لكل من يعرف الجواب ودي انه يدخل

[سعودي و افتخر]

السلام علييكم ..
كيف حالكم يارجال ؟؟
يا اخوان انا توني جديد في هواية الطيور وعندي سوال الله لا يهينك!

انا عندي وكري لكنه مشكلته لما تقط له حمامه هدد مايصمل عليها !!
وش الحل ؟؟ يارجال

[شايش الراس]

هذا عيب الوكرى قليل راعي الصمله بعه وخذلك شيهانه

[مشبر البران]

يفيدونك أهل الوكارى

[صقار مبتدئ]

اقصر عليه لين يمرش هوا و الله لا تشوف شي عجب

[راعي شوق]

طيرك وانا اخوك صنيع اقصر علية شوي وشوف

[الرجل الطموح]

اليوم الاول نص الثندوه
اليوم الثاني كمان نص النثدوه
واليوم الثالث هد له حمامه وشف الفرق ...

[حر سدير]

افادوك الاخوان

[شقرددي]

طير صنيع يكحيلان وسوالك مهب واضح هل هو يطرد مسافه بعدين يطرح يانه صنيع والا ضعيف بالحيل

[بعيد الهقاوي1]

يامرحبا والله بأخوي سعودي وافتخر

فيه اسباب ان الطير مايهد على الحمامه السلم <-- يعني اللي ماهي منتوف منها ريش وحالتها جيّده

السبب الاول / هو ان الطير صنيع يعني ان طيرك سمين اذا ماتعرف معنى صنيع ومايرغب الحمامه لما تكون سليمه

السبب الثاني / هو ان طيرك ضعيف مايقدر يصمل لان ماعنده طاقه

السبب الثالث / يمكن الوكري اللي عندك تهد له حمام زاجل والا حمام صواريخ والطير الوكري اغلب الحمام او الصيد السبوق مايهد عليه لانه يدري انه ماراح يصيده وهذا عيب بالوكري

الحل : اذا السبب ان الطير صنيع والا هزيل هذي مقدور عليها اوزن علف الطير مع هدد يومي وخلال اسبوعين ان شاء الله يهد على الحمام السليم واذا ماشفت ان الحل هذا نفع دوّر لك شيهانه جبليه مقاربه لسعر الوكري وشوف الهدد اللي يحبه قلبك لو تهد لها اسرع الحمام اتوقع نآدر ماتروح عليها

اتمنى اني افدتك .. وأي شي تبغا تستفسر عنه انا حاآضر تحت امرك

[قرناس مصر]

هذا عيب الوكرى قليل راعي الصمله بعه وخذلك شيهانه


لا يا اخى من ميزات الوكرى انه صاااااامل
لكن الشيهانه اسبق

[سعودي و افتخر]

الله يزاكم خيير كلكم من اصغركم لين اكبركم ماقصرتوا يارجال
انا ان شاءالله بقصر علييه وان شاءالله نشوف ونرجع لكم بالعلوم
الله لا يهينكم يارجال

[داااحم]

افادك اخوي بعيد الهقاوي واقولك خذلك بحريه بتعجبك