يا راعي الصنف والخبره اقبل اقبل اقبل

[مدهـوش]

السلام عليكم

اخواني الافاضل والى اهل الخبره

يوجد سلوقي اسود طبع وسبق وفعل ولكن هناك امر حيرني وحير اهل الصنف يقولون الا وهو الذيل

ذيله عريض بعض لاشئ

فهل يعيبه .؟؟؟

بالرغم انه سبوق والسلاقه يقولون الذيل العريض يدل على ان السلوقي ماهوب سبوق والله اعلم

وانتم ورائيكم

[ذيب عتيبه]

حي الله راعي بيشه هههه


مسيت بالخير

الله يطعمك من خيره ويكفيك من شره

وابيك تتحملني شوي بالرد لاهنت وطول الله بعمـرك


للأسف في ناس تطلعلي قوانين واشياء من روسها .. تخترعلي حاجات وتنشرها .. ذيل السلوقي لاصار عريض اللي نعرفه ويعرفونه راعين السلقه انه اولا من خلقه الله ثانيا يكون من الخلط .. جعري بسلوقي او سلوقي اريش بسلوقي ساحلي .. ولاله اي دخل بالسبق ... يعني ضنك ان الذيل رجل ثالثه تعدي مع السلوقي ؟؟؟


لكن من مميزات السلق الجماليه سخف الذيل وهذا مافيه شك اما ان له دخل فالسبق هذا ورع فاضي طلع هالمقوله


والله يوفقك باللي عندك وييسر امرك

[الرعد99]

صدق ذيب عتيبه فيما قال وانا اضيف ان السلق اللي يجي ذيله عريض ماهوب اصيل
بس السلق لا تأخذه على الوصف اخذه على الفعل
وتقبل مروري

[مدهـوش]

ذيب عتيبـــه

ياحياك الله وياحي نباك وعلوم الرجال عسى الله جابه لكم عساه وصل..؟

والله يالغالي رايك محل اهتمامنا وهذا مانتمناه منك ومن الاخرين

وراضي ومقتنع بهذه المقوله الطيبه

وانا والله اشوف السلوقي سبوق وفعله طيب بالحيل ولكن لا يركز عليه الا اهل الصنف

واشكرك كثير الشكر على مرورك المرشد والرائع والذي كنت اتمنا ردك في كل حال من الاحوال

وتحياتي لك يالغالي

الرعـــد99

والله كلامك صحيح وفي متمه

انا شاهدت كثير من اهل السلق يركزون على المنظر وارى المناظر رائعه من ناحية السلق في اشكالها ولكن ليس هناك فعل يحكى به

فكثير حول هذا السلوقي المذكور اعلاه لم احد يسبقه من من عرفه

ولك الشكر واتمنا مرورك مرره اخرى وتكرار

[المقناص بدمي]

مهوب دليل الذيل له دخل بسبق السبق داخل السلوقى مهوب بشكله واجد سلق حقرت من ناحيه الشكل واسبقت سلق وصف ماخلت شئ لشكل لا يهمك كلام الربع وتمسك بالي يجوزلك

[مدهـوش]

القناص

تحياتي لك ولوا ان السلوقي ليس فيه سبق لتركته يعود لاصحابه الذين اعطونياه

ولكن السلوقي طبعته على امور واجد وطرق رائعه واعجبني في كل ما اعطيته من طبع وكذلك السبق فقد قارنته بين كثير من السلق السبوقه التي اعرفها ولكنه اودعهم خلفه براحه وسعة بال ولكن مايقلقني هو سرعة الهلاك عنده فلا يوجد فيه سده واعتقد ذلك من التمرين والتمسيس فلا اخرجه الا يوم الاربعاء الى الجمعه وايام الاسبوع لايخرج فهنى تقع المشكله ايضا

ولك الشكر

وكلامك يحل اهتمام كبير وقدير بالذكر

[رفيق الأمل]

تسلم ياخوي اذا السلق فيه خير سبوق ويقنص زين خلاص ولا يهمك باقي الكلام وقول الحمد لله مادام شفته انت بعينك زين الف مرة الله يحفظه لك عن كل شر

[راعي وذف]

افادوك الاخوان

[راعي فجر]

يعيبه بوصف الجمال يمكن
لكن بالفعل السلوقي مايركض بذيله يابعدي

وفيه فرق بين العرض والغلظ

العرض يمكن يجي باختلاط النسل باريش واملط

اما الغلاظه على حسب خبرتي بانه تجي من خلط جعر اعزك الله كبر الذيل من اعلى الا اسفل

هذه نظريتي المتواضعه واتمنى اكون اصبت

شكراً

[مدهـوش]

يا حياكم الله ياخوان واشكر كل من رد بتواضع وخبره

راعي فجر

اصبت ثم اصبت

فالذيل ليس عريض من اعلاه الى ادناه ولم يؤثر بالسبق وليس له علاقه بالسبق ....صحيح

سلمت اخي الكريك على هذه المعلومات التي اتمناها منك ون غيرك والتي تكون داله على خبرتك العاليه

تحياتي لك وللجميع ودمتم بخير

[زيــآدِ]

ياليت صورة له

[ابوعبدالله خا]

بتوفيق انشاء الله وتجربه خير برهان
لكن هل جربت من انتاجه .
الله يوفقك فيه وتشبع من صيده