استفسااااااار فهل من مجييييييييب؟؟؟

[.......]

السلام عليكم ورحمة الله وبركاته

أسعد الله أوقاتكم

والله إني أدري أن الشغلة ما تحتاج موضوع مستقل و قروشه ووو.>> لكن ما لقيت الا اني أحط موضوع مستقل علشان يجي واحد ويعطينا العلم الزين.;)

السؤال >>> عليه 10 درجات :D <<متأثر بجو المدرسة :D
أنا أبغى أصيد سمك حي للجلب (سردين ) أوما شابهه طبعا بالمخدجة >>>

كم يجلس السمك (اللعف ) حي في صندوق مغلق (فلين) حجمه مثل شاشة كمبيوتر مقاس 15 مستطيل<<<يازين التشبية :D
هل ممكن يجلس 5 ساعات حي؟؟ ولا يموت ؟
نبغى العلم ممن جرب صيد اللعف الحي ..

أبو فيء>>جزااااك الله خيير على الفلين الي عطيتني اياه والله اني استفدت منه فااايده كبييييره الله يجزااك خير..

الله يوفقكم..

[عمدة البحار]

ممكن يجلس حي اذا اشتريت جهااز يسموه المحيا من البنقله جهاز يطلع زي الاوكسجين رووح اسال عليه وانشاء الله ينفعك

[.......]

جزاك الله خير يا عمده على الرد السريع >> طيب لو بدون هذا الجهاز >>هل أحد جرب كم يجلس حي؟

[عمدة البحار]

والله ماافتيلك بس مايطول اكثر من نص ساعه تقريبا

[عمدة البحار]

على مااعتقد مايطول اكثر من 15 -30 ساعه

[.......]

الله يعطيك العافيه وبيض الله وجهك

[.......]

يا عمده >>> دوختني:looney: :looney: الله يجزاك خير.. نص ساعة أو 15-30 ساعة >>ما فيه مقارنه:D

[amam977]

حياك الله يا (....)سؤالك جميل ولكن للأسف ما عندي إجابة محددة..ولكن ترى يختلف السمك في التحمل وفقدان الأكسجين..وليه ما تجرب تحطه في قفص عصافير مثلا:D ..ما أمزح ...قصدي تحطه في قفص او شبك وتغطسه في موية البحر لوقت الحاجة ...أنا إن شاء الله أجربها بعد بكرة وأشوف :good2: ...تحياتي

[.......]

الله يقلع ابليسك>>>> قفص عصافير:D


بس والله فكرتك جدا ممتازه >> شبك دائري وحبل طويل وأنزله في البحر وكل ما بغيت أجلب أطلعه و أشك وأرمي ;) >>> جاري التجربه ...

الله ينور قلبك...


بس نبغى نشوف الي جرب وحطه في صندوق مغلق كم يجلس؟؟

[وارث المراجل]

اخوي تبغاه يعيش اول ماتصيده في شبك ينباع في البنقله اسمه محيا تحط السمك فيه وتربطه بحبل ووقت ماتبغى تصيد تسحب الحبل وتا خذ والله يوفقك المده لوقت مقاومة السردين 5دقايق على ما اضن

[كنعد]

ما راح يطول 5 دقايق وتشوفة ينقلب ويبدا يحتظر

بس فية طريقة هو انك تجيب كاس ماي وكل اشوي تقلب الماء

يعني تغرف بلكاس من السطل الي فية السمك وتصبة على ارتفاع 70 سم بشكل مستمر يعني كل دقيقة تصب 10 صباات تغرف وتكب تغرف وتكب

بهذي الطريقة تدخل الاكسجين في الماء

يعيش السمك فترة اطول


والله يوفقك

[amam977]

يعني انت مصمم تخنق السمك :eek: ... اعجبتني الفكرة..وإن شاء الله أجرب العملية وأشوف النتيجة وأعطيك العلم اللي يجمد على الشارب :good2: ...تحياتي

[كموص]

يوجد في البنقلة زنابيل خصف من سعف النخل وبأحجام حسب طلبك , وتلاقيها في باب شريف(سوق اليمنى)أيضا , تربطه بأحكام بجانب البوت والسرعة تكون معتدله طبعا بعد صيد الساردين أو أي لعف حي . وبتوفيق الله ميسرة .

[كموص]

لقد ذكر لك عمدة البحار جهاز يطلع أكسجين وموجود في البنقلة ,
عندي سئال بسيط : هل يعمل على بطارية البوت ,ما أسم المحل ؟؟؟ وكم سعره ؟؟؟ . مشششششششششششكورررررر .

[.......]

الله يجزاكم خير>>> على هذه الردود الي الواحد يستفيد منها >> والله انكم كفووو

الحمد لله اني مو الوحدي الي طلع يعاني من هذه المشكلة >> أثاري الربع كلهم حايسين في قضية كيف تخلي اللعف يعيش أطول فتره:D

ننتظر الطريقة الحاسمة:hot:

[A B D U L L A H]

إذا ربي آحيانا بكره وطلعت الخليج يا مجهوووول << نسيت آسمك :(

آنشد آبو فئ وقله الجهاز اللي عندك ( مضخه الأوكسجين ) وخله يوريك اياها حلوه والله

آو الحل الآخر المحيآ يجيك زي الشبك مغلق وله فتحه علويه وتنزله البحر بس آنتبه لايروح عليك هههههـ

زي الشباب في آبحر مكان الشوآق اللي طلعت كانوآ ينزلون المحيآ

وفيه سمك حي اللي يصيدونه وتجيك " شوشو " وتقطعه وياخذ السمك ويحط رجله هههههـ

ولنا لقاء اليوم بإذن الله وحاولوآ تجوآ بدري نجلس ونسولف - عاد انتوآ ماشاء الله عليكم ( تحبوآ الشمس )

[يوسف حوته]

شوف يمديك تحط السردين او الشذب في سطل بويه بلاستك مع جهاز اوكسجين تشتريه من السنبوك في شارع حائل لونه ابيض 49 ريال ممتاز افضل من الازرق الي في البنقله من ناحيه ضخ الهواء ويعيش وانا الحمد لله استخدمه احطه في السطل مع السردين والشذب واجلب حي لكن يبغالك تغير المويه اذا شفتها توسخت عشان السمك يقدر يتنفس وهذا الي عندي وان شاء الله اني اكون افدتك وي سؤال انا حاظر

[abo3omar]

السلام عليكم .
انا جربت مرة احط السردين في ثلاجه اكبر من الفلين عبيتها موية و حطيت السردين فيها حي ما استمر اكثر من 10 دقائق و ما نفعت الطريقه مع اني كنت اغير مويه لان السردين حساس جدا و يموت بسرعه .. هذا الكلام عن تجربة ..
اما الطرق اللي قالو عليها الشباب ما شاء الله شكلها ممتازه و ان شاء الله قريب اجربها ..

[amam977]

بعض الأسماك تظل في حركة مستمرة..ليش؟؟ لأن خياشيمها ضيقة وتتحرك باستمرار عشان يدخل خياشيمها كمية مياه أكبر لأستخلاص الأكسجين اللازم...ومن هذه الأنواع (القرش) ..يعني إذا حبسنا هذا النوع في مساحة ضيقة تعيق حركته...راح يموت حتى لو توفر الأكسجين وغيرت المويا باستمرار...تحياتي

[نيزو]

السلام عليكم.
عندي تجربة وهي أننا في مصر نصيد بالربيان الحي نذهب نشتريه من مكان ثم نذهب للبحر في مكان آخر تقريبًا 10 دقائق بين المكانين أو 15 دقيقة نضع الربيان في سطل له غطاء محكم ويكون هذا السطل مخرم خروم كثيرة ونربطه بحبل ونضعه في ماء البحر بجوارك ويعيش معاك طوال اليوم.
لكن المشكلة في خلال10 دقائق أو 15 دقيقة المسافة بين مكان الربيان ومكان الصيد نفقد حوالي 30% من الربيان الحي ولذلك فكرت أجيب محول كهرباء يركب على السيارة ويعطيك 220 أو 110 فولت ونشبك عليه ماتور هواء الخاص بأحواض السمك الزينة ونضعه مؤقتًا لحين الوصول للبحر وبهذه الطريقة تضمن إن الربيان يكون معاك حي حتى تصل إلى البحر. أرجو أن تكون الطريقة واضحة وأي استسفار أنا في الخدمة

[أبو فيء]

حياك الله يا سلطان

عندك طريقتين :

الطريقة الأولى : إذا كنت تطلع اللعف من نفس المكان اللي بتجلب فيه ، فيه محيا ينباع في البنقله ، ويجي نوعين تقريبا حديد أو يجيك مصنوع من الحبال ... وله حبل طويل تنزله في المويه على الكساره ، وتربطه فوق الصخور ، وكل ما تحتاج منه شيء ترفعه ... وهذا عمليا يحتاج فلاتر ...

الطريقة الثانية : إذا بتنقل اللعف من مكان إلى مكان ، مثلاً تطلع شذب من النورس وتبغى توديه خليج سلمان ، تاخذ لك فلين كودو مثل اللي عطيتك ذاك اليوم ، وفيه فلتر لونه أزرق سعره تقريبا 20 ريال مع البطاريات من محل سلطان في البنقله ، تحط الفلتر وتنقله إلى أي مكان ، ولو تزود فلتر ثاني يكون أفضل وأقوى للأكسجين . وممكن يجلس اللعف معك إلى 3 أو 4 ساعات ، أنا جربت وتقريبا بقي حي معي ساعتين ، ويحتاج منك تزود المويه بعد فتره بسيطه ... وأنا اشتريته بنصيحة يوسف حوته ...

أو مثل ما قالك يوسف حوته فلين على شكل سطل ومعاه جهاز فلتر أكسجين أقوى وأفضل من الأول ، صناعته أمريكية ، لكن تقريبا سعره غالي ...

إنت جرب الجهاز الأول وشوف النتيجة أو ، إذا تقابلنا بمشيئة الله ، تجرب الجهاز اللي عندي قبل ما تشتريه ...


دمت بود

[.......]

الله يجزاكم خير على الردود الي تثلج الصدر:)

بنجرب الأكسجين الي أبو 20 نشتري 2 وان شاء الله نشوف النتيجة:good2:

>>>> والله يا عبد الله يااازين الصيد بالنهااار >>> نتشمس مثل الخواجة:D