مجبوس الهامور من أخت مبارك

[أخت مبارك]

السلام عليكم

مجبوس الهامور على الطريقة البحرينية

من يد الوالدة هي اللي طابختها ومالحقت الا على اخر شي بعد ما جهزوا السفرة
والتقطت لكم هذه الصورة فقط

http://www.mekshat.com/pix/upload03/images141/mk106353_hamor.jpg



المقادير :

سمك هامور كيلو ونص مقطع احجام كبيره
والرز اي كميه على حسب الاشخاص
بصلة كبيره مفرومه
بهارات مشكله حسب الرغبه
بزار بحريني
ليمون اسود ثلاث حبات
بهارات حب ( قرفه هيل فلفل اسود قرنفل )
فلفل اخضر كزبره خضرا
كركم عشان يعطيكم اللون اللي تشوفونه بالصورة
ثوم مطحون
ملح

الطريقة :
نحمس البصل في الزيت ونضيف الثوم البهارات والبهارات الحب ونحمس
ممكن اضافه طماطم كبيره واحد مقطعه نصفين في المرق حسب الرغبه
ونضيف بقية المقادير ونضيف السمك والماء
وبعد مايستوي السمك نرفعه ونضيف الرز وبعد ماينشف المرق من الرز نحط فنيال ماء ورد منقوع به زعفران
ونسكر الجدر ونخليه على نار هاديه لين يستوي الرز تماما


مقادير حشوة البصل والحمص:

ليمون اسود مكسر قطع صغيره
وبصلة كبيره مفرومه
مكسرات مسلوقه لوز وكاجو
نص كوب حمص منقوع ومسلوق ( الحمص اللي يجي خاص للكبسات يكون مقسوم نصين كما هو موضح في الصورة )
وبزار بحريني فلفل اسود هيل مطحون ملح نص فنيال ماء ورد به زعفران
زبيب منقوع تقريبا فنيال

نحط البصل مع الليمون الاسود المكسر
في مقلاه ونضيف عليهم ثلاث ملاعق ماء
ونخليهم على نار وسط لين يذبلون شوي
بعد ماينشف الماء نضيف الزيت ونحمس
لين يتغير لون البصل شوي ونحط البهارات
المذكورة
والحمص وبقية المقادير مع المكسرات واخر شي
نحط الماء ورد مع الزعفران ونغطي عليهم ونخليه
على نار هاديه يستوون مدة عشر دقايق ففقط


وعند التقديم نحط الرز فوقه السمك ونوزع عليه شوي من الحشوة
وبالهناء ان شاء الله المره الجايه نحط صور اكثر

ولاتنسونا بدعائكم لي وللوالدة وسلامتكم

[Nawaf alrawaily]

بسم الله ما شاء الله يا اخت مبارك والله يحفظ لك الوالدة
فعلاً طبخ رهيب ما شاء الله وتسلمين يا اخت مبارك على الطبق الشهي .
وبيض الله وجهك ووجه الوالدة والله يخليها لكم
تحياتي
عشق وجنون

[ياعين ابوي]

وعليكم السلآم ,,
هلآ وغلآ فيك أخت مبارك ..
ماشاء الله تسلم الأيادي يارب << حق أمج مو حقك :D

شكل الهامور يهبل بسألك الوالده محمرته ؟ شكله محمر ..

والله يخليها لكم ويطول بعمرها ,,

وماقصرتي على تصوير هالمجبوس لنا ,,تسلمين يالغاليه ,,

اي والله أنا أحب الرد الأول بس رااااح رغم اني أول من عرف بموضوعج بس النت عندي زعل شويه وراااح أول رد علي:(

ماعليه ان شاء الله المره اليايه أنا أول رد:)

[أخت مبارك]

المره الجايه بسوي الرد الاول بفلوس احسن لي اذا هالكثر تحبونه هههههه
هلافيكم منورين مرحبتين

[Nawaf alrawaily]

خساااااااااره راح اول رد :(

:D

:p

:p

:D

تحياتي
عشق وجنون

[صقر الوشم]

ماشاء الله تبارك الله اختي/اخت مبارك والله يخليلك الوالده طبخه جدا مميزه

[ناصرالفهد]

الله يعطيك العافيه
والحمدالله على السلامه مره ثانيه
تقبلي مروري:D :D

[مقناص 20]

ماشاء الله عليك
مجبوس روعه وشكله جدا شهي ولذيذ
الله يخليلك الوالده ويطول بعمره يارب
تسلم الايادي والله


http://img213.imageshack.us/img213/1758/mk602219.gif


http://img690.imageshack.us/img690/3104/sign3z.jpg

[أخت مبارك]

لالا ياعين ابوي تسلم يدي انا بعد ههههه مو انا يبت لج الصورة مايصير جذي

اممممم على فكره انا بعد مثلج حسبت الهامور محمر ويوم سئلت امي قالت لي لا ماحمرته
واذا انتي بخاطرج تحمرينه لاتخلينه بالمرق يستوي وايد عشان مايذوب عليج في التحمير
وشكرا لج

[ياعين ابوي]

:D


:p


:p


:D



تحياتي
عشق وجنون



:hot:


:alarm:

[ياعين ابوي]

لالا ياعين ابوي تسلم يدي انا بعد ههههه مو انا يبت لج الصورة مايصير جذي

اممممم على فكره انا بعد مثلج حسبت الهامور محمر ويوم سئلت امي قالت لي لا ماحمرته
واذا انتي بخاطرج تحمرينه لاتخلينه بالمرق يستوي وايد عشان مايذوب عليج في التحمير
وشكرا لج


ههههههههه . أنا قلتلك ياقلبي تسلمين على الصوره :good2:

وكل شي الآ زعلك تسلم يمنآك على الصوره عيوني .

وان شاء الله أجرب طريقتج لأنها اعيبتني ,,

وسلمي على الوآلده ,,

[انا مسلمة]

ماشاء الله تبارك الله
ربي يعطيك العافية

[رعد الصحراء]

ماشاء الله ,, ماشاء الله

الله يحفظ الوالده ويخليها

الله يعطيها طول العمر

مجبوس لذيذ وكنت أتمنى إنك صورتي جميع المراحل لكن مره ثانيه

الله يعطيك العافيه على نقل الصوره وطريقة الإعداد لهذه الطبخه

عليكم بالعافيه وبانتظار جديد الوالده مو جديدك :)

تقبلي مروري

[أخت مبارك]

حياج الله اختي مسلمه منوره

نورت اخوي رعد يعطيك العافيه على الرد الطيب

[الغزال الشارد]

ماشاءالله تسلمين اخت مبارك الله يعطيك العافية وبيض الله وجه الوالده وربي يطول عمره ويعطية الصحة والعافية على لمجبوس الطيب ...بنتظار جديدك...تحياتي لكم

[فطوم باك]

ماشاء الله

يعطيك العافية

يسلمووووووووووووو

لاعدمناك

[المبتكر1]

ما شاء الله تبارك الله
شغل 100% ما قصرتي
صحة وعافية يارب
الله يعطيك العافية ويعطي والدتك العافية ويرعاكم
تحياتي

[رحال عمان]

حلاة الهامور يطبخ طازج وما يحتاج لتحمير كثير حتى لا ينشف بالمناسبة الصورة مغرية جدا ويعطيك العافية

[مدمن مرقوق]

ماشاءالله تسلمين اخت مبارك الله يعطيك العافية وبيض الله وجه الوالده وربي يطول عمره ويعطية الصحة والعافية على لمجبوس الطيب ...بنتظار جديدك...تحياتي لكم

[دهران]

http://www.mekshat.com/pix/upload03/images141/mk17809_a03tmj8nf0vcvieapwnl.gif
http://www.mekshat.com/pix/upload03/images141/mk17809_qataryaa1.gif

[riyadco]

مشاء الله تسلم ايادي الوالد (خوش مجبوس):good2:

[Q-قطر-Q]

مشاء الله عليج اختي ويعطيج العافيه

بصراحه طحتي على العوق

[هوايتي مكشات]

عليكم بالعافيه