشكل انسيابي والحمد لله نجحت ولم اجد ضعف في العزم
ولا اسمع اصوات

http://www.mekshat.com/pix/upload03/images140/mk60272_2 north.jpg

صورة للخلفية ويتبين إرتفاعة ماشاء الله كنة جدار قصر امير:D

http://www.mekshat.com/pix/upload03/images140/mk60272_3 west.jpg

طريقة التثبيت سهلة وواضحة جدا ولكني في هذه الصورة لم اركبة ولكن وضعتة للتصوير

http://www.mekshat.com/pix/upload03/images140/mk60272_4 triqh althpit.jpg


وتستطيع وضعة معك في الشنطة ليكون مثل التوانكي المتعارف عليها :good:
واعتذر يا اخوان عن عدم إزالة التانكي الأخر لأنة مليئ بالماء

http://www.mekshat.com/pix/upload03/images140/mk60272_5 sim sim wadi.jpg

وهذي الصورة اللي كل مكشاتي يحب شوفة هالمنظر
وناقصنا الرجال الطيبين شرواكم :f
http://www.mekshat.com/pix/upload03/images140/mk60272_6yepqa sadiq.jpg

وبالنسبة لطريقة التخزين سهلة ومكانها معروف ورى الباب :p
http://www.mekshat.com/pix/upload03/images140/mk60272_7 atqzin.jpg

الأن ننتقل للسلبيات والمميزات

# السلبيات :
1-منظر السيارة لا يكون مستساغ .
2-جميع من حولك ينظرون إليك .

#إجابيات:
1-سهولة التعبئة .
2-اخذ كمية كبيرة من اللترات.
3-تستطيع الإستحمام في البر او عند الشواطئ.
4-تستطيع مد ليات طويلة إلى مكان جلوسك .

#أخطاء وقعت فيها :
1-جعلت فتحات الصنابير متوازية ولذا في حين ارتفاع السيارة من الخلف لن تحصل على الماء المطلوب لذا انصح بوضع صنبورين واحد يمين في الخلف والأخر يسار في مقدمة التانكي.
2-جعلت الإرتفاع مبالغاً فيه بحيث وضعته بإرتفاع شبر .



اتمنى ان يكون موضوعي حاز على رضاكم واستحسانكم



ويا اخواني الزوار والقراء بلا ردود لا تنسو اخوكم من الدعاء له ولوالدية وللمتوفين من اقربائه

واشكر كل الشكر من تكرم وزادنا على الدعاء برد جميل

[غربي هواوي]

فكرة حلوة جدا

وعلى قولك مشكلتها منظرها على السيارة يعني الجميع يطالع فيك هههههههه

يعطيك العافية

الله يوفقك
ويرحم من يعز عليك

[لاتكب البيالة]

ما شاء الله فكرة منتازة ورائعة
وكذا بتوفر مساحة كبيرة للشنطة
سؤال واكيد بيتكرر كم لتر
وايضا لو التانكي اقل ارتفاع ويكون منبسط على مساحة اكبر بيكون شكله افضل مع ان المنظر ما يهم مدامه بيريحك
لك كل الشكر وبالتوفيق

[عزبة بر]

والله تانكي حلو
لكن مثل ما قلت يخرب شكل السيارة
لكن اخاف يضر التنده
وتهبط علي
::
على العموم مشكور اخوي
والله يعطيك العافية
::
لكن حبيت اسألك من اي مادة مصنوعة

[ابو نايف التميمي]

فكره ممتازه

ماشاء الله عليك

تصدق راودتني نفس الفكره تقريبا لكني كنت ناوي اخلي الارتفاع قليل واخليه في آخر السله

ياليت تقولي كم لتر ياخذ وكم كلف؟؟

مشكور

[بواردي الدلم]

والله فكره حلوه بس مكن اعرف كم سعة التانكي

لانه لو فرضنا ان سعته 250 لتر معناتها انت وضعت 250 كلج في اعلى السياره وهذا يشكل خطوره في المنعطفات القويه قد يتسبب في انقلاب السياره

اتمنى لك السلامه والتوفيق

[القبطان404]

وعليكم السلام ورحمة الله وبركاتة
تحيه لك أخوي الستانس وموضوع متعوب عليه الصراحه والصور واضح وبنسبة لتانكي أذا كان تبي رأيى فالتناكي الي بسيارة خلف ممتاز بس شكلك راعي بربسه الذيب، تقبل مروري

[الفياض***]

علمك طيب يالغالي

[بدران9]

http://www.mekshat.com/pix/upload03/images140/mk60272_1%20lift.jpg






ياخي حرام عليك خربت شكل الموتر... وان كانه مايهمك الشكل ...

استغل المساحة اللي ورا التانكي وركب سخانه :good:
الناس مطالعة مطالعة :D

[exsoskeleton]

فعلا فكرة غريبة بس فعالية حتي إنك تكسب ضغط ماء
وشكلي بأنفذها على موتري....

شكرا لك .

[VIP-503]

والله حركة تقبل مروري

[ولد السافيه]

>فكرة جميلة والشكل لابأس
بس احرص انه يكون بتله مليان علشان الهواء مايدخله ويصدّي
تقبل مروري

[زيــآدِ]

حركاااااااااااااااات

[الستانس]

فكرة حلوة جدا

وعلى قولك مشكلتها منظرها على السيارة يعني الجميع يطالع فيك هههههههه

يعطيك العافية

الله يوفقك
ويرحم من يعز عليك

ياهلا بك يا اخوي غربي هواوي ونورت الموضوع بوجودك

والله يسمع دعائك

[الستانس]

ما شاء الله فكرة منتازة ورائعة
وكذا بتوفر مساحة كبيرة للشنطة
سؤال واكيد بيتكرر كم لتر
وايضا لو التانكي اقل ارتفاع ويكون منبسط على مساحة اكبر بيكون شكله افضل مع ان المنظر ما يهم مدامه بيريحك
لك كل الشكر وبالتوفيق

هلا بك اخوي لا تكب البيالة صحيح التانكي يأخذ مساحه كبيرة في السيارة
وهذا احد الحلول
اما من ناحيه يكون منبسط جأت في بلي الفكرة ولاكن بتروح علي فائدة الشبك لأنه للخيمة والرواق والمظلة والمفارش الكبيرة والإستبنة وجيوك البنزين يعني فيه اشياء تحتاج الشبك فيها ما تقدر تفرط في المساحه


وبالنسبة للمنظر إذا كنت رايح للبر او في سفر ما يهم وزي ما تعرف فكة وتركيبة سهل فما اعتقد انه بيكون محل إشكال


وشكرا لك على مرورك وإثرائك الموضوع

[الستانس]

والله تانكي حلو
لكن مثل ما قلت يخرب شكل السيارة
لكن اخاف يضر التنده
وتهبط علي
::
على العموم مشكور اخوي
والله يعطيك العافية
::
لكن حبيت اسألك من اي مادة مصنوعة

ياهلا اخوي بالنسبة لمسألة يضر التندة فما افتيك فيها ولكن باعتقادي ان الشركة المصنة
اسست قواعد خاصة للتحميل وتحمل الضغط لأن الباث يجي بشبك جاهز شد بلاده
وشفنا اكيد اخوانا المصارية يشيلون عفش بيت كامل فوق التندة ولو كان يضر
ما حطو اغراضهم فوق السيارة وحتى الحجاج لو تشوفهم تلقى 10 اشخاص فوق السيارة
لو قلنا ان وزن الشخص 50 كيلو على اقل تقدير يعني 500 كيلو نص طن
ولا قد شفت ولا سمعت احد يتكلم عن الموضوع.


بالنسبة بأي ماده فهو مصنوع من الألمنيوم

[الستانس]

فكره ممتازه

ماشاء الله عليك

تصدق راودتني نفس الفكره تقريبا لكني كنت ناوي اخلي الارتفاع قليل واخليه في آخر السله

ياليت تقولي كم لتر ياخذ وكم كلف؟؟

مشكور

يا هلابك اخوي ومرحبا القلوب عند بعضها هههههه

بالنسبة تخلي الإرتفاع اقل هذا على حسب حاجتك

وانا نفس الكلام جاء في بالي اخليه اخر التندة ولكن ردني فكرة التوازن لان
الماء ماراح يكون ثابت وبيترجرج فأتوقع انه بيكون له تأثير على التوازن
عند المنعطفات فما انصحك تحة في آخر التندة

وبالنسبة لكم لتر يأخذ والله مالي علم وإن شاء الله اجيب المقاسات حقتة ونحسبها

تكلفة التانكي 500 ريال بدون الرشة

[الستانس]

والله فكره حلوه بس مكن اعرف كم سعة التانكي

لانه لو فرضنا ان سعته 250 لتر معناتها انت وضعت 250 كلج في اعلى السياره وهذا يشكل خطوره في المنعطفات القويه قد يتسبب في انقلاب السياره

اتمنى لك السلامه والتوفيق

للأسف اخوي ما اعرف سعته وصحيح يشكل خطورة ولكن الخطورة في كل شيئ له خطورة
ولكن احسن الإستعمال تتلافى الخطورة مثلا اذا كان التانكي مليان لا تسرع ولا ولا ولا الخ.....

[قشميط]

الف الف مبروك على التانكي
بس صراحة تبي رايي ولو انك ماطلبته
خرب منظر السيارة ولنن تستفد من السلة تحياتي اخوك قشميط
"الله يرحم شيبان جابوك ويرحم جميع اموتنا وموت المسلمين "

[الستانس]

وعليكم السلام ورحمة الله وبركاتة
تحيه لك أخوي الستانس وموضوع متعوب عليه الصراحه والصور واضح وبنسبة لتانكي أذا كان تبي رأيى فالتناكي الي بسيارة خلف ممتاز بس شكلك راعي بربسه الذيب، تقبل مروري

هلا بك اخوي واشكرك على رد السلام ورد السلام واجب سواء كان كتابة او شفهياً وهو مفتاح القلوب وجزاك الله خير واحب افيد الأعضاء ان كل سلام تقرأه و تسمه واجب عليك رده سواء بكتابتة كرد في الموضوع او الرد باللسان ومباشرة كتابة الرد

وبالنسبة للتانكي الخلفي بأخليه للشرب فقط والتانكي العلوي للإستخدامات المتفرقه ومنها التضبيب:good2:

وشاكر لك على مرورك

[الستانس]

علمك طيب يالغالي

ياهلا بك اخوي

علمك غانم يا بعدي

نورت الموضوع

[الستانس]

ياخي حرام عليك خربت شكل الموتر... وان كانه مايهمك الشكل ...

استغل المساحة اللي ورا التانكي وركب سخانه
الناس مطالعة مطالعة

هههههههههههههههههههه الله يرج بليسك كأنك تقرأ بنات افكاري>>>>>>>امحق بنات

نورت الموضوع بوجودك

[الستانس]

فعلا فكرة غريبة بس فعالية حتي إنك تكسب ضغط ماء
وشكلي بأنفذها على موتري....

شكرا لك .

صحيح ضغط الماء بيكون جيد وحتى انك بتستفيد انك تقدر ترقي التانكي فوق التندة او تحطة في الشنطة بأي وقت إذا كان في موترك وسع

مبروك مقدما

[الستانس]

والله حركة تقبل مروري

الحركة بركة ههههههههههه

شكرا اخوي على مرورك

ومروك مقبول وابن جيد وعمة جيد جدا وجدهم ممتاز

ويا هلا

[الستانس]

>فكرة جميلة والشكل لابأس
بس احرص انه يكون بتله مليان علشان الهواء مايدخله ويصدّي
تقبل مروري

شكرا على مرورك وإطرائك

والحمد لله لقيت واحد من للي مايلتفتون علي عند الإشارة:p

بالنسبة للصدى التانكي هذا المنيوم وهو غير قابل للصدى ولحامة من الألمنيوم

وياهلابك

[الستانس]

حركاااااااااااااااات

بركااااااات

[الستانس]

لف الف مبروك على التانكي
بس صراحة تبي رايي ولو انك ماطلبته
خرب منظر السيارة ولنن تستفد من السلة تحياتي اخوك قشميط
"الله يرحم شيبان جابوك ويرحم جميع اموتنا وموت المسلمين "

الله يبارك فيك وجزاك عني الف الف خير بالنسبة للتانكي فهو غير ثابت فمنظر السيارة ما تغير

وبالنسبة للسلة بقي نصها والجوانب كاملة ومن الأمام واعتقد ان المساحه كافية وزيادة


آمين الله يتقبل دائك ويرحمنا برحمتة

وشاكر على مرورك وإبداء رأيك

[اخوكم بري]

فكرة حلوة جدا

يعطيك العافية

الله يوفقك
ويرحم من يعز عليك

[فارس كيفان]

جزاك الله خير والله يرحم والديك
فكرة طيبة ،،،،،، وتشكر على وضع الإيجابيات والسلبيات ليستفيد الجميع ،،،،،

تحياتي

[عاشق السيل]

وعليكم السلام ورحمة الله وبركاته ،،

أولا الله يغفر لأمواتكم ويرحمهم ويجعلهم في أعلى عليين واموات المسلمين أجمعين ،،

ثانيا فكرتك رائعة وما أشوف فيها أي سلبيات غير شكل التانكي فوق السيارة ،، ومن إيجابيات وضع التانكي فوق قوة ضغط الماء ونزوله بشكل أفضل من غيره !!

بس لو انا مكانك صممته بأقل ارتفاع وأخليه يملى السلة اللي فوق وكل عفشي يصير فوق التانكي !!!

بيض الله وجهك وبانتظار جديدك وتقبل مروري ومرئياتي القاصرة يالغالي ....

[المستظل]

تشكر اخوي الستانس على الجهود والافكار الحلوة ,
بس بغيت اسألك عن التانكي الموجود أسفل التانكي الي من تصميمك وش نوعه
انا اشك انة خزان الوادي واذا كلامي صحيح أرجوك خبرني عن مقاسة
وكم يأخذ من لتر وهل هوا مخصص للباثفندر ,,,
وشششششششششششششششكراًاًاًاًاً .

[ديم الجنوب]

http://www.mekshat.com/pix/upload03/images141/mk60272_qatarya_5fnyx3uoua.gif




وعليكم السلام ورحمة الله وبركاته

بعد معاناة دامت لأكثر من 10 ايام من وعد الورشة لي بالإنتها من تفصيل التانكي الحمد لله ابشركم انتهيت ولكن ليس كما ردت ان يكون ولكن على كل حال الحمد لله

الحمد لله على السلامه ... 10 ايام والله يا رجال ما ياخذ حتى يوم بس الشكوى لله ... وليت نعرف وش إلي كنت تبيه وما الله كتب أن يكون؟


مقدمة الموتر ومحاولة لجعل التانكي بشكل انسيابي والحمد لله نجحت ولم اجد ضعف في العزم
ولا اسمع اصوات

كم مرة ركبت التانكي على السيارة وجربته؟ ....وأظن التجربه خير برهان:good2:

صورة للخلفية ويتبين إرتفاعة ماشاء الله كنة جدار قصر امير:D

ما قريت شيء :D


وناقصنا الرجال الطيبين شرواكم :f
أذا أنت مصر وملزم ... أبقدم لأم العيال:l أجازة أضطرارية :burnout2:

وبالنسبة لطريقة التخزين سهلة ومكانها معروف ورى الباب :p

وين بيتكم ...

الأن ننتقل للسلبيات والمميزات

# السلبيات :

بعدها الإيجابيات

1-منظر السيارة لا يكون مستساغ .

أنا والله أشوف الموضوع عايدي وأكثر من عايدي

2-جميع من حولك ينظرون إليك .

يمكن ودهم يسئلوك وين مركتبه وبكم ( الطريقة معجبتهم ) شيء جديد





اتمنى ان يكون موضوعي حاز على رضاكم واستحسانكم

جزاك الله خير وما قصرت

ويا اخواني الزوار والقراء بلا ردود لا تنسو اخوكم من الدعاء له ولوالدية وللمتوفين من اقربائه


واشكر كل الشكر من تكرم وزادنا على الدعاء برد جميل



الله يرحمك ويرحم واللديك وكل أقاربك

تحياتي لك ،،،

[احساس الصمت]

ممتاز بس منظره غيرحضاري
يعطيك العافيه على الإبتكار

[عبدالرحمن305]

هلا بالاخ الكريم الستانس

ماشاء الله ماشاء الله اللهم بارك

شغل متعوب عليه ومميز وينفعك وقت الرحلات

واهم شئ الماء في الرحلات لاينقص عليك

ومثل ماتفضل اخونا لاتكب البياله

ما دام التانكي يخدم ماعليك من المنظر

لك تحياتي

[هوايتي مكشات]

فكره جميلة جدا

[ابوحمدان1]

ماشاء الله تبارك الله
والله يابو ناصر فكره ممتازه جدا وشغل متعوب عليه :good:
والشي الثاني اني اشوف ان مافيه اي سلبيات
وحركتك حلوه انك حاط التانكي في مقدمة السياره
(وان شاء الله الروحه للصمان:f الاربعاء الجاي)هههه
جزاك الله خير على الموضوع ورحم الله والديك وجعل والدي ووالديك في الجنه . .

[الستانس]

فكرة حلوة جدا

يعطيك العافية

الله يوفقك
ويرحم من يعز عليك

شكرا اخوي على اطرائك للموضوع وشاكر لك على مرورك الكريم

والله يعافيك

والله يسمع دعوتك

[الستانس]

جزاك الله خير والله يرحم والديك
فكرة طيبة ،،،،،، وتشكر على وضع الإيجابيات والسلبيات ليستفيد الجميع ،،،،،

تحياتي

الله يعافيك وانت اطيب يالطيب

ورحم الله والدينا ووالدك والجميع

وياهلا

[الستانس]

وعليكم السلام ورحمة الله وبركاته ،،

أولا الله يغفر لأمواتكم ويرحمهم ويجعلهم في أعلى عليين واموات المسلمين أجمعين ،،

ثانيا فكرتك رائعة وما أشوف فيها أي سلبيات غير شكل التانكي فوق السيارة ،، ومن إيجابيات وضع التانكي فوق قوة ضغط الماء ونزوله بشكل أفضل من غيره !!

بس لو انا مكانك صممته بأقل ارتفاع وأخليه يملى السلة اللي فوق وكل عفشي يصير فوق التانكي !!!

بيض الله وجهك وبانتظار جديدك وتقبل مروري ومرئياتي القاصرة يالغالي ....

امين الله يجزاك خير والله يتقبل دعواتك

صحيح شكل التانكي بالنسبة لي مزعج قليلا ولكن لا مانع مادام هناك فائدة
صحيح قوة الضغط بتكون طيبة ومريحة

بالنسبة للتصميم الفكرة لو كان التانكي مسطح فالأغراض ثقيلة وانت تعرف الألمنيوم تحملة للوزن ضعيف فهذا السبب اللي ردني ولكن تقدر تفصل على حسب حاجتك طبعاً

موفق ان شاء الله

[الستانس]

تشكر اخوي الستانس على الجهود والافكار الحلوة ,
بس بغيت اسألك عن التانكي الموجود أسفل التانكي الي من تصميمك وش نوعه
انا اشك انة خزان الوادي واذا كلامي صحيح أرجوك خبرني عن مقاسة
وكم يأخذ من لتر وهل هوا مخصص للباثفندر ,,,
وشششششششششششششششكراًاًاًاًاً .

يا هلا بك يالغالي
هذا التانكي هو خزان الوادي والرجاء لله
وبالنسبة للمقاس هو مقاس واحد وياخذ 90 لتر وفية ثلاث انواع
نوع مسدوح مثل اللي عندي 90 لتر
ونوع واقف 90 لتر
ونوع واقف 140 لتر

وهو غير مخصص للباث ويركب على كل انواع الجيوب
وان كانك بتاخذة للباث انصح بالواقف لأني غلطت واخذت مسدوح
وهو ماشاء الله طيب ويتحمل الأوزان الثقيلة بدون ما يتأثر وسعرة في متناول اليد

وشاكر لك على مرورك

[فيصل التميمي]

فكرة رائعة بس العيب الشكل

[sul574]

فكره حلوة بس فيه شي مهم لازم تنتبه له اسرع تطريقة لإختلال توازن السيارة بشكل ما تتخيلة لأن الثقل صاير فوق
الله يستر عليك

[الستانس]

وعليكم السلام ورحمة الله وبركاته


الحمد لله على السلامه ... 10 ايام والله يا رجال ما ياخذ حتى يوم بس الشكوى لله ... وليت نعرف وش إلي كنت تبيه وما الله كتب أن يكون؟

اللي بيغته يكون طول الله عمرك اشياء دقيقة مالها اهمية ولكن بالنسبة لي تعني الكثير
مثل بعض المقاسات وطريقة التثبيت لان التانكي الآن جاي متقدم قدام مرة في الشبك
وهذا انا محذر الورشة عنه وسوها ثانيا طريقة التثبيت عندي المسامير الأمامية متحركة
مهيب مشكلة مع اني اعتبره خطأ ولكن المسمار صاير طويل ولا اقدر اشيلة
وكنت متفق مع الورشة انه يحط مكان للأستبنة فوق التانكي ولكن الرجال كأني اطرة
ماسوى ولا شي والله يسامحة




كم مرة ركبت التانكي على السيارة وجربته؟ ....وأظن التجربه خير برهان

والله التانكي توه جديد ماله اسبوع وركبته تقريبا ثلاث ايام وفكيته ولا بعد عبيته ولا شي
لأني ناوي ان شاء الله اضيف بعض التعديلات من جراب ومخابي واماكن لجيوك البنزين
وان سويتها اعدك ان شاء الله بتقرير يبرد الخاطر



ما قريت شيء

ولا كتبت شي


أذا أ
نت مصر وملزم ... أبقدم لأم العيال أجازة أضطرارية

ايه الله يعينكم يالمتزوجين حتى الحريم صارو يجرجرونكم ههههه ترى اعرف مستوصف
يعطيك اعذار بس كم لي :D




وين بيتكم ...

على شارع 10 :p





أنا والله أشوف الموضوع عايدي وأكثر من عايدي

راي ونتقبلة من فوق روسنا




يمكن ودهم يسئلوك وين مركتبه وبكم ( الطريقة معجبتهم ) شيء جديد

قد يكون







جزاك الله خير وما قصرت

الله يجزاك خير

[الستانس]

ممتاز بس منظره غيرحضاري
يعطيك العافيه على الإبتكار

وجهة نظر ونتقبلها

ولكن بالنسبة لكونها منظر غير حضاري هذا نوع من التجهيزات زيها زي اي نوع
صحيح شكلها مشوة ولكن تكون غير حضارية هذي وجهة نظرك

وعلى كل حال الآراء تختلف

وياهلابك وشاكر لك على ابداء رأيك

[الستانس]

هلا بالاخ الكريم الستانس

ماشاء الله ماشاء الله اللهم بارك

شغل متعوب عليه ومميز وينفعك وقت الرحلات

واهم شئ الماء في الرحلات لاينقص عليك

ومثل ماتفضل اخونا لاتكب البياله

ما دام التانكي يخدم ماعليك من المنظر

لك تحياتي

صحيح الماء إذا نقص مصيبة يمكن خرب عليك الكشتة بسبب كم لتر من الموية ناقصك
وقد مرت علي اكثر من مرة
وحياك الله

[الستانس]

فكره جميلة جدا

وانت اجمل وننتظر المطورين للفكرة

[الستانس]

ماشاء الله تبارك الله
والله يابو ناصر فكره ممتازه جدا وشغل متعوب عليه
والشي الثاني اني اشوف ان مافيه اي سلبيات
وحركتك حلوه انك حاط التانكي في مقدمة السياره
(وان شاء الله الروحه للصمان الاربعاء الجاي)هههه
جزاك الله خير على الموضوع ورحم الله والديك وجعل والدي ووالديك في الجنه . .

يا هلا والله بابو حمدان هذي الساعة المباركة اللي شفتك فيها بموضوعي
والله ياابو حمدان انا اعتذر منك لاني مشغول حبتين فستق:D

والأيام الجاية فيها بركة

والله يحيك في كل وقت

[المارينز]

الله يجزاك خير ويرحم والديك وكل مسلم

بس انا اشوف الحركة هذه خطره على الموتر

يعني لاتستهين بالماء تراه يقلب الموتر بالراحه

حتى لو منت بمسرع ,, بالنفود مثلا ..

والله يحمي كل مسلم

[الستانس]

فكرة رائعة بس العيب الشكل

زي ماقلت الشكل ما يهم اذ كنت رايح في طريقك البر ولا في سفر
اما في وقت غيرة نزلة معك في الشنطة ما يمنع

وشاكر لك ,,,

[الستانس]

فكره حلوة بس فيه شي مهم لازم تنتبه له اسرع تطريقة لإختلال توازن السيارة بشكل ما تتخيلة لأن الثقل صاير فوق
الله يستر عليك

صحيح وانا ذكرت في رد سابق ان التاكي اذا كان مليان لا تتهور في القيادة وما إلى ذالك

وشاكر لك على التذكير

[سامع الشور]

فكرة حلوة وعندي فكرة أحلى وهي تركيب تانكي بدل السلة الخلفية المضافة للسيارة
وإن شاء الله ستغزو الأسواق قريباً وتحدث نقلة في عالم الكشتات .

[الستانس]

الله يجزاك خير ويرحم والديك وكل مسلم

بس انا اشوف الحركة هذه خطره على الموتر

يعني لاتستهين بالماء تراه يقلب الموتر بالراحه

حتى لو منت بمسرع ,, بالنفود مثلا ..

والله يحمي كل مسلم

امين واياك

اتوقع نظريتك صحيحه ومافيه شك ولكن الحذر واجب

وشاكر لك على مرورك

[arrow]

فكرة حلوة ولكن خطيرة ....... الماء ممكن يقلب السيارة ....

رحم الله موتاكم وموتانا وموتى المسلمين ....

[الستانس]

فكرة حلوة وعندي فكرة أحلى وهي تركيب تانكي بدل السلة الخلفية المضافة للسيارة
وإن شاء الله ستغزو الأسواق قريباً وتحدث نقلة في عالم الكشتات .

شكرا لك ولكن وجهة نظري الخاصة ان التانكي اذا كان زي السلة الخلفية بيكون الموتر طويل
بزيادة عن اللزوم وما ينفع في الرحلات البرية في المناطق الوعرة من نفود وشعبان
وننتظر الفكرة ولا نحكم عليها بوجهات نظر فقط

[حزوبر]

رحم الله والديك ونفع بك المسلمين
فكرة أكثر من رائعة ، واشكرك
انا عندي مجرد وجهة نظر أخي الكريم
ليش ما خليت إرتفاع التانكي عشر سم ، وعلى طول تندت السياره وعرضعها ، أي يركب على شبك الحديد، وهكذا سيكون منظره اكثر جمال، ولا يصد الهواء
تقبل ريي ، وتهمني وجهة نظرك

[الستانس]

فكرة حلوة ولكن خطيرة ....... الماء ممكن يقلب السيارة ....

رحم الله موتاكم وموتانا وموتى المسلمين ....

سبق التعليق على هذا الموضوع

وشاكر لك على ردك وإطلالتك

[الستانس]

رحم الله والديك ونفع بك المسلمين
فكرة أكثر من رائعة ، واشكرك
انا عندي مجرد وجهة نظر أخي الكريم
ليش ما خليت إرتفاع التانكي عشر سم ، وعلى طول تندت السياره وعرضعها ، أي يركب على شبك الحديد، وهكذا سيكون منظره اكثر جمال، ولا يصد الهواء
تقبل ريي ، وتهمني وجهة نظرك
ووالديك وجميع المسلمين
بلنسبة لوجهة نظرك فهي جيدة وسبق ان ذكرها اخونا عاشق السيل وبررت له ولكنني غفلت عن نقطه وهي كانت في بالي وذكرتني انت فيها
وهي ان التانكي اذا كان بطول السيارة صعب تحطة معك في الشنطة
اما اذا كان بمثل هذي الطريقة فلك الخيار اما تخلية معك في الشنطة او ترقية فوق وتركب عفشك


اتمنى وضحت الفكرة وشاكر لك على مرورك

[خالدالزلفي]

مشكور اخوي وما قصرت

[سوبر152]

رد: الرحله البريه لتهامه الشماليه والاجواء الربيعيه (طلال الثاني)
http://www.mekshat.com/vb/../pix/upload03/images135/mk17809_barakalahfeeeeeeek.gif

[الستانس]

مشكور اخوي وما قصرت

يا هلابك يا حبيبي نورت

[الستانس]

حياك الله اخوي سوبر 152

والله يبارك فيك ويطولي عمرك

[hargan22]

فكره رائعه

عندي نصيحه للي يفكر يسوي زيه
حذاري من تركيبه في مؤخرة السياره
خلف المحور الخلفي وحتى العفش الزائد
والثقيل في مؤخرة السياره سبب رئيسي
في انقلاب السياره خاصة في المنعطفات
ومع بنشر السياره خلال السرعه الزائده
وهذا سبب رئيسي لانقلاب سيارات الجمس
بالذات للعوائل يحملون برميل 50او100 لتر
او كوم بزارين والسواق مراهق وخذ ياسرعه
الله يكفينا واياكم شر الحوادث
الستانس موقع التانكي ممتاز بس برضه احذر من السرعه لان موترك مرفع تحياتي للجميع

[wafian]

مشكور يالغالي

[راعي القرينة]

جزاك الله خير على الفكرة الرائعة

[abo_basil]

السلام عليكم اخي العزيز


فكره حلوه بس كم كلفت عليك تقيل مروري
مشكور وجزاك الله خير

[الكونترولCONTROL]

يا اخي خطر جدا على سلامة توازن السيارة
ما أظن يصلح في المنعطفات و لا التوقفات المفاجئة
الا اذا كان حجمه من 50 ليتر و أقل
حمانا الله و اياكم ..

[منتعش]

فكرة حلوة وجديدة
بارك الله فيك ورعاك
ورحم الله والديك وبيض الله وجهك ورزقك الفردوس الآعلى
وبإنتظار إبدعاتك وأفكارك الجميلة .

[أسامي]

بارك الله فيك

[نمر الصحراء]

مشكور فكره حلوهhttp://www.alsaifonline.com/upfiles/L3485366.gif

[اابوحمد]

مشكوور

والله يعطيك العافيه

[عبدالاله 123]

تقدر تحطه منبسط وتحط عليه شبك مشخل بارتفاع عشره سنتي وتشيل اللي تبي عليها
يعطيك العافيه

[الستانس]

فكره رائعه

عندي نصيحه للي يفكر يسوي زيه
حذاري من تركيبه في مؤخرة السياره
خلف المحور الخلفي وحتى العفش الزائد
والثقيل في مؤخرة السياره سبب رئيسي
في انقلاب السياره خاصة في المنعطفات
ومع بنشر السياره خلال السرعه الزائده
وهذا سبب رئيسي لانقلاب سيارات الجمس
بالذات للعوائل يحملون برميل 50او100 لتر
او كوم بزارين والسواق مراهق وخذ ياسرعه
الله يكفينا واياكم شر الحوادث
الستانس موقع التانكي ممتاز بس برضه احذر من السرعه لان موترك مرفع تحياتي للجميع


اهلا وسهلا نورت الموضوع

وجزاك الله خير على النصيحة

وعندي اضافة لو الواحد يركب شخالات على شكل x وتكون مخرمة بدريل بعدد محدود
حتى لا يكون هناك ارتجاج

[الستانس]

مشكور يالغالي

ياهلا بك يا بعدي

[الستانس]

جزاك الله خير على الفكرة الرائعة


الله يجزاك خير

[الستانس]

السلام عليكم اخي العزيز


فكره حلوه بس كم كلفت عليك تقيل مروري
مشكور وجزاك الله خير

وعليكم السلام ورحمة الله وبركاته
كلفت علي طول الله عمرك 500 ريال

وحايك الله

[الستانس]

يا اخي خطر جدا على سلامة توازن السيارة
ما أظن يصلح في المنعطفات و لا التوقفات المفاجئة
الا اذا كان حجمه من 50 ليتر و أقل
حمانا الله و اياكم ..

والله يا اخي الكريم إلى الأن ما شفت منة شر

ولكن الحيطة والحذر واجب

والله يكفينا الشر

حياك الله

[الستانس]

فكرة حلوة وجديدة
بارك الله فيك ورعاك
ورحم الله والديك وبيض الله وجهك ورزقك الفردوس الآعلى
وبإنتظار إبدعاتك وأفكارك الجميلة .

الله يطولي عمرك ويارك في ويسمع دعوتك ويتقبلها لنا وللجميع يا رب العالمين

شاكر لك اخوي

[الستانس]

بارك الله فيك

وياك اخي الكريم

[الستانس]

مشكور فكره حلوه

يا هلا بك وشاكر لك على ردك

[الستانس]

مشكوور

والله يعطيك العافيه
الله يعافيك يا رب يا كريم

[الستانس]

تقدر تحطه منبسط وتحط عليه شبك مشخل بارتفاع عشره سنتي وتشيل اللي تبي عليها
يعطيك العافيه

فكرة حلوة وممكن ليش لا

ولكن بتفقد ميزتين

ميزة انك تفكه وتركبة بسهولة

وميزة انك تحطة معك داخل السيارة وشاكر لك على إضافتك ونحتاج المزيد من الإبداعات

[Ahmed Mundi]

الفكرة ممتازة وكانت في بالي قبل خزان الوادي ..لكن !!!

خطرة - خطرة - خطرة - جدا - جدا - جدا ..

http://www.mekshat.com/pix/upload03/images140/mk60272_4 triqh althpit.jpg

ما اقولها الا وانا مفكر وانت فكر عدل بعد لأن اذا كان التانكي مليان الى النص مع اللفات والمنعطفات راح يتحرك الماي داخل التانكي بشكل قوي - تخيل كمية الماي هذي تتجمع في جهة واحدة فجأة مع انعطاف الموتر شاللي راح يصير - الله يستر علك ياخوي خصوصا انه فوق الموتر يعني تكون القلبه اسهل من ان يكون داخل الموتر - ..

لكن افضل شي بالفكرة هذي هو ضغط الماي اللي يكون قوي جدا ..

هذا ما اردت توضيحة لك يا اخي الكريم ..

واكررها دير بالك ياخوي - نزل التانكي وخله داخل الموتر ..

عسى ربي يبارك فيك ويخلليك لنا ذخر ..

بارك

الله

فيك .

[الــفــيــصــــل]

با التوفيف بس عندي سؤال ليه ماجربرت تحطه تحت الموتر ماهو احسن وما يكون هناك منظر زايد على الموتر

[فهد456]

التانكي الثاني للبيع اللي تحت الجديد في احد الصور ؟؟؟

وبكم شاريه ومن وين وكم لتر ؟؟؟

[االمغترب]

بداية جيده و موضوع رائع

[الستانس]

الفكرة ممتازة وكانت في بالي قبل خزان الوادي ..لكن !!!

خطرة - خطرة - خطرة - جدا - جدا - جدا ..



ما اقولها الا وانا مفكر وانت فكر عدل بعد لأن اذا كان التانكي مليان الى النص مع اللفات والمنعطفات راح يتحرك الماي داخل التانكي بشكل قوي - تخيل كمية الماي هذي تتجمع في جهة واحدة فجأة مع انعطاف الموتر شاللي راح يصير - الله يستر علك ياخوي خصوصا انه فوق الموتر يعني تكون القلبه اسهل من ان يكون داخل الموتر - ..

لكن افضل شي بالفكرة هذي هو ضغط الماي اللي يكون قوي جدا ..

هذا ما اردت توضيحة لك يا اخي الكريم ..

واكررها دير بالك ياخوي - نزل التانكي وخله داخل الموتر ..

عسى ربي يبارك فيك ويخلليك لنا ذخر ..

بارك

الله

فيك .


جزاك الله الف خير على النصيحة

وشاكر لك اخوي

بالنسبة لهذي المشكلة لقيت لها حل

وهو في الرد رقم 72


اهلا وسهلا نورت الموضوع

وجزاك الله خير على النصيحة


وعندي اضافة لو الواحد يركب شخالات على شكل x وتكون مخرمة بدريل بعدد محدود
حتى لا يكون هناك ارتجاج

[الستانس]

با التوفيف بس عندي سؤال ليه ماجربرت تحطه تحت الموتر ماهو احسن وما يكون هناك منظر زايد على الموتر

الله يوفقنا وياك لكل ما يجبة ويرضاه

والله ودي احطة تحت ولكن الباث فاندر ما فيه مكان فارغ تحت ينحط فيه التانكي

وفقك الله
وحياك

[الستانس]

التانكي الثاني للبيع اللي تحت الجديد في احد الصور ؟؟؟

وبكم شاريه ومن وين وكم لتر ؟؟؟


لا والله اخوي مهوب للبيع ولكن ان كان عندك واقف من نفس الصناعة (خزان الوادي)
ما عندي مشكلة ابدلك

شارية الله يسلمك من برق الحيا وتلقى في اغلب محلات الرحلات
والله ناسي بكم شاريه ولكن على ما اعتقد بـ560
وهو ياخذ 90 لتر

موفق ان شاء الله

[الستانس]

بداية جيده و موضوع رائع

يا هلا نورت الموضوع وننتظر جديدك ايضاً

[hargan22]

الله يبارك فيك
المهم التفكير
شكرا لك ولجميع الاعضاء اللذين اثرو الموضوع بالافكار والنصائح الصادقه
احس ان الزوار لموقع مكشات يغارون من الالفه والمحبه بين الاعضاء
تقبل تحياتي انت وجميع الزوار والاعضاء

[القناص4800]

فكرة جميلة رائعه

ما عمري شفت احد مركبه

تشكر على الموضوع الاكثر من رائع

وبعدين اهم شي انه يفي بالغرض وما عليك من اللي يقول شكله مهو زين

تقبل مروري

[بن حويرب]

الله يعطيك العافية

[teer1002]

فكرة جميلة
وأنا أويد رأي الأخ أبو راشد التميمي
يعني أتوقع أرتفاع 10سم ويمتد إلى أخر السلة يكون مناسب
أما عن الشكل فشكلة مقبول جداً ولا يهمونك الناس اللي يطالعون أهم شي هذا التصميم يلبي حاجتك في البر أو لا !!!
وإذا بغينا الشكل شرينا سيارات صغيرة وجلسنا في الديرة !!!!

[الستانس]

الله يبارك فيك
المهم التفكير
شكرا لك ولجميع الاعضاء اللذين اثرو الموضوع بالافكار والنصائح الصادقه
احس ان الزوار لموقع مكشات يغارون من الالفه والمحبه بين الاعضاء
تقبل تحياتي انت وجميع الزوار والاعضاء

ويبارك فيك

والله لو اقدر اسطر في القصيد
غير مكشات ما نريد

حياك

[الستانس]

فكرة جميلة رائعه

ما عمري شفت احد مركبه

تشكر على الموضوع الاكثر من رائع

وبعدين اهم شي انه يفي بالغرض وما عليك من اللي يقول شكله مهو زين

تقبل مروري



الله يسلمك

وزي ما قلت انت هو يفي بالغرض وزيادة ولله الحمد

مرور مقبول:)

[الستانس]

الله يعطيك العافية

ويعافيك اخوي

[الستانس]

فكرة جميلة
وأنا أويد رأي الأخ أبو راشد التميمي
يعني أتوقع أرتفاع 10سم ويمتد إلى أخر السلة يكون مناسب
أما عن الشكل فشكلة مقبول جداً ولا يهمونك الناس اللي يطالعون أهم شي هذا التصميم يلبي حاجتك في البر أو لا !!!
وإذا بغينا الشكل شرينا سيارات صغيرة وجلسنا في الديرة !!!!



كلن ويلبي حاجتة ومتطلباتة بالطريقة اللي تجوز له

ولكن انا بينت وجهة نظري ولا اقدر افرضها على احد يمكن

تكون انت تنظر للموضوع من زاوية وانا مع اخرى

شكرا على مرورك

[مكشاتي النماص]

ماشاء الله
شغل نظيف وممتاز
الله يعطيك العافية

[ابو ريان1881]

شغل حلو وربي يوفقك ويسر امرك واخواني المسلمين

[المفكر1]

حركة ممتازه

[رآعي الددسن]

والله الفكره جيده مررره مررره وماشاء الله عليك ماثبته انت يعني تقدر تفكه اذا ما احتجته واذا جيت تكشت تركبه بالعكس انا اشوف مافيه اي سلبيه الا حقت الصنبور لاكن تقدر تجخر جخر ثاني وتلطس الاول <<هههههههه

[علي الشهري]

بيض الله وجهك
أهم شيء إنك مقتنع بالفكرة ومناسبة لك

[برق المنشا]

اتوقع لو تمر اقرب بقالة وتاخذ 3 جراكل ابو 6 ريال افضل من المجازفة بشكل الموتر وأمانه والفك والربط


وجهة نظر