لاهل الخبرة في الصقور لا تبخلون علينا

[غامد الهيلا]

السلام عليكم ورحمة الله وبركاته
انا يا طويلين العمر جربت جميع انواع الصيد ما عدا الصيد البحري وجعلني ما اجربه
والقنص بالطيور وانا عندي هوا وعشق للطيور قلت يا ولد اشتر طير وجرب
شريت طير وكري جبلي مطروح في ابها وراعيه قال لي الطير مدرب ولا هو وحش
ويهد على قماري كراوين حباري << مع اني ما خبرت وكري يهد على حباري
ويقول يهد على اي شي فيه ريش حجل حمام
وقال لي عالشرط اهده ويرجع
الرجال عاد الله يسامحه كذب علي
الطير وحش وانا حايس فيه اصومه واجيب له حمامه على يدي ولا يجيني
احطه على يدي وافك البرقع وانا ماسك الحمامه ياكلها وينزل وارجع اصومه ولا حياة لمن تنادي
لا نفع فيه تهديل ولا اني اصومه
عطونا رايكم وش اسوي فيه
وترى الطير باقي ما قرنس

افيدوني تكفون
وتحياتي لكم

[ربع خالي]

وعليك السلام والرحمه ,,,

المفروض ياخوي ترجع الطير مادام بينكم الشرط ,,,
تقبل مروري
تحياتي

[مقناص_111]

وعليك السلام والرحمه ,,,

المفروض ياخوي ترجع الطير مادام بينكم الشرط ,,,
تقبل مروري
تحياتي


كلام سلييم

والمفروض انك ترجعه .

[@قرناص@]

وعليكم السلام ورحمة الله وبركاته ,,

دام بينكم شرط رجع الطير لرآعيه ,,

واذا الرجال ماهو حولك وناوي تدرب الطير ابشر بسعدك ارسلي على الخاص ومايكون خاطرك الا طيب

والسلام

[فهد الدقباسي]

خوي داام بينكم شرط رجع الطير الراااعيه

[7or 100]

وعليكم السلام ورحمة الله وبركاته.
انا رايي من راي الاخوه ما دام في بيناتكم شرط فانا بنصحك بانو ترجع الطير لراعيه.

[راعي شوق]

الله يعوضك بخير وعسى الله يطرح في الطير البركة ويونسك واذا كان الرجال حولك رجع الطير عليه وخذ دراهمك

[مالك المصرى]

أخى الكريم طالما الشرط موجود ممكن ترجع الطير لو تحب
وبعدين ممكن تقولى مقاسات الطيروعمره وان أمكن السعر
ولو حبيت تدربه ابدأ معاه من دلوقتى وابدأ أكله بالبرقع وقلل العلف شوية فى اول اسبوع
ولازم تنقل الطير وهو مبرقع على يدك وتختار له اسم حتى يعتادك

[طيار قطر]

شنذر الطير وعشه وهو مبرقع واذا بدا ينسر خذ عنه البرقع وانشالله بيرب

[راعى شاهين]

اكيد انحاش الرجال مدام وحش وكذب عليك حسبى الله عليه وان شاء الله يلقها بعياله او به ياكريم لهدرجه الكذب وحش ويبيعه صايد اللهم ادر عيليه دائرت السوء اللهم اشغله فى نفسه وجعلهوا من المجانين يارب ياخذ حلال هالمسلم بالحيله وبنصب الله حسيبه

[هواي داورد]

لاحول ولاقوة إلى بالله

ناس ماتناظر إلى بمخباك ... الله يعافيهم ولايبلانا

[عاشق التوام]

اللي أوله شرط آخره نور رجع الطير أزين لك وإن مارجعته علمني وين موقعك يالغالي

[الرجل الطموح]

اذا فيه شرط يرجع الطير

[صقار مبتدئ]

لك رساله على الخاص

[داااحم]

الله لايوفقه وانشاء الله وانا عندي احساس قوي ان الله بيحطلك فيه البركه وابدء دربه ولابغيت شي انا تحت امرك