نعيم بلدي اصلي للبيع

[راعي مليجة]

السلام عليكم وحمة اللة وبركاتة

يوجد 59 راس نعيم بلدي اصايل للبيع فيها :
29 رخل اعمارها من 7 الى 8 شهور سمان ومتعافية ماشاء الله
28 نعجة اسنانها تقريباً رباع وكلها (دفيع )...
2 فحول من خيرة الفحول ماشاء اللة والرخال كلها من انتاجها...

راعيها ناوي البيع من عدم التفرغ لها ........علماً انه بايع ماشاء اللة أولادها في عيد الضحية
على (1200-1400-1500 ريال)....اللة يبارك له

كلمة حق تقال واللة الرجال مهتم فيها ومعلفها احسن علافة........

الموقع : النعيرية .......صاحب الحلال :0505809058

لايكلم الا الصامل الشراي

[ابو الميش]

الله يبارك له .... بس باقي عليك تذكر شي واحد الغنم شقر ولا درع ولا مشكله

[عارف الشمري]

والله النعيم والغنم الوقت هذا ما ينقر بلها .

عساء الله يرزقك ويرزق صديقك

[راعي مليجة]

مرحبابكم جميعا .........بالنسبة للغنم كلها شقر ماعدا وحدة عربية فصل

واللة يرزق الجميع بالي فية خير

[الوافي007]

كم حدك فيهن ....

[طلال الحربي]

مرحبا ياراعي مليجه

مااعليهن سوم واذا لك حد ياليت تذكره

[مشغول بس فاضي]

مساء الخير للجميع
اخوي
اذا راعي النعيم له رغبه بموتر بعطيه صالون شفر 2001 بدون دبل شاريه قبل 3 سنوات بحدود
60 الف والوقت الحالي سمعت انه يسوى من 45 الف وتحت بعطيه الصالون اذا جازت لي الغنم
انتظر الرد منك على الخاص والله يرزقني واياه من واسع فضله

[شاهين_333]

موفق خير انشاء الله

[الوالي 999]

موفق خير انشاء الله

[العود&& الازرق]

موفق خير انشاء الله

[راعي عزيزة]

بسم الله نفتح السوم بخمسين الف على ما ذكر
ولي المعينة والرجاءالرد السريع
اسوم صامل وجاهز