الداتسون و الهايلوكس ... حيرة في الاختيار

[طيب القلب]

السلام عليكم ورحمة الله وبركاته ..

لدي رغبة بشراء سيارة حوض دبل (جديدة وكالة ) ضمن حدود ميزانيتي ( 90 ألف ريال ) .. ووقع إختياري على الداتسون أو الهايلكس ..

أرجو من الأخوان الأعزاء بتوجيهي الى الإختيار الصائب بحسب المميزات والعيوب لكل من الهايلكس و الداتسون .

وجزاكم الله كل خير .

[الرياضي1111]

ان كنت من راعي النيسان اشتر داتسون لانك منتب راضي الا بالنيسان ...
وانت كنت من راعي التايوتا اشتر هايلوكس لانك منتب راضي الا بتايوتا ...
وشكرا..

[دلماوي 2008]

لاتفكر ولا تحتار غير الهلي لاتختار

[جبل عير]

في البر:-
الهايلوكس: من موديل 2006 وأنت طالع ماينفع بالبر لو أنه دبل وهذا الشئ عايشته وشفته وسمعته ولاحد يقولك يفرق السواق والله أن صاحب الموتر يذمه وحرام أنه طاره ويقول لوأني مابعت الـ2004 كان أفضل ( لأنه كان معه واحد 2004 قبل لايشتري وكالة 2008 )
الداتسون: الي فيه دبل ، بالبر ماخبر أحد ذمه .
القطع :-
الهايلوكس: قطعه متوفرة و أسعارها معقولة .
الداتسون: قطعه متوفرة بس أسعارها أغلى .
التحمل ومشوايرالبلد:-
الهايلوكس: يكرف كرف الحمير .
الداتسون: بعد 3 سنوات تبدأ تسمع الأصوات .
الراحة و السفر :-
الهايلوكس: ماهو مريح وفي السفر مقبول .
الداتسون: مريح وفي السفر يعجبك .
خدمات مابعد البيع (تعامل الوكالة مع الزبون من صيانة وأمور أخرى):-
الهايلوكس: خدماتهم أفضل .
الداتسون: خدماتهم مقبولة .

[AZOO9Z]

و الله يا أخي الكريم الهايلوكس الجديد ممتاااز جداً الي يشهد على كلامي

كثرته مع الشعب و الإقبال عليه و زينة هالسيارة مكينتها أقوى من الداتسون

و مكينة الداتسون ضعيفة بالنسبة للهايلوكس و النقطة الثانية الهايلوكس متامسك أكثر

و الداتسو ممتاااز ما يعيبه شي لكن الهايلوكس مزيته مكينته ممتازة على حجم السيارة


و الله يكتب الي فيه الخير و يعطيك خيرها و يكفيك شرها مقدماً ...

[fj44]

اذا بتشتري دبل خذلك هايلوكس
واذا عايدي بدون دبل خذلك ددسن

[زيزو]

90 الف اصبر عليها وانا اخوك وخذ لك جمس غمارتين دفرنسين فل كامل

بحدود ال100

[ابوريناد1979]

عندي معلومة وحده فقط
ان الهايلكس الدبل اقوى عزم من الددسن دبل
ورأي كانك صملت على الددسن دبل لاتاخذه جديد ، خذه مستعمل لان سعره يطييح مره
موفقك اخي

[الجمــــــــــــــل]

90 الف اصبر عليها وانا اخوك وخذ لك جمس غمارتين دفرنسين فل كامل

بحدود ال100
نفس الفكرة
زد عليها شوي وخذ سييرا دبل او شيفروليه سلفرادو الشكل الجديد من2008 وطالع افضل بكثير من الددسن والهيلوكس لا من قوة المحرك ولا من الراحه في القياده ولو ما يجيك الى منظر السيارة من برا روعه
سييرا
http://www.alriyadh.com/2007/06/29/img/296020.jpg
http://www.saudigear.com/emag/uploads/img4934cc2ef3d86.jpg

http://www.xxcars.com/site/itemimage/XXC-6217-1-0989696.jpghttp://dxbsouq.dubaimoon.com/market_data/products/dubaimoon_l_48312929.jpghttp://images.4wheeloffroad.com/featuredvehicles/131_0702_13_z+2007_gmc_sierra_1500_slt+passenger_s ide_view.jpg

[طيب القلب]

ان كنت من راعي النيسان اشتر داتسون لانك منتب راضي الا بالنيسان ...
وانت كنت من راعي التايوتا اشتر هايلوكس لانك منتب راضي الا بتايوتا ...
وشكرا..


الميول الشخصية لا إعتبار لها عندي .. أرغب بالسيارة الأفضل في حدود الميزانية.

شكراً أخي الرياضي 1111

[طيب القلب]

لاتفكر ولا تحتار غير الهلي لاتختار


تراي غشيم بالمسميات الدارجة ..

الهلي .. تقصد الهايلكس ؟؟

شكراً لمشاركتك دلماوي 2008.

[طيب القلب]

في البر:-

الهايلوكس: من موديل 2006 وأنت طالع ماينفع بالبر لو أنه دبل وهذا الشئ عايشته وشفته وسمعته ولاحد يقولك يفرق السواق والله أن صاحب الموتر يذمه وحرام أنه طاره ويقول لوأني مابعت الـ2004 كان أفضل ( لأنه كان معه واحد 2004 قبل لايشتري وكالة 2008 )
الداتسون: الي فيه دبل ، بالبر ماخبر أحد ذمه .
القطع :-
الهايلوكس: قطعه متوفرة و أسعارها معقولة .
الداتسون: قطعه متوفرة بس أسعارها أغلى .
التحمل ومشوايرالبلد:-
الهايلوكس: يكرف كرف الحمير .
الداتسون: بعد 3 سنوات تبدأ تسمع الأصوات .
الراحة و السفر :-
الهايلوكس: ماهو مريح وفي السفر مقبول .
الداتسون: مريح وفي السفر يعجبك .
خدمات مابعد البيع (تعامل الوكالة مع الزبون من صيانة وأمور أخرى):-
الهايلوكس: خدماتهم أفضل .
الداتسون: خدماتهم مقبولة .








أخي جبل عير .. الله يرضى عليك ويُكثر من أمثالك.

نصائح وتوجيهات رائعه .. أشكرك عليها جزيل الشكر.
سوف أخذها بعين الاعتبار عند المقارنة النهائية.

شكراً مرةٌ أُخرى .

[طيب القلب]

و الله يا أخي الكريم الهايلوكس الجديد ممتاااز جداً الي يشهد على كلامي

كثرته مع الشعب و الإقبال عليه و زينة هالسيارة مكينتها أقوى من الداتسون

و مكينة الداتسون ضعيفة بالنسبة للهايلوكس و النقطة الثانية الهايلوكس متامسك أكثر

و الداتسو ممتاااز ما يعيبه شي لكن الهايلوكس مزيته مكينته ممتازة على حجم السيارة


و الله يكتب الي فيه الخير و يعطيك خيرها و يكفيك شرها مقدماً ...


كل الشكر والتقدير أخي AZOO9Z لتوجيهاتك ونصائحك.
سوف أضعها ضمن نقاط المقارنة.

تحياتي

[أبوسعود711]

ياخي يكفيك ان الددسن ياباني والهايلكس تايلندي
وبالنسبه للتحمل هذاا مع الواالد ددسن موديل 2002 وممشاااه فووق 300 الف
ولا عمره اشتكىى منه الا للفحماات والاشياااء العاديه
وبالنسبه لقطع الغيااار فانا اخالفك الرااي اللدسن ارخص من الهايلكس

[طيب القلب]

90 الف اصبر عليها وانا اخوك وخذ لك جمس غمارتين دفرنسين فل كامل

بحدود ال100

وأنت صادق أخي .. ولكن يأخي هل الميةألف تجيب جمس غمارتين دفرنسين فل كامل .. بشرط يكون وكاله .. لأني لا أرغب المستعمل أبداً أبداً. علشان كذا أنا أبحث عن سيارة دبل جديدة لها حوض في حدود التسعين ألف .

شكراً أخي زيزو .. لنصيحتك الغالية والصادقة .. وآمل الاجابة على استفساري .

تحياتي لك.

[طيب القلب]

عندي معلومة وحده فقط
ان الهايلكس الدبل اقوى عزم من الددسن دبل
ورأي كانك صملت على الددسن دبل لاتاخذه جديد ، خذه مستعمل لان سعره يطييح مره
موفقك اخي


أبو ريناد ..

نصيحتك سوف تضاف.

شكراً لك أخي على تجاوبك.

[طيب القلب]

نفس الفكرة
زد عليها شوي وخذ سييرا دبل او شيفروليه سلفرادو الشكل الجديد من2008 وطالع افضل بكثير من الددسن والهيلوكس لا من قوة المحرك ولا من الراحه في القياده ولو ما يجيك الى منظر السيارة من برا روعه
سييرا
http://www.alriyadh.com/2007/06/29/img/296020.jpg
http://www.saudigear.com/emag/uploads/img4934cc2ef3d86.jpg

http://www.xxcars.com/site/itemimage/XXC-6217-1-0989696.jpghttp://dxbsouq.dubaimoon.com/market_data/products/dubaimoon_l_48312929.jpghttp://images.4wheeloffroad.com/featuredvehicles/131_0702_13_z+2007_gmc_sierra_1500_slt+passenger_s ide_view.jpg

شكراً جزيلاً أخي asmj2010 على نصيحتك الرائعه

ولكن هل أحصل بحدود تسعين الى مائة ألف غمارتين جديد ؟؟

شكراً لك مرةٌ أُخرى .

[طيب القلب]

اذا بتشتري دبل خذلك هايلوكس
واذا عايدي بدون دبل خذلك ددسن

أخي fj44 شكراً جزيلاً لتجاوبك.

تحياتي

[طيب القلب]

ياخي يكفيك ان الددسن ياباني والهايلكس تايلندي
وبالنسبه للتحمل هذاا مع الواالد ددسن موديل 2002 وممشاااه فووق 300 الف
ولا عمره اشتكىى منه الا للفحماات والاشياااء العاديه
وبالنسبه لقطع الغيااار فانا اخالفك الرااي اللدسن ارخص من الهايلكس


الله يرضى عليك ويعطيك العافية أخي أبو سعود 711 .

نصيحة ممتازه .. فأول مرة أعرف أن الهايلكس يُصنّع في تايلاند .. فشكراً لك.

تحياتي.

[الجمــــــــــــــل]

شكراً جزيلاً أخي asmj2010 على نصيحتك الرائعه

ولكن هل أحصل بحدود تسعين الى مائة ألف غمارتين جديد ؟؟

شكراً لك مرةٌ أُخرى .
أبشوف عن الاسعار واسأل عنها وارد لك خبر

[مكسر الشوك]

انصحك في الددسن والموديل الجديد بخاخ يعني في البر مثل الطيارة وقي

[التميمي 20]

ياخي يكفيك ان الددسن ياباني والهايلكس تايلندي
وبالنسبه للتحمل هذاا مع الواالد ددسن موديل 2002 وممشاااه فووق 300 الف
ولا عمره اشتكىى منه الا للفحماات والاشياااء العاديه
وبالنسبه لقطع الغيااار فانا اخالفك الرااي اللدسن ارخص من الهايلكس

معي هايلكس تفاجأت إن سعر المساعد قرابة ال 400 بعد الخصم !!!


أعتقد الددسن ( ياباني ) أكثر صبرا حاليا وأقل سعرا ...

عيب الددسن ينزل سعره أكثر من الهاي ....


الله يكتب لك الخيرة الطيبة ...

[ولد ثـادق]

حتى الددسن 2010 تايلندي صار

[لن أمل من العطاء]

جرب االميتسوبيشي

6 سلندر
مكينة باجيروا

مواصفات رائعه جدا جدا

حوض اكبر من الهايلوكس والنيسان لموديلات 2010
شكل الصندوق اختلف في 2010



تفضل بزيارة موضوعي
وتلمس الفرق

http://www.mekshat.com/vb/showthread.php?t=171202

[عاشق الحوض99]

يا رجال لا ددسن ولا هلي الجدد كلهن تايلاندي

رايي وانا اخوك خذلك هلي 2004-2005
2800efi
ولا دفرنسين
تجي يا باني ونشاط النشاط

[مخاوي الليل1]

السلام عليكم
انا بنصحك بالهايلكس
انا معي هايلكس دبل 2009 ماشاءلله عليه
واقوى من الددسن بكثير
وانا مجرب السيارتين
وفي الاخير الله يوفقك يارب

[wwq]

ياأخوان من قال خذلك الددسن الياباني وخل عنك التايلندي
ويعتمد على هالفكرة
أنصحة يأخذ المسوبيشي أو السوزو لأنها مصنوعة في اليابان
الآن أكثر ما يخبط سيارات اليابان
شف السوزو مستحيل تلقالك إلى في النادر 2005 ما خبط إلى الآن إذا كان يدخل البر واجد
وعلى فكرة اليابان على ماسمعت ما أدري كلام صحيح أولا لكن أنقلكم اللي قيل
أنها في السيارات الأخيرة تنزل سعرها وتضعف بعض القطع اللي في الموتر علشان يستغلون الناس من القطع وياخذون سعر الموتر عدة أدبال ولاحظو الغلا في قطع الغيار في السوزو والموتسوبيشي

[مسافر الشمال]

للمكدة وللنفود * غير الهلّي لاتقود ...
اشتر لك هايلكس وعلى مسؤوليتي


الهلّي (http://www.youtube.com/watch?v=e3amEjld0qM)

[نسناس المساء]

يا بعدي رح برا يم الخليج ولله تحصل سيارات مستعمله بس اخت الجديده ما في فرق عنها
واحسلك من ناحية الموصفات لان السعودي المعارض ياخذون منه قطع غيار اصليه ويحطون لك
تجاريه وغش عيني عينك فاشور عليك تاخذ معك واحد خبير سيارات(شريطي سيارات) دور على راحتك
في الخليج اسال مجرب ولله سيارتهم جديده ونظيفه ومن ناحية السعر رخيصه وراهاا مكاسب

وشكرااا

[المحتسب]

كنت بقولك هايلكس ولا غيره لكن لما شفت هذي الصورة قلت توكل على الله وخذ لك واحده مثلها
http://images.4wheeloffroad.com/featuredvehicles/131_0702_13_z+2007_gmc_sierra_1500_slt+passenger_s ide_view.jpg

[wwq]

معليش يالمحتسب شف وجه الموتر أقرب طله خفيفة تضيع 500 ريال
شف وجهه على الجاده شوي ويحك

[الحجاج2]

اخوي باشور عليك ولك الاختيار
ابعد عن الياباني ضيقه ومكاين صغيرة
شوري طح بالدسم الامريكي الفورد او الشفر او الدودج كلهن موتر مكينة تطربك وهيبة وسعة
واسعارهن مهنا فرق عن الهايلكس الدبل تاخذه بالثمانين ولا السبعين
خذ
مثلا دودج رام محرك هيمي 5,7 بقوة 345 حصان 8 سلندر بــ 74.999 رس جديد
http://www.dodge.com/shared/2010/ram_1500/gallery/images/ext/10_d_r15_photo_ext_16.jpg.
http://www.dodge.com/shared/2010/ram_1500/gallery/images/ext/10_d_r15_photo_ext_01.jpg
وقبل لاتقرر اسئل اللي جربوا كل موتر شخصيا
ماهو قالي و عند واحد
هذا مجرد راي ولم اجرب السيارة من قبل
الله يوفقنا وياك

[طيب القلب]

كل الشكر والتقدير للأخوان الأفاضل ..
مكسر الشوك - التميمي 20 - ولد ثادق - لن أمل من العطاء - عاشق الحوض - مخاوي الليل - WWq - مسافر الشمال - نسناس المساء
وكل الأخوان الأفاضل الذين شاركونا بأرائهم وتوجيهاتهم السديدة والصائبة فقد أناروا دربي وبصيرتي .. فلهم مني كل الشكر والعرفان ، وهذي والله عادة أهل مكشات .. وعساكم دوم ما هو يوم .

من جهه أُخرى وبناءً على نصيحة الأخوين الفاضلين زيزو و asmj2010 وبتأييد من الاخ الفاضل المحتسب بتوجيه نظري للجمس الحوض الدفرنسين (دبل) .. فقد شد إنتباهي هذا الرأي ، وبما أن لدي مبلغ يمكنني من الحصول على هذا النوع من السيارات اللتي تحقق مطلبي بمواصفات ( الدبل - الحوض - غمارتين ) زائد الرفاهه والفخامه بنفس المبلغ تقريباً (إذا رفعته الى مائه).
وعلى ذلك ذهبت يوم أمس المغرب الى معارض السيارات .. ووجدت المطلوب .. جمس سييرا .. وقد أعجبني كثيراً.
كما أشكر أخي العزيز الحجاج 2 الذي لفت أنتباهي الى ماركات أُخرى للأمريكي تحقق نفس المواصفات.

فشكراً جزيلاً .. زيزو ، asmj2010 ، المحتسب ، الحجاج 2 ..

............ .............. ...............

أخواني عموماً ..
فوالله إن اللسان ليعجز عن شكركم وتقديركم أجمعين .. فقد كنتم لي نعم الناصح الأمين .. فجعله الله في موازين حسناتكم أجمعين.

فأدعوا لي بالتوفيق والبركة .. فقد قررت على جمس سييرا (غمارتين - دبل ).. ويتبقى علي فقط الموديل والمواصفات .. فقد وجدت وكاله 2009 و 2010 بجميع المواصفات المختلفه والألوان. كذلك وجدت مستعمل موديل 2008 ماشي 40 ألف.

ولن أستغني عن نصيحتكم ومشورتكم .. فأنتم أهل الأوله .


شكراً .. شكراً .. شكراً

[ابومعتز99]

90 الف اصبر عليها وانا اخوك وخذ لك جمس غمارتين دفرنسين فل كامل

بحدود ال100
مثل ماقال اخوي زيزو خذ لك جمس او شفر حوض
المبلغ ذا حرام تحطه في ددسن او هايلكس
ولو تشوف لك مستخدم خفيف من امريكا يكون ارخص
بالتوفيق

[الجمــــــــــــــل]

يا ليت يا اخونا طيب القلب تعطينا فكرة عن اسعار جمس سييرا في الوكاله والمعارض
الدبل والعادي لأني من مدة أبعرف كم اسعارة
وهذي الصور اهداء مني لك ومبروك مقدما انشاء الله
http://i933.photobucket.com/albums/ad179/3ashqGMC/IMG_0181.jpghttp://www.cars-club.com/up/8-2-1/carsclub_23176214.jpg

[wafian]

استخر ربك و توكل عليه

[عرق الأرطى]

هلابك اخوي طيب القلب
اشور عليك انك تاخذ الهايلكس تراه اطيب وزين في الشكل بس خذ بدون رفارف
والشور الي ازين من هذا انك تدورلك على هدد 2002 نظيف وتخلي الهايلكس او الددسن
اوجه واكشخ وتانكيين بزين ما تشيل هم البنزين وخذلك اشهب ياعيني عليه انشهد ان الي صانعه مات
ودراهمك اخوي تجيبلك هالموتر الشيخ وتلقاه نظيف .
تحيات لك.

[طيب القلب]

مثل ماقال اخوي زيزو خذ لك جمس او شفر حوض
المبلغ ذا حرام تحطه في ددسن او هايلكس
ولو تشوف لك مستخدم خفيف من امريكا يكون ارخص
بالتوفيق


شكراً أبو معتز

[طيب القلب]

يا ليت يا اخونا طيب القلب تعطينا فكرة عن اسعار جمس سييرا في الوكاله والمعارض
الدبل والعادي لأني من مدة أبعرف كم اسعارة
وهذي الصور اهداء مني لك ومبروك مقدما انشاء الله
http://i933.photobucket.com/albums/ad179/3ashqGMC/IMG_0181.jpg

بالنسبة للأسعار :
2009 : 4X4 مواصفاته عادية ، والدبل قير أرضي بقيمة 99 ألف ريال.
2009 : Z71 وهو الفل أوبشن (فل كامل) ويعتبر أعلى نوع بمكينة 3500 بقيمة 114 ألف.
2010 : Z71 بنفس مواصفات 2009 بقيمة 120 ألف
مستعمل 2009 : ماشي 10 ألآف كم (فل كامل) مابين 104 - 106 ألف.
مستعمل 2008 : ماشي 40 ألف كم (فل كامل) 86 ألف.

الأسعار بعاليه لدى المعارض وليس الوكاله.

فيه نوع يسمى HD أي (هيفي ديوتي ) بمكينة قوتها 6000 ولم ينصحني به أحد لأنه للأحمال الثقيلة .. ويكون متعب أثناء السير في البلد أو البر.





شكراً أخي asmj2010 .. لنصيحتك الثمينه وأطال الله عمرك على طاعته ورزقك بِر أبنائك ورضى والديك.

[طيب القلب]

استخر ربك و توكل عليه

بإذن الله سوف أعمل ذلك.

شكراً أخي على التذكير بهذه السنه الفاضلة.

[طيب القلب]

هلابك اخوي طيب القلب
اشور عليك انك تاخذ الهايلكس تراه اطيب وزين في الشكل بس خذ بدون رفارف
والشور الي ازين من هذا انك تدورلك على هدد 2002 نظيف وتخلي الهايلكس او الددسن
اوجه واكشخ وتانكيين بزين ما تشيل هم البنزين وخذلك اشهب ياعيني عليه انشهد ان الي صانعه مات
ودراهمك اخوي تجيبلك هالموتر الشيخ وتلقاه نظيف .
تحيات لك.


تراي غشيم بالسيارات وخاصة المسميات الدارجه.
ماذا تعني بهدد 2002.

شكراً أخي عرق الأرطى على نصيحتك وتوجيهك.

[pilot1]

خذ ونيت اسوزو دبل ومرتفع ودفع رباعي وديزل 3000 سي سي
650 كم بـ 14 ريال

[سفاري959]

اخوي كل الاثنين ولا شي مع الجيوب وانا من الناس اللي احب الددسن من ناحيه الراحه والأمان واذا تبي هايلوكس دبل 2010 اخو الجديد ماشي 4000 ومجهز تجهيز كامل للبر مع رجال كبير في السن اشتراه ولا اعجبه علمني اعطيك رقمه الله يكتب لك اللي فيه صالح وخيره

[طيب القلب]

السلام عليكم ورحمة الله وبركاته ..

بعد التوكل على الله سبحانه وتعالى وصلاة الاستخارة ثم بحسب توجيه ونصح الأخوان في مكشات .. فقد أشتريت بحمدالله وتوفيقه جمس غمارتين (سييرا) 2010 رصاصي(فضي) فل أوبشن كامل.

فوالله إن اللسان ليعجز عن شكركم أجمعين ، فقد أخلصتم كما عودتمونا دائماً بالنصيحة الصادقة والتوجيه السليم.

الله يرضى عليكم ويوفقكم ..

أدعو لي بالتوفيق والبركة.

شكراً

[عاشق الشتاء]

الله يوفقك ويطرح البركه في الموتر والله يعطيك خيره ويكفيك شره

اخوي لاتنسى انك تقرا على موترك الناس ماتعطي خير

[هلي--2007--]

ياخي خذ نصيحتي مالك الا الهلي

[بن داود]

على البركه والله يعطيك خيرها ويكفيك شرها