صيد قطا (تكفون ابي فزعتكم)؟؟

[شاص 3ashq]

بسم الله الرحمن الرحيم
السلام عليكم ورحمة الله وبركاته

كيفكم ان شالله كلكم بااااحسن حال
انا عضو جديد معكم وهذي اول مشاركة لي و ياليت تفيدوني يااخوان
انا ياطويلين العمر:D
اشتريت لي بارود الا وهي بلجيك ام خمس وطلعت اليوم يم مكان قطا قلت بجربه والحمدلله رزقن الله ب 8
عاد ابي فزعتكم ياشباب البارود اذا حطيت به خمس طلقات تلك(ماتلقم الطلقه اللي بعده )=(تعلق) مع العلم اني غيرت السبرنق (الضاغط ) حق الطلقات قبل لا اروح ركبت واحد جديد. ولكل من جرب البلجيك وشلونه زينه للصيد وتصبر ولا ماتنصحوني به وصورته لكم هي والقطا اللي صادته


هذا الصيد

http://www.mekshat.com/pix/upload03/images141/mk1258_bel1.jpg


وهذي المزيونه


http://www.mekshat.com/pix/upload03/images141/mk1258_bel2.jpg




اخوكم
عاشق شاص

[عابر القارات 2000]

ماشاء الله صايد وفايد

والبندق ياطويل العمر نظفها

فك الخشاب وحط الحديد في سطل قاز
وخلها اقل شي 3 ساعات
ثم نشفها وخلها الين تنشف ثم حط عليها زيت مكينة خياطه بس لاتكثره
ثم سلك حديدها وان شاء الله تطيب وفالك القطا بس لاتنسانا من الصيد

[شاص 3ashq]

يعطيك العافيه اخوي
عابر القارات
ومشكور والله على النصيحة وترى حقك محفوظ


عاد نبي اللي استخدم البلجيك وش ينصح به؟

[عابر القارات 2000]

لاهنت يابعدي
اخت بندقك عندي ولازلت محتفظ بها مع ان عندي ايطاليه جديده
هي صح حقت مكده وماتبي الا تنظيف كل سنه وتزييت
وماترمي فشق ضغط يعني لاترمي اكثر من ضغط 36g
هذا بخصوص بندق
واذا القروووش واجد عندك اشتر اكستريما 2
اي سؤال حنا حاضرين

[شاص 3ashq]

يا ملا والله العافيه
يااااعابر
ادري والله غثيتك بس سؤال اخير الله لايهينك
وشلون رميه تسوق ؟؟
وبخصوص الاكستريما غااليه ولا بحدود كم؟
الله لايهينك

[عابر القارات 2000]

لاولله يابعدي لاغثتيني ولا شي
ماصورة سلاحك 32
وعليها سوووق خيالي
الاكستريما والله اذكر قيمتها ان ماطيروها 10 الاف جديده
وزين اذا لقيتها بالسعر ذا التجار مطيرينها وعسى الله يعين

[شاص 3ashq]

يابعد روحي والله
ياعابر
اشهد بالله انك ذيب
تسلم يالغالي والله لايهينك
وجعل ربي يسعد ايامك

[راعي البيكال]

السلام عليكم
كيف حالك
انصحك انك تبيع المسوره و شتري لك جديده ترى السلاح خطير قديمه شف كم تجيبلك المسوره وزود على قيمتها نصيحه اخو اشتر جديد او اخت الجديد

[شاص 3ashq]

يعطيك العافيه
اخوي
راعي البيكال
على النصيحه
وبشوف راي بقيت الاعضاء

[غربي هواوي]

صايد وفايد

[عقيد حرب]

اخوي رح لحد يعرف يفكهاا ونظفهاا واذا ماتعرف ترى حقين صيانة الاسلحة ينظفونها ب100 ترى دايم تصير هالمشكلة اذا نشف الزيت الي بالمكينة



عقيد حرب00000000000000

[sahhr]

أقول وأنا أخوك أحفض بارودك تراها نادره وماصورتها بعد طيبه ونضفها وفالك الكرك ,,,,,,,,,,

[فكوك]

السلام عليكم اخوي شاص
البلجيك هاذي عندي اختها ولها عيوب ولها مميزات
عيوبها ياطويل العمر ماترمي ضغوط من 36 وتحت والشي الثاني ان فكها وتركيبها شوي معقد يعني يبغى لها واحد يعرف لها
مميزاتها انها بندق تطرب راعيها في الرمي والسوق فيها مايحتاج على الكيف وتقدر ترمي القريب والبعيد وانا الحين استخدمها ولا افكر اغيرها خاصة ان البنادق التاليه اكثرها شكات وحالتها حاله

وزي ما قالو الشباب عليك بالتنظيف السنوي لانها حساسه والله يعطيك من خيرها ويكفيك شرها

وكل واحد وله رأيه ترى انا اجي اتفرج على المنتدى واطلع وسجلت بالمنتدى يوم شفتك تسال كني تهيضت يوم شفت البندق :)

[نديم الخيال]

ماشاءالله صايد وفايد وعليك بالعافيه
بالنسبه لسلاحك الحل هو التنظيف
وياليت تدلنا على مكان القطا اذا مافيه احراج لك

[القطاوي 2008]

ما شاء الله

صيد طيب يالغالي

[عاشق الفتك 20]

ماااقصرو الاخواان
سبقونا

[حاتم البدراني]

صايد وفايد

وبالنسبه للبندق مازيد على كلام الربع...

لها مميزات:
1\بندق تكد يعني مايهمهى كثر الطيحات والتشويت خشب اصلي
2\بنتق تسوق ورميهى حلو
3\بندق نادره وقليله النضيف منها

وشينتهى انها دايم تلك

وماترمي فوق36 مع اني اشوف انها ميزه

لان مايعدم البنادق الا الضغوط يفكك البندق وينفضهى نفض

[الفياض***]

السلام عليكم
صايد وفايد وبالعافيه

[العود&& الازرق]

اخوي شاص هذا البلجيك الى معاك حلوه وممتازه بس دايم التعليق فيها انا عندي وحده مثلها وتعلق بستمرااار بس اخوي شف المنظم حق الطلق عندك منظمين واحد على جنب في نفس الجهاز لا يكون خربان وتحتاج تنظيف ***** وماشاء الله على الصيد صايد وفايد

[Iجبرني_الوقتI]

السلام عليكم ورحمة الله وبركاته
تحيه طيبه وبعد

بالنسبه للشوزن البلجيك بندق مصنوعه قبل 100 سنه يعني نظام قديم

تتكون من 36 قطعه ولها براغي كثيره يعني مع الاستعمال لازم يكون عندك مفك للبراغي
على شان تشد عليهم بين فتره وفتره بالنسبه للرمي بندق نوزها طيب ومرماها ممتاز لنثر الرصاص
والمسافات البعيده لانها تبتدي من النيشان للاعلى عكس البنادق الجديده
لكن رميها غثيث بالنسبه للي استعمل الشوازن الحديثه وتعور الراس
وخراب شوزنك من منظم الطلقات تلقاه تحت المخزن قطعه في هيكل البندق او الشاصي
ولاتستحمل عيارات فوق 36 غرام
واذا تبي نصيحتي اذا تقدر تاخذ من السلاح الجديد مثل برتا او بنلي افضل من البلجيك
بالاستعمال والتحمل وعليك في سبطانه طولها 30 انش ولاتاخذ القصيره اللي اهي 28 انش
واذا ماتقدر على الشوازن الجديده امسك اللي بيدك لين ربك يفرجها
ومثل ماقلتلك خراب شوزنك منظم الطلقات واذا تبي تعرف مكانه
شوف وين تدخل الفشق راح يكون على الجنب اليمين بوضعيه اطلاق النارواذا كنت قالبها وتشوف من اللسان تكون على اليسار تلقاها قطعه لونها فضي
وانشاء الله تكون وصلت المعلومه
انا استعملت البلجيك من قبل 33 سنه لغايه 1999 ميلادي وبعدين استعملت برتا والحين بنلي
وراح اشتري اكستريما 2

وسلامتكم

[الغزال الشارد]

الله يعطيك العافية يالغالي على الصيد الطيب

[قناص سوريا]

اهلا فيك اخي شاص وبالبداية اهلا ومرحبا فيك معانا ...
ومشان موضوع سلاحك: انا عن نفسي افضل السلاح القديم "مع انه سلاحي جديد" بس والله القديم اله كهة خاصة جدا ..
والبلجيكي ما عليه عيب منوب منوب , بس يلزمه مداراة "رعاية " واذا صارت معك المشكلة مرة ثانية وما نفع معك اي محاولة ,انصحك بفك الراصور"النابض" الموجود داخل المخزن ممكن يكون "بسبب القِدم" انه ملتوي او حتى مصدي اذا صايبو مي ...
وان شاء الله ما يصير معاك شي بس نصيحة :اذا مانك واثق من سلاحك تراه خطير لانو شكله قديم زيادة عن اللزوم ويفضل انك تعرضه على الخبيرين يلقولك نظرة عليه وصيانة شاملة ...
وعلى قولة الاخ في احد الردود السابقة اذا قروشك كثار اشتري اكستريما ...
بس انا بقللك اشتري بايكل ام بي 135 وما رح تندم ورح تدعيلي ...

واسف , طولت عليك وعالشباب


تحياتي

[هوايتي مكشات]

صايد وفايد ياخوي