سرعة السلوقي؟؟؟؟؟؟؟؟؟؟؟؟؟؟؟؟؟

[هاوي موتري96]

ياجماعة الخير انا اسمع ان فيه سلق تتعدى سرعتها ال 100 ك/م في الساعه
هل هذا الكلام صحصيح واذا فيه مقطع فيديو لسياره وسلق حنب بعض لتحديد السرعه لأن الموضوع مهم جدآآآآآآآآآآآآآآآآآآآآآآآآآآآآآآآآآآآآ
لاهنتو يالشقرديه فزعتكم ياهل الخبره

[هلي مايملي]

اتوقع والعلم عند الله ترجع على جرد السلوقي ولياقته والعناية بتركيضه شبه يومي

[بوخليفه77]

هلابك اخوي
والله على حسب علمي وعلاقاتي باصحباب السلقان الن السلق العربي صبور وسرعته اكثر ماشفت 75كيلو الما لقرين سريع ويخلطون بينهم وينتجون سلقان مخلوطه وتاخذ سرعت القرين وصبر العربي بس اذا انت من هوات السلقان العربيه وصاحب مهدات وووووووو ماشابه ذالك ماينفع معك المخلوط لان مايسمحون بها بالمهدات بس هذي السرعات صراحه احس ان الشباب قاعده تبالغ بالسرعات مع احترامي للجميع
تحياتي

[قناص الخبر]

السلام عليكم
بالنسبه لي انا اكثر شي شفته 60 كيلو متر بالساعه
يمكن يكون فيه 100 الله اعلهم

[أبوسعود711]

السرعه تختلف من سلوقي لاخر فيه سلقااان اخر ما توصل الحححين 75 ونادر النادر تلقاء
سلق يتعدن 75 لك لكن الاصيلواللي ما فيه خلط وعلى حسب عرقه يجيب الى 80
وقالي جدي سلقنا قبل 50سنه اللي تنزل سرعته اقل من 80 مهب سلقه فما بالك بوقتنا الحاالي

[ابو تمام]

مافي سلوقي عربي تتعدى سرعته 67 ك بأي حال من الأحوال

القري هاند سرعته توصل 75 ك وفي سلوقي قري هاند حطم الرقم القياسي للسرعه سرعته 77 كيلو

مسألة 100 صدقني مستحيييييييييييييييييييييل

دمت بود

[سوبر فزاع]

100 اخوي صعبه ولا اتوقع ان فيه سلوقي ياصل لها

وجهت نظر

[محمد الشلاحي]

حياك الله اخوي: هاوي موتري96 (http://www.mekshat.com/vb/member.php?u=145947)
انا شفت سلق تمشي 90 وشفت سلق تمشي 100 وهذي تحصلها بسلق نادرة جداً جداً وتحصلها بالسلالات القديمه الي مادخلها خلط ولاكن الي منتشر الحين وفي وقتنا ذا مابين 60 الى 75

[عروق الدهنا]

ياجماعة الخير


اللي يقول انه قد شاف سلوقي او سلقه يمشي 100 او 90 او 80
يعلمني وانا بجيه من اخر الدنيا وبعطيه 1000000 ريال
وعماره على النيل
ومزرعه في بولندا


والبيت الابيض هديه ومعه اوباما


الله يرحم حالكم وحالنا
ماشفنا شي وصل 70


100


:eek: :eek: :eek:



شكلي ابي ابيع موتري واسافر على سلق


:f :f :f :f :f :f :f
يامشرفين


حبال الخيمه مرتخيه
فكوا الاطناب واسحبو العمود



ارجو ان محد يزعل من كلامي



:f :f :f :f :f :f

[العسكري]

أخوي عروق الدهنا ... كلامك صحيح.

[ناصر96]

حياك الله اخوي هاوي موتري96
انا قد شفت سلقه جابت 80
و(اتوقع) ان فيه سلق تجيب 100
والـلـه اعـلـم

[صيادالجبيل]

هاوي موتري96 انا شفت سلق تمشي 80 واتوقع انة اخر سرعة لها اما100 اللة واعلم واتوقع واللة واعلم ان فية ولاكن نادر

[7or 100]

لا والله يا اخي الكريم (هاوي موتر 96) انا غمري ما شفت ولا سمعت بسلوقي تعدى سرغة ال76 كم ففكرة ال 100 كم مستحيييييل ..يعني ان كان في سلوقي بهاي السرعه لكان اسرع من فهد الشيتا ولكان اسرع حيوان على وجه الارض ههههه.

[راعي فجر]

الا فيه سلق سرعتها 100







































مركبه تيربو

[غربة مشاعر]

صبحكم الله بالخير

ياجماعة الخير لاحد يكذب احد

احسب سرعة الظبي والغزال كم ؟؟؟

انا شفت بعيني سلق تطرح الغزلان

والغزال على مااذكر سرعته من 70 الى 85 اذا مااخانتني الذاكره كاني قريت كذا من قبل

[عروق الدهنا]

صبحكم الله بالخير

ياجماعة الخير لاحد يكذب احد

احسب سرعة الظبي والغزال كم ؟؟؟

انا شفت بعيني سلق تطرح الغزلان

والغزال على مااذكر سرعته من 70 الى 85 اذا مااخانتني الذاكره كاني قريت كذا من قبل



صبحك الله بالخير

انا ياخوي اتكلم من واقع تجربه
واتكلم عن الظبى الموجودة عندنا
وكل اسبوع هدد
والظبى الموجودة عندنا ماتاصل هالسرعه

وانا ما تكلم عن البرامج اللي تطلع بالتلفزيون وتعطيك معلومات عن الظبى

وعشان مانطوله وهي قصيره

فيه كم واحد رد وقال ان شفت او عندي شي ياصل 80 او 90

يالله الميدان


وخلوننا من سوالف الاولين

ارجو محد يزعل مني


تحياتي

[محمد الشلاحي]

ياجماعة الخير





اللي يقول انه قد شاف سلوقي او سلقه يمشي 100 او 90 او 80
يعلمني وانا بجيه من اخر الدنيا وبعطيه 1000000 ريال
وعماره على النيل
ومزرعه في بولندا


والبيت الابيض هديه ومعه اوباما


الله يرحم حالكم وحالنا
ماشفنا شي وصل 70


100


:eek: :eek: :eek:



شكلي ابي ابيع موتري واسافر على سلق


:f :f :f :f :f :f :f
يامشرفين


حبال الخيمه مرتخيه
فكوا الاطناب واسحبو العمود



ارجو ان محد يزعل من كلامي




:f :f :f :f :f :f




بسم الله الرحمن الرحيم


حيالله اخوي عروق الدهناء اول شي انت كذبتني قدام الرجال وهذا شي عيب عليك انا حبيت اقولك شي واحد اذا ان سلق الي تقول كل اسبوع هدد وتقول ماتجاوز 70 فكها هذي جعر لاتتعب عليها واذا كنت ماتقدر توصل للطيب النادر لاتتعب نفسك والي مايطول العنب حامض عنه يذووق ابيك تسال سلطان العوني عن سويدان ووهاج كم سرعتها ولا عاد تكذب الرجال يا راعي الاصايل كان تعرف سلوم العرب

[عروق الدهنا]

اول شي ياخوي محمد انا ما كذبتك
وانت لك الحشمه والتقدير


انا تحديت ان فيه سلق تمشي السرعه ذي


وانت لك حق اثبات كلامك بالميدان


ولا يجي بالنفس زعل


اذا انت من اهل نجد نبي نهد الاسبوع الجاي ونشوف


وابوعايش اخو وعزيز وقد قنصت معه كم مره


وسلوم العرب محدن يجهلها انشا الله


واذا انا اخطيت عليك ابشر بالحق كل شي ولا زعلك طال عمرك


اما سالفة السلق اللي تمشي 70 جعر


خل اهل المنتدى اللي لهم خبره
ولهم ثقل بالخيمة يحكمون
مثل الفيتو (ابوصالح,)طلو(ابونايف)هاوي سلق (ابوابراهيم)
سلطان العوني (ابوعايش)القناص(ابوصالح)صياد الوعل(ابوعبدالملك)القحطاني(حمود)


وانت وانا اخوك لا يجي فيك زعل


واذا على سالفة يوم اقول عن اطناب الخيمة يعلم الله ان مقصدي شي ثاني ماله دخل بالموضوع


وشف اي وقت فاضي نطلع
ونزل الموضوع بعد الهدد ونشوف من معه الحق


ماتدري يمكن تجيك مزرعه في بولندا



تحياتي

[عروق الدهنا]

ابيك تسال سلطان العوني عن سويدان ووهاج كم سرعتها





اخوي محمد


انت خليت سلطان حكم
اتصلت على ابوعايش وسألته عن سويدان ووهاج كم سرعتها
قال والله ماقد قستها بس السلق طيبات
لكن السرعه ؟؟؟؟؟؟ مادري


واذا سويدان هو الذيخ الاسود اللي ذيلها مكسور
خابره بس مستحيل ياصل السرعه اللي تقول


وترى الدعوه ماتستاهل الزعل


وعندي طلب اذا عندك سلق قصدي جعر تاصل 70 انا طالبك تجدعها عندنا


تحياتي

[مطيعيس]

؟؟؟غريبه طبعا مالي خبره في السلق بس كنت احسب السرعه الطبيعيه لها 90 واللي متدرب زين وصحته زينه يشخط 120سلام سلام واثاريها كذا . شكرا افدتوني

[رحال]

مساكم الله بالخير اخواني الكرام
اتمنى ان يكون الحوار هادف وبعيد كل البعد عن التعصب والمشاحنات وخلافه حتى يستفيد من الموضوع اكبر شريحة من الاعضاء ..

************************************************** *************
(( الله يرحم ايام زمان ))

بالنسبة للسلقان اللي كانت عندنا وكانت سلقان لقنص الارنب فقط , كل السلقان تقريباً سرعتها من 66 إلى 67 تقريباً ماعدا سلق واحد وصلت سرعته من 72 إلى 73 تقريباً .

هذا مالدي والله يحفظكم من كل شر
اخوكم بوخليفه

[عروق الدهنا]

مساكم الله بالخير اخواني الكرام


اتمنى ان يكون الحوار هادف وبعيد كل البعد عن التعصب والمشاحنات وخلافه حتى يستفيد من الموضوع اكبر شريحة من الاعضاء ..


************************************************** *************
(( الله يرحم ايام زمان ))


بالنسبة للسلقان اللي كانت عندنا وكانت سلقان لقنص الارنب فقط , كل السلقان تقريباً سرعتها من 66 إلى 67 تقريباً ماعدا سلق واحد وصلت سرعته من 72 إلى 73 تقريباً .


هذا مالدي والله يحفظكم من كل شر
اخوكم بوخليفه


(( الله يرحم أيام زمان ))

اخوي بوخليفه

بيض الله وجهك عزالله جبت الوافيه

وحنا اخوان انشاء الله

والاختلاف بيني وبين اخوي محمد الشلاحي
مجرد اختلاف في وجهات النظر

واللي يعز على ابو عايش يعز علينا

والعذر والسموحة اذا اخطينا على احد


تحياتي

[عزيز2100]

السلام عليكم ورحمة الله وبركاته

(حدث العاقل بما لايليق فإن صدقَ فلا عقل له)

ياجماعة الخير وش ؟ السلوقي اللي يمشي 80و90و100

بالنسبة لي ماقد شفت أوسمعت بالسرعه هذي حتى بالتلفزيون

وانا ابتحدى اللي يقول .وبيننا الميدان مع العلم انه عادي

يشارك بأي سلقه حتى ولو كانت لغيره .

والتحدي بيكون على ظبي واذا اثبت قوله الظبي من نصيبه

وهدية سير تركيض لسلوقيه يقيس نبضات القلب والضغط.


(واختلاف الراي لايفسد للود قضية )

[رحال]

(( الله يرحم أيام زمان ))

اخوي بوخليفه

بيض الله وجهك عزالله جبت الوافيه

وحنا اخوان انشاء الله

والاختلاف بيني وبين اخوي محمد الشلاحي
مجرد اختلاف في وجهات النظر

واللي يعز على ابو عايش يعز علينا

والعذر والسموحة اذا اخطينا على احد


تحياتي



هلا بالغالي عروق الدهناء وحياك الله ..
بالنسبة لكلمة (( الله يرحم ايام زمان )) لايروح فكرك بعيد فقط تذكرت ايام مقناصنا بالسلق وقلت هذه العبارة واتمنى فهمتها على هذا النحو :) ..

بارك الله فيك يالغالي وهذا هو العشم فيكم وكلنا في هذه الخيمة اخوان واسأل الله ان يحفظكم ويخليكم وبالأول والاخير هو اختلاف في وجهات النظر ولكن لانريد ان يتطور الامر إلى مشاحنات بين الاعضاء ;) ..

دمتم بحفظ الله ورعايته
اخوك بوخليفه

[مخاوي الليل1]

السلام عليكم
الله اعلم انه من 70 الى 80 وهذا رائي والله اعلم

[ص ن ح 888]

مع احترامي للجميع السلق ماتتعدى 70 الى 75 فقط لاغير

اما الي يقول 80 اقوله معليش وعطنا المقطع والسلقه يالله شد حيلك

انا ياخوي لي اكثر من 15 سنه في السلق ماقد شفت الى 70 الى 75 وهذا الطيب والاصيل الى عند الشيبان مهوب عند الشباب والى قد كلامه يثبت بمقطع اوكي

الصراحه راحه ( الصراحه عنواني )

[شقرددي]

توصل 100 صعبه شوي
اسرع سلوقي عندي توصل سرعه 70 هذا اذا كان رايق ومتحمس
اما 100 يمكن لعطيته منشطات
كل شي جايز حتى حب العجايز

[بوغلب]

السلام عليكم
أطيب سلقة عندنا بالكويت تمشي 65 كيلو متر بالساعه راكد معاها بالسيارة مشت يالطويل العمر 1 كيلو و 400 متر سرعت 65 ومن بعد ال 1.400 متر 60 كيلو وطردت الظبي 4 كيلو و 400 متر
والسلام

[ص ن ح 888]

اذا كان سرعه الفهد 100 الى 110 وهو اسرع حيوان في العالم فكيف سرعه السلوقي توصل 100 الى 90


ياخي الشي بالعقل تحدي الي يجيب مقطع والسلوقي او السلقه تمشي 90 او 80 يالله وروني


اقنعوني تكفووون الشي ياجماعه بالعقل وتقبلوووا مروري

[rahal-vip]

لا اله الا الله

[الخماش111]

السلام عليكم ورحمة الله وبركاته اخواني مسيتو بالخير وبعد انا عندي مقطع لسلق جاب 80كيلو ونا اعتقد ان هناك اطيب منه وهذا وتقبليو مروري اخوكم الخماش العدواني

[ولد عم هتلر]

الي يقول احسب سرعة الغزال انا كنت اول ايام عيال نويمس<<<هم السلق الي كان عندي وحسبي الله على من سرقها >>اطرح الغزلان بس موههب اول ماشوف الغزال افلت السلق اطردها بالموتر الين تتعب ثم اطرد السلق واحد واحد

[kaald08]

فيه

انا في السياره امشي 100 وهي قدامي

[دنيا بلا معنى]

موووووووووووضوع جيد لكن اتمنى انووو يكون باسلوب نقاش بناءا نبي نستفيد عن تجربه
قضيت فترررره اجرد بسلقتي يعني قرابه 9 شهووور مابين طلعات تقريبا بشكل يومي وتجربع وقنص ارانب
الحقيقه اذكر اكثر شي جابته الى اتذكر الموقف نطقت الارنب بعيد بنهار وحنا بالسياره وهي جمبنا تقريبا ودعست
بالسياره وهي جنبي والارنب تبي تزبن بعيده مع العلم كان عمرها سنه ونص ولا هي مشبيه ابداً ناظرت العداد اكثر من مره وهي جمبي بالضبط كانت 75 تقريبا هذا الكلام قبل 3 سنوات عيالها عندي الحين
اكثر من 60 بالسياره ما في يعني اقصى شي جابنه 60 كم/ساعه وهن ثنين ذكر وانثى وبس اتمنى اكوووون فدت بشي ولو قليل تقبلوووو مروري وبس

[محبوب السلق]

انا الحين اذا جيت اركضه يمشي 40 واذا وديته مهدات يمشي 100ك

[الشلفان]

ياريجيل خلوووووووونأأأأ نبيع المواتر ونسافر على السلقان
دام انهأأ تمشي 100 ذبحتني الددسن بالكربون اما السلق لاكربون
ولا هم يحزنون

وين رايحين سلق تمشي 100
تمشي 70 قول 75 يمكن
اماا 100

[ابن الاصيل]

يخوي انا ماني راعي سلق بس صعبه تمشي ميه

[البدر000]

كل وااحد وسلوقيه فيه واحد يمشي 60 وفيه 80 وفيه 100 والي ماوده يصيدق لا يصدق
زي السلق العقرب الاسوود الي ما مسك الا اول غزال تعداها كلها هذاك كم تعطيه سرعه

[صيادالجبيل]

كل وااحد وسلوقيه فيه واحد يمشي 60 وفيه 80 وفيه 100 والي ماوده يصيدق لا يصدق
زي السلق العقرب الاسوود الي ما مسك الا اول غزال تعداها كلها هذاك كم تعطيه سرعه
بصراحة انا مشيت على السيارة وهو قدامي السلوقي سرعتة 80 ولاكن للأسف اني فرطت فية مادريت انة نادر الله يعوضني بأحسن منة اااااااااااااااااااامين

[ABO-3BDULLAH]

مافي سلوقي عربي تتعدى سرعته 67 ك بأي حال من الأحوال

القري هاند سرعته توصل 75 ك وفي سلوقي قري هاند حطم الرقم القياسي للسرعه سرعته 77 كيلو

مسألة 100 صدقني مستحيييييييييييييييييييييل

دمت بود


هذا الكلام السليييييم :good2:

[الذود العفر]

ياجماعة الخير




اللي يقول انه قد شاف سلوقي او سلقه يمشي 100 او 90 او 80
يعلمني وانا بجيه من اخر الدنيا وبعطيه 1000000 ريال
وعماره على النيل
ومزرعه في بولندا


والبيت الابيض هديه ومعه اوباما


الله يرحم حالكم وحالنا
ماشفنا شي وصل 70


100


:eek: :eek: :eek:



شكلي ابي ابيع موتري واسافر على سلق


:f :f :f :f :f :f :f
يامشرفين


حبال الخيمه مرتخيه
فكوا الاطناب واسحبو العمود



ارجو ان محد يزعل من كلامي




:f :f :f :f :f :f


أنا مع كلام أخوي عروق الدهنا ,,

والطيب الطيب هالوقت اللي يجيب 65 كم ألى 67 كم كحد أقصى

أما 100 كم/بالساعه مستحيله يالربع ..

[متابع السيول]

مافيه ياخوي