سخان مكينة الديزل

[mr.bingo]

السلام عليكم عندي فان ديزل مايشتغل يقول الكهربائي تماتيك سخان المكينه خربان وجاب سلك وشبكه من اصبع البطاريه الموجب والطرف الثاني براس المكينه واشتغل الموتر

يقول ممكن ارهملك زرار يشغل السخان والا تجيب تماتيك السخان من الوكاله علما ان الترهيم مع القطع يكلف 140 ريال
وش رايكم يا جماعة الخير ............لاعدمناكم

[ولد وايل]

الاصلي افضل لك بكثير وريح نفسك

او شوف قطعه مشابهه وارخص

كم سعرها بالوكاله

[قناص خلاوي]

وعليكم السلام
اخوي ترهيم السخان مايبي له دكتور
تحتاج فيش ( ضغاط) زي فيش الجرس حق البيت
وتمد السلك من دقمة السخان للفيش واذا احتجت تسخن تضغط الزر
موتري ديزل وكان السخان على السلف ولا جاز لي وحطيت فيش
المهم إن الفيش يكون قوي وسعره من 10 إلى 15 ريال
بالتوفيق

[nayf01]

رهم او رح للوكاله

اهم شي تعلمنا بالنتيجة

وانتبه الترهيم لازم يكون مضمون

[mr.bingo]

مشكورين على الردود عوايدكم ابسأل الوكاله اليوم عن الجديد واعلمكم بالنتيجه

[mr.bingo]

وعليكم السلام
اخوي ترهيم السخان مايبي له دكتور
تحتاج فيش ( ضغاط) زي فيش الجرس حق البيت
وتمد السلك من دقمة السخان للفيش واذا احتجت تسخن تضغط الزر
موتري ديزل وكان السخان على السلف ولا جاز لي وحطيت فيش
المهم إن الفيش يكون قوي وسعره من 10 إلى 15 ريال
بالتوفيق

مشكور على الشرح بس بهالطريقه تهقى مايحتاج كتاوت وزر الجرس اخاف يعلق له مره ولو علق هل فيه اضرار

[قناص خلاوي]

مشكور على الشرح بس بهالطريقه تهقى مايحتاج كتاوت وزر الجرس اخاف يعلق له مره ولو علق هل فيه اضرار

الا تحتاج دقمة جمس وفيش جرس اخوي
اهم شي الفيش من النوع الزين ولا يعلق
واستعمال السخان ما يعلق عليه
10 ثوان ربع دقيقة بالكثير ثم تفك الزر
وتكرر مرتين ثلاث حسب قوة البرد

[سوبر VTC]

عليكم السلام

الاخوان ماقصروا عطوك الحل
عندنا ددسن بالمزرعه ديزل
حاطين له ضغاط + دقمة
و هي تحط للجيب الحوض الديزل
و الامور تمام :good2:
و هي افضل لك و اقل خساير :good:
تضغط لمده 10ثواني مرتين او ثلاث
على حسب شدة البرد
موفق

[الفياض***]

نصيحة ركب حق الوكالة لو يكلفك اضعاف الترهيم

اسئل مجرب تراي عفت الموتر والسبه التسخين