سوال بسيط بخصوص الطير

[لاسلكي 20009]

السلام عليكم ورحمة الله وبركاته

كيف الحال يالربع ان شاء الله طيبين

اخوي عنده وكريه ويعطيها علفها على وكرها ولا عمره دعاها ابد وقبل فتره دعيناها من 7 امتار وجت وهي تفح يمكن يكون الطير مافيه لقياقه ولا وش السالفه

الله لايهينكم

[صقار الأسياح]

اخوي خله يكرر الدعو ويزيد المسافه ويشوف بتروح عنها واذا ما راحت ممكن مريضه لا اراد الله

[صقار مبتدئ]

اكيد ما فيها لياقه و اكيد انكم كثرتوا دعو دعيتوها اكثر من مره
شف حبيبي انا باقول لك طريقه كويسه
1- اذا كانت الطيره صنيعه قصر عليها العلف لمدة خمسة ايام رجل حمامه فقط
2- قبل لا تدعيها اسقها ماء ورش صدرها و عاتقها بالماء
3-حاول ان يكون اليوم اللي تدعي فيه الهوى بسيط مو قوي لا تدعيها عكس الهوى عشان الطير ما يتعب
بعد كذا طريقة الدعو
اول يوم وثاني يوم ثلاث مرات فقط ومن مسافه قريبه ولا تكثر علف
اليوم الثالث تزيد عدد مرات الدعو الى 6مرات مع زيادت المسافه وقت الدعو كل ما دعيت الطير تبعد شوي
وهاكذا لين تحس الطير بدأ يتحسن
مع فترة الدعو اعط الطير فتمين

[ديوان العرب]

اخوي الطير مريض واذ بتتاكد خل الطير يكفخ على كفك وحطه على الوكر واذ شفته يلهث وذنيباه تهتز من الهثه اعرف ان الطير مريض وفيه الرداد وعلامات الرداد يلهث ويفتح فمه والاذ الطير مغلق يلهث خفيف ويقف على طول مايطول وهو يلهث وهاذي نصيحه مني الي بيشتري طير لازم يكفخه على يده واذ شفة الطير يلهث حيل ولا ركد خله على وكره وقل لراعيه يتباركلك

[راعي شوق]

اخوي اذا الفترة طويلة والطيرة صنيعة فهو شي عادي واذا كان وزنها زين وفترة ربطتها ماهي طويلة انصحك توديها المستشفى

[ماسوم]

اقصر عليه شوي وكرر ادعو واذا شفته يفح اكشف عليه يمكن يكون رامك

[بارود22]

يفدونك الشباب

[a7a7]

افادوك الاخوان الله يجزاهم خير

[لاسلكي 20009]

الله يعطيكم العافيه جميعا

اخووي ديوان العرب الطير مايلهث يزيد نفسه بس ..

شكرا لكم

[حر سدير]

الله يشفي طيرك

[راعي البرقه]

اكثر الذيبيات يحوشهن تشنج حاول تدعها بكثره


فالك الناادر

[داااحم]

افادوك الاخوان

[مشبر البران]

الأخوان ما قصروا