حيرني الفتك 2006

[ابو متعب؟]

السلام عليكم

اخواني

انا عندي مشكلة التعليق في زر التانكي الثاني لكن كل ما صارت افصل البطارية وترجع لها كم يوم وترجع مره ثانية

لكن فجاة طلعت لي هذي

http://www.gmrup.com/uploads/gmrup12625375191.jpg (http://www.gmrup.com/)

قريت عنها في الكتلوج طلع لي عندك مشكلة في احراق الوقود

ماادري هي مشكلة التعليق في زر التانكي هذي هي اللي سببت لي كذا او لا

انا مليت بجد وناوي اسافر للرياض عشان امر ورشة ابو صالح التركي

ياليت احد يفيدني اذا كان عنده علم وشكرا جزيلا لكم

[حاب الربع]

السلام عليكم
اعرف 2 صار معهم تعليق واحيانا الامبير يعطي قراءه غلط
الحل برمجه اشتغلوها الشباب بالقصيم برمجه الطبلون

[صباح القايله]

اخوي مهب واضح التصوير لكن شكله حقت المكينه
هل الموتر يمشي طبيعي او لا ان كان الموتر ماء يمشي زين
بدل بين الكتوتات الي بجنب الفلتر حق الهواء
ويفيدونك الاخوان

[faris AL.vTc]

بسسسسسسسسس الحل عندي


انا نفسك معي باترول سوبر سفاري 2005

يوم من الايام نزلت عدتي اتعبث بالكبوت<لقافه

يوم شغلت الموتر اشتغلت لمبه المكينه

بعدين ترا اللمبه لمبــة المكينه مهي التانكي

الممممممهم : رحت مكانيكي اعرفه فلبيني

قال لي افصل صبـع البطارية لاجيت تنام عشآن لازم تجلس اكثر من ساعتين فاصل البطاريه

واشبكه مره ثانيه وشف اكييييد راح تروح وتطفي

إن شآء الله ... ورد لي وش صآر عليك

[سوبر VTC]

عليكم السلام

فصل البطارية و شبكه مثل المسكنات تضبط
لكن بعد كم يوم ترجع المشكلة

المشكلة عندك ان التانكي الصغير مايحول بنزين
و السبب خراب ايسي بنفس الطبلون بنفس العدادات
الحل
مر على ورشة التركي تخصص باترول بالرياض
او ورشة الكهربائي العثيم ببريده
تكلفه الاصلاح مع الضمان من 300 الى 500ريال
+
يتم التشييك على الظفيرة كاملة + افياش العوامات + فحص العوامات نفسه
لكن
غالب العطل من الايسي عيب مصنعي
ان بغيت ارقام لهم علمن


موفق

[ابو متعب؟]

اشكر جميع الاعضاء اللي تجاوبوا معي

انا رايح لورشة التركي ابي اشوف الحل وراح ارد لكم

[ابو متعب؟]

اولا

الله يعطيكم الف عافية ويجزاكم خير

من اعضاء ومشرفين وادارة

بصراحة مريت على ورشة التركي اللي بالصناعية القديمة

فك لي الطلبون واخذه معه في غرفة طبعا الشغله ما طولت اقل من ساعة

وركبه لي وماشاء الله على السيارة ضبطت مره مره

طبعا الورشة شغل سعودي ما عليه كلام.......%

[ابن سيف 18]

ما شاء الله ,,,

والحمد لله اللي وفقك في التصليح

ولا غيرك بتطول معهــــــــم

[سوبر VTC]

الله يعطيك العافية لاهنت ابو متعب
اهم شي عطاك ضمان على الشغل ؟
كم كلف ؟
ماحاولت تسرق اسرار المهنة ؟ و هل عرفت سبب العطل ؟ :D:p
موفق

[ابو متعب؟]

هلا فيك سوبر vtc

بالنسبة للضمان قال اذا تعطل رجعه لي في اي وقت ؟؟ طبعا شكله واثق جدااااا

التكلفة كلفني 500 ريال

بالنسبة لأسرار العطل ( هذا كان هو همي ) ابي اعرفه وش وابي اصور عشان انزله لكم

لاني شايف كثير يشتكون منها

لكن صاحب الورشة فك الطبلون واخذه معه داخل الغرفة جيت ابي ادخل قال اسف
هذا شغلتي وانا اضبطها لك (( طبعا حقوق النسخ محفوظه))

حاولت اني اسحبه في الكلام عشان اعرف لكن ؟ لم افلح ....

بس هو اخذ معه الطبلون ورجعه

سألته اضفت شي او غيرت شي قال ابد شغله صغيره نعدلها وتضبط

ممكن ايسي بالطبلون يأخذه ويلحمه (( اعتقد ))

[بحر القصيد]

تعليق الزر ماعرف وش تقصد به بالضبط

ولكن انا عندي فتك (2006)

وإذا ضغطت على زر الخزان الإظافي يجلس شغال لين ينزل حمولته كامله في الخزان الأساسي

وبعدين يفصل من نفسه <<هذا بعد فتره(وهذاالفرق بينه وبين اللاندكروزر -الللاندكروزر تحول على الإحتياطي وترجع على الأساسي على كيفك بضغطة زر)

اما السفاري الجديد (نظامه تضغط على زر الإحتياطي وينزل الوقود كامل في الخزان الأساسي وبعدين يفصل)
وبذالك يكون الموضوع كامل على الخزان الأساسي اذا كانت مشكلتك نفس اللي ذكرت لك

فـ هذا هو نظام عمل خزان الفتك من طويله.


اما المبه اللي طالعه فهي تشتغل ((لما يكون عندك حساس خربان)

والحساسات كثيره ولايكشفها إلا كمبيوتر فحص يعطيك الحساس الخربان وبعده تبدله وتختفي اللمبه

وفيه اشياء كثيره تشتغل منها اللمبه .

امثله :-

1-اذا ركبت فلتر رياضي

2- إذا فصلت عداد السرعه

3- اذا حساس الإنتيك مفصول

4-إذا غسلت السياره بستم وأصاب أحد الحساسات ماء

لاتروح لفلان ولا لعلان ((اي ورشه تفحص بالكمبيوتر توكل على الله ورح لها))

وبالتوفيق تحيتي لك

[ابو متعب؟]

تعليق الزر ماعرف وش تقصد به بالضبط

ولكن انا عندي فتك (2006)

وإذا ضغطت على زر الخزان الإظافي يجلس شغال لين ينزل حمولته كامله في الخزان الأساسي

وبعدين يفصل من نفسه <<هذا بعد فتره(وهذاالفرق بينه وبين اللاندكروزر -الللاندكروزر تحول على الإحتياطي وترجع على الأساسي على كيفك بضغطة زر)

اما السفاري الجديد (نظامه تضغط على زر الإحتياطي وينزل الوقود كامل في الخزان الأساسي وبعدين يفصل)
وبذالك يكون الموضوع كامل على الخزان الأساسي اذا كانت مشكلتك نفس اللي ذكرت لك

فـ هذا هو نظام عمل خزان الفتك من طويله.


اما المبه اللي طالعه فهي تشتغل ((لما يكون عندك حساس خربان)

والحساسات كثيره ولايكشفها إلا كمبيوتر فحص يعطيك الحساس الخربان وبعده تبدله وتختفي اللمبه

وفيه اشياء كثيره تشتغل منها اللمبه .

امثله :-

1-اذا ركبت فلتر رياضي

2- إذا فصلت عداد السرعه

3- اذا حساس الإنتيك مفصول

4-إذا غسلت السياره بستم وأصاب أحد الحساسات ماء

لاتروح لفلان ولا لعلان ((اي ورشه تفحص بالكمبيوتر توكل على الله ورح لها))

وبالتوفيق تحيتي لك


الله يعطيك العافية الغالي

بس هنا المشكلة في الفتك انه تعلق اللمبة ويصير ما يفضي الصغير بالكبير وتلعب امبيرات البنزين يعني ما تدري كم فيها السيارة بنزين

[ابو عطفه]

لابد التأكد من ان اللمبه تشتغل عند تشغيل السيارة ثم تطفى من حالها

بعض الورش يلغي اللمبه وتفكر انه حل المشكله وهو افطاء اللمبه فقط