يا اهل الجموس عندي مشكله ابي فزعتكم بسرعه.... يامن شراله ...

[sa434lm]

السلام عليكم
يا اخوان عندي جمس حوض شاص طويل موديل 97 كل ثلاث شهور تفظا البطاريه واركب جديده مافيه كهربائي عندنا بالديره الا شافه وعجز يعرفله وكلن يتخبط وبالنهاية انا الخسران
آخر ما غيرت الكتاوت مع المنظم حقت الدينمو وما نفع
بالماريه إذا وقفته اكثر من يوم ما يشتغل وإذا كان كل يوم يستخدم ما يصير فيه شئ
آخر كهربائي عرضته عليه فحص كل الأسلاك يقول عجزت القى تهريب او سلك مقطوع
آآآآآآآآآآآآآه يا صبر ايوب على هالموتر الغثيث
ممكن اللاقي حل عندكم ؟
وشكرا لتعاونكم مقدما

[sa434lm]

انظر ردكم على احر من الجمر
آآآآآآآآآآآآآآآآآآآه بس

[binamerah]

وعليكم السلام
ياخوي هذا طول الله عمرك تهريب بالكهربه واحتمال ان فيه شي موصل على البطارية مباشرة ويسحب البطارية مع الوقفة الطويلة
او اذا مافيه توصيلات مباشرة للبطارية تروح لعلبة الفيوزات وتنزل الفيوزات وتتركه لمدة3ايام وبعدين تشيك على البطارية اذا ما فضيت البطارية الله اعلم هذا معناه ان التهريب بعد الفيوزات شيك عليهن واحد واحد لين تلاقي من اي فيوز يهرب واتبع اسلاكه وين رايحة .....والله يوفقك

[sa434lm]

مشكوووووور على ردك وإنشاء الله ابجرب اليوم ولعل الله يوفقنا

[لن أمل من العطاء]

تاكد من الشماسيات
فيها لمبات
الظاهر بقى شغاله

صارت معاي

[escape_man]

الله اعلم ان علتك باسلاك الدينمو .. يبي لك فني يقص الاسلاك من الدينمو الى الظفيرة

على العموم كانك بالرياض ففيه فني يماني جيد نشتغل عنده بالجموس حقتنا وحقت الربع

اذا تعديت اشارة الصناعية ( السالم للزجاج) بيجيك بنك الراجحي .. لف مع الشارع الي هو عليه

بعد التقاطع في ورشة بالزاوية مقابلتك على يمناك ..

يقاله ابوسالم

بالتوفيق ان شاء الله

[هواوي تعديل]

السلام عليكم
شيك على الدينمو يمكن فيه التماس صارت لواحد من ربعي
أفصل الدينمو وخل الموتر واقف ثلاث أيام أض ما فضى فعلتك من الدينمو
* ويمكن فيه جهد عالي على البطاريه مثل مراوح الكهرب فتنقص مويه البطاريه وتخرب
انصحك بالبطاريه الأكترونيه اللي تقدر تزيد مويتها لانها أطول عمر من (اسي ديلكو) الي ماتعبا
انا مجرب الي تعبا يمكن تعطيك ضعف مدة الأستهلاك أوأكثر

[sa434lm]

اشكر جميع من شارك والله لا يحرمكم الأجر

[أبو مشعل]

السلام عليكم

اخي صارلي مثلك وجلست شهرين وغيرت كل شي بسياره يخص الكهربا ولكن بدون فايده


وفبل سبوعين قريت بلمنتدي موضوع عن كهربا السياره وكيفيت البحث عنها

ومن الموضوع تشيك اسلاك الكهربا....و وجت بسياره اسلاك منجرحه و تلمس البدي حق السياره

وهذا الي يخلي البطريه تخلص ( اخي ما يحك جلدك الي ظفرك) يعني روق وفحص بنفسك و ان شاء الله

تجد العله

طولت عليكم .....شكرا

[sa434lm]

مشكوووووووووور ابو مشعل والله يجزاك خير يا طيب

[سوبر VTC]

عليكم السلام
عندك الكهربائي سليمان الخطيب بالصناعية القديمه
ان بغيت رقمه علمن
موفق

[ابوعقل]

الله يعينك ان شاء الله

بس كم حجم البطاريه عندك؟؟

واذا سويت اللي قالوه الشباب ولا نفع ركب فصال داخل السياره اذا طفيت السياره افصله

واذا ركبت اشبك الفصال وشغل

[دنياي اتعبتني]

اخوي انا صادتني نفس العله وعرفت ان المشكله صاحب السياره الي قبلي شابك التلفزيون والولاعه مباشره فعجزو الكهربائيين فمالك الا مثلي ومثل ماذكرو الاخوان يبغى لك يوم كذا تمخمخ على السياره من الالف الى الياء وبأذن الله بتحصله وترى مافي شي صعب اهم شي براد الشاي جنبك وتدهر

لك مني اطيب تحيه

[sa434lm]

مشكور اخوي دنياي وشاكرا مشاركتك

[محتار نجد]

نفس المشكله عندي سوبرمان امريكي فيه تهريب كهرب لازم يشتغل
يومي والا بالاشتراك رحت كم كهربائي عجزوا عن الحل
واحد قال يمكن الدينمو يهرب كهرباء وفحصه بجهاز خاص
والى الان صابرين والشكوى على الله

[alqadi2002]

الله يكون في العون ...
:(
بس ودي أنك توضحون الحل
للي عرف وعالج مثل هالمشكلة ...