سؤالي عن دبل الشروكي + حراره الماكينة مع الطعوس؟

[فايق ورايق]

السلام عليكم ورحمه الله وبركاتة

اخواني الكرام عندي سؤالين
الاول : دبل سيارتي 3 طقات
ودبل صديقي 4 طقات

وش الفرق بينهم والافضل من ناحية الصيانة والاداء ؟


الثاني : شروكي حرارتة قبل المية(100)بشرطه واحده يوم دخلنا النفود وعطينها حبة تطعيس الا وهي مشعللة الماكينة وتعده الحرارة (100)بشرطه بعد ؟ هل فية حل نطعس بالسيارة وحنا مرتاحين ولا نراقب امبير الحرارة

وش سالفة هالشرطات معي

والسيارة فيها مرواح سوبارو

تحياتي للجميع

[راع العوجاء]

الله يعينك على الشروكي وان شاء الله الشباب يردون عليك

اخوك
ابو سعد

[وطني]

تحياتي لك
اول كم موديل سيارتك ؟
هل هي قير عادي أو اوتوماتيك ؟
مراوح السوبارو ماتنفع مع قير الأوتوماتيك
رجع المراوح العادية مع الكهربائية حقت البلد
تأكد من طرمبة الماء وهل تدفع بقوة
تأكد من نظافة الرديتر وعدم وجود تسريبات
لو الرديتر تعبان ركب ألمنيوم كندي بحدود 500 ريال
ركب بلف كابرس ظغط 160
ورايح تظبط الحرارة معك ..

[سوبر VTC]

عليكم السلام

دبل 4طقات هذا امريكي اول طقة
فور تايم => يشبك الدبل الخفيف اذا حس بثقل بالنفود
دبل 3طقات هذا سعودي

بالنسبة للحرارة اغلب الشيروكيات بالتطعيس
الحرارة فوق النص بشرطه تقريبا الحرارة 105
و هذا شي طبيعي جدا
خصوصا اذا كنت شابك الدبل الثقيل

***

صدقني موترك مابه الا العافية
لو كان به مشكلة كان مامشى معك كيلو واحد بالديرة او الخط
وضعك تمام

***

للمعلوميه
غالبية السيارات جمس باترول جيب فكسار جيكسار حوض ربع
بالتطعيس توصل الحرارة النص
لا توسوس
شيروكي بام حزم بالتطعيس قبل اسبوعين
راعيه جالده بالنفود بالثقيل الحرارة فوق النص بشرطه
و اذا طفت المراوح تكون على النص => بلف بلد 190

***

جرب تركب مروحة بلد حقت السير
لانه تدور بنفس سرعه المكينة اثناء التطعيس
و باذن الله تنزل الحرارة
يشترط تركيب بلف كابرس او كراسيدا


***

تبي عزم ممتاز للشيروكي خصوصا الثقيل :good: + وضع هواء الكفرات على 15
حط القير على 3 و دس
اذا صعف العزم نزل القير ل2-1
راح يضرب الابنص على 4
عزم خيالي تقل 400حصان :good::good::good:


بخصوص الحرارة

ادخل هالرابط :good:

الجزء1: الطرق المفيدة للتخلص من حرارة الشيروكي الفريدة! "مهم" (http://www.mekshat.com/vb/showthread.php?t=56320) ‏(

. صــــور داعـمــــة ..


http://eng.ysg.googlepages.com/-.jpg

[سوبر VTC]

مراوح السوبارو ماتنفع مع قير الأوتوماتيك
..


من قال هالكلام
التجربة اثبتت عكس ذلك
غالبية الشيروكيات التماتيك مروحة سوبارو + مروحة المكيف
و الحرارة تمام :good:
لاتنسى ان الاديتر رصتين المنيوم :good:
الا
اذا كان هناك مشكلة براس المكينه
غالبية الجموس خصوصا م2000 و طالع
الاديتر رصه وحده و لاحظ
8سلندر + رصه وحده و الوضع تمام
لكن اذا شبكت الثقيل للجمس توصل الحرارة النص او فوق النص بشعره
ايضا
اليوكن م2007 + الدينالي م2004 + الشفر غمارة و نص الامريكي
مثل م2005
كلهن مرواح كهرب شد بلد لايوجد مروحه كهرب
و لاحظ الاتي
مبرد زيت مكينه + مبرد قير + مبرد زيت دركسون + اديتر صغير رصه وحده + 8سلندر + حرارة اشد
و لم تخرب او تحتمي :good:

[ناصر955]

اخي فايق ورايق معي شيروكي 2000 كلاسيك اوتوماتيك مركب له بلف صغير على ما اظن رقمه 75 وحساس مروحة 65 تشتغل قبل النص وحرارته دايم الربع خصوصا هالايام

http://dc06.arabsh.com/i/00946/jlm00abxces2.jpg (http://arabsh.com)

اما بالصيف ومع المكيف والوقوف طويلا تاصل النص... ومع التطعيس كذلك..
احترم رأي الاخوان..... لكن نصيحة لا تركب مراوح سوبارو ركبتها وما نفعت معاي ورجعت مراوح الوكالة.


تقبل مروري واتمنا اني افتك.

[سوبر VTC]

. لكن نصيحة لا تركب مراوح سوبارو ركبتها وما نفعت معاي ورجعت مراوح الوكالة.
.


انت تقول مرواح ؟؟؟
الشيروكي له مروحة مكيف واحدة فقط
او تقصد مروحة السير ؟
عموما عشان تكون في الصورة
اهم حاجة في الشيروكي
اذا ركبت مروحة سوبارو او اي نوع اخر
لازم تكون موجودة مروحة المكيف البلد (شد البلد)(دينمو كبير)
و ليست الامريكية => دورته ضعيفة جدا لان الدينمو او القلب صغير
لان مروحة المكيف سرعة دورانها تعادل مروحتين2 سوبارو
عندنا كهربائي ما يركب لك مروحة سوبارو حتى تركب مروحة المكيف البلد

[ناصر955]

انت تقول مرواح ؟؟؟

الشيروكي له مروحة مكيف واحدة فقط
او تقصد مروحة السير ؟
عموما عشان تكون في الصورة
اهم حاجة في الشيروكي
اذا ركبت مروحة سوبارو او اي نوع اخر
لازم تكون موجودة مروحة المكيف البلد (شد البلد)(دينمو كبير)
و ليست الامريكية => دورته ضعيفة جدا لان الدينمو او القلب صغير
لان مروحة المكيف سرعة دورانها تعادل مروحتين2 سوبارو
عندنا كهربائي ما يركب لك مروحة سوبارو حتى تركب مروحة المكيف البلد






اقصد مروحة السير ومروحة الكهرباء

شكرا لك على التعقيب

[سهـود ومهود]

السلام عليكم جميعا

أخوي فايق و رايق ... أستلمت رسالتك ... تحياتي..