ـ*ـ*ـ*ـ( يا أهل الجــنـــوط .. عندي مشكلة )ـ*ـ*ــ*ـ صورة بالداخل ..

[aba06]

سلام عليكم ..

شباب أنا شريت جنوط باترول صينيات وتم تركيبهن على موتري ..

لكن قالي أبو يمن قبل مايركبهن : لازم توديهن للعضيب يرصصهن ترصيص كمبيوتر ..

قلت ميخالف ركبهن ..

http://www.buraydahcity.org/aba06/20100105281.jpg

ركبهن وكان فيه رجة لامشيت 100 وفوق ..

رحت رصصتهن ترصيص كمبيوتر وركبوهن لي .. وأنكسر واحد من المسامير حقات حدا الكفرات ..


:i121

المهم

اليوم مشيت وكان فيه رجة لامشيت 120 وأحياناً 100 ..:(

فوش السالفة ؟

قال لي واحد أنه لازم تركب حلقات بين الجنط وبين مدري وشو ..

شوفوا الصورة لونت لكم المساحة الفاضية اللي بين الجنط وبين اللي بنص الهوب :

http://www.buraydahcity.org/aba06//20100105283.jpg

فهل لازم أركب حلقات ؟؟ ولا وش سبب رجوع الرجة ؟؟

[شامخ ألهيلا]

السلام عليكم
اخوي الصواميل ( البراغي )
مو حقت نفس الجنط لان يجي للجنوط هذي صواميل مكبوس فيها وردة
مر على قطع نيسان وخذ لك صواميل اصليه

واذا فيه ميول

مر على حقين اصلاح الجنوط يسوي وزن الجنوط لك عن طريق الخرط بدون كفر على مكينه الترصيص
لتتاكد من سلامته من الالتواء والميول

[yukon 2000]

السلام عليكم
شف يالغالي اول شي اتاكد من وضع الصواميل انها تخص نفس الجنط يعني المسمار طويل او قصير الصامولة بوردة او بدون وجرب ترصيص ارضي لو مانفع معاك على اقرب مخرطة يركبون جلبة لنفس الجنط ولاتخاف ماعليها ضرر انشا الله / انشالله تنحل مشكلتك
اخوك الجحـــــدلي

[.. Anas ..]

هلا بك والله
يا غالي

الموضوع له أكثر من سبب
مثل ما قالوا الأخوان فوق إنه ممكن المسامير مهيب نفسه حقات الجنط

أما بالنسبة لي فيغلب علي الظن أنه نفس المشكلة اللي صارت معي
شريت جنوط صينية ورصصت كمبيوتر وأرضي وكل أنواع الترصيص بس يبقى فيه رجه خفيفة

بعدين رحت لمخرطة وفاء بالصانعية القديمة بالرياض
وقلت له الجنوط على جيب شاصر أبيك تخرط الفتحة من جديد
خرط الفتحة لأنه أحياننا تكون الدائرة مهيب مضبوطة

وبعده ولله الحمد إذا رصصت الجونط ما به رجه ولا شيء


وجهة نظري مع كامل حبي وتقديري

[aba06]

الله يعطيكم العافية ..

لصواميل بوردة وأخذتهن بمئة وخمسين ريال حقات نيسان ..

لكن أنا أخطيت ورصصت كمبيوتر لوي مرصص أرضي كان أحسن .. لكن لعله خيرهـ ..

أبرصص أرضي وبإذن الله ما أحتاج للخرط لأنهن نظيفات ولابهن عفط ولاشي .

جزيل الشكر لكم ماقصرتوا والله اسأل الله أن يسعدكم في الدارين .

[aba06]

هلا بالنشاما ..

تو رحت للعضيب وقال لي احتمال ان الترصيص ماكان مزبوط .. ورصصهن لي مرة ثانية تحت الضمان والحمدلله تو جربتهن من أحسن مايكون .. ماقصرتوا بالنشاما .. ومن قال كشتة :d

[.. Anas ..]

زين الحمد لله
الله يسهل عليك
ويريح بالك