شوفوا لي حل يا أخوان لهالعطل اللي حيرني المساعدة يااخوان!!

[الشامخ!!]

عندي مشكله بسيارتي ددسن 88


وهو


ان الخرطوش السفلي الموصل من المكينه الى الريديتر


مع زيادة التسارع ينطبق على بعضه مما يؤدي الى عدم وصول الماء وذهابه


رحت للمكانيكي قالي الريديتر خربان


رحت لمهندسي الرديترات قالو الريديتر عندك كويس والاثبات انه يحرك الماء ويخلط
ولا حظت انا هالشي


قلت لهم وش المشكله قالوا مشكله ميكانيكيه مو من الرديتر رديترك طيب ولا فيه اي مشكله


مع العلم اني ماسح الراس ومغير وجيه وكل شي تمام الا هالمشكله


وهي انطباقي الخرطوش


رحت للميكانيكي وقلت قالوا وقالوا قال ما عندهم سالفه المشكله غير الرديتر وترتاح


لذلك
قلت ابي شوركم قبل لا اكلف على نفسي واشتري رديتر


مع العلم اني مغير خرطوش اصلي ونفس الشي ما تغير شي

[سامرنجد]

شوف حبيبي الخرطوش الي بسيارتك حدى امرين اما انه تجاري او منتهيه صلاحيته _ بعض الخراطيش يجي مزود بسلك معدني بالداخل على شكل حلزومي من بدايته الى نهايته شفلك واحد من هالنوعيه ويكون اصلي ونفس المقاس وركبه _ فايدة السلك مايخليه ينطبق على قولتك وهذي المشكله سمعت فيها بس مو في الداتسون في المرسيدس القديمه

[f_s_i_l]

هلا اخوي
جيب سلك حلزوني وحطه داخل الخرطوش زي حق خرطوش الكابرس
ولكم تحياتي
:lr

[الشامخ!!]

شوف حبيبي الخرطوش الي بسيارتك حدى امرين اما انه تجاري او منتهيه صلاحيته _ بعض الخراطيش يجي مزود بسلك معدني بالداخل على شكل حلزومي من بدايته الى نهايته شفلك واحد من هالنوعيه ويكون اصلي ونفس المقاس وركبه _ فايدة السلك مايخليه ينطبق على قولتك وهذي المشكله سمعت فيها بس مو في الداتسون في المرسيدس القديمه



يعطيك العافيه على الرد

لكن انا شاري خرطوش اصلي وكاله مزود من الزاويه بقضيب حديدي مربط فيها اخرطوش من الوسط بمسمارين

لكن الانطباق يأتي من تحت للموصل الى الرديتير واعلاه ما ينطبق

[سوبر VTC]

لازم تشري خرطوش يكون بداخله سيم او سبرنق على شكل حلزوني
دور على نفس مقاس البلد حتى لو حق كابرس او شيروكي
لايكون مكان الاديتر مغيره قواعده ؟؟؟؟

[stranger]

اذا ما لقيت خرطوش داخليه سلك حلزوني اشتر واحد داخله السلك واقطعه نصين واسحب السلك الحلزوني وركبه في الخرطوش الي عندك هذا هو الحل الوحيد لك والاخوان ما قصروا عطوك احل الي ما بعده

[abc-00-abc]

اول شيء السيارة جايها صدمة من الوجه


اذا فيها صدمة و سمكرتها احتمال الوجهيه ما رجعوها مكانها الصحيح
والخرطوش اذا ركب يكون مايل شوي وبكذا الخرطوش اذا سخن يطبق


او الخرطوش ماهو اصلي و اذا كان اصلي اكيد حق موديل ثاني

[بخيت الدوسري]

يالغالي كان عندي هذي المشكله بسيارتي الاوله وعلى قولتهم جات سليمه
وكانت المشكله من صدر المكينه اللي يدخل المويه من الاديتر الى المكينه كان فيه كسر فكان الماء يهرب للداخل وأختلط الزيت مع الماء لكن تداركت المشكلة قبل الكارثة
أنت شف الماء معه زيت
وتأكد إذا كانت المويه تنقص اللي بالاديتر إذا ماكانت تنقص فهذي مشكله غير اللي مرت علي
وموفق يالغالي