يوسف الخليفة1
06/01/2010, 05:11 PM
ما لي سوا الموتر واطورق بالاشعار=واسري مع الصيهد بعيد المسيره
واناجي الرحمن في مظلم الغار=في عالي الضلع الحمر واستخيره
وادعيه ياقاني عن دروب الاخطار=وارجيه بحبوحة نعيم البريره
ثلاث ساعات الجبل فيه سهّار=والليل يسري ما بقا الا قصيره
يوم انطوا والنور مسفر بالانظار=هفيت للوادي عسا فيه خيره
ابي الدفا من بين ذريان الاشجار=والا الحطب فيه الشلايخ كثيره
صليت ودالوب الهوا بالحصى دار=غربيتن فوق النثايل ذريره
مشيت لاقصى الضلع والقبله غبار=ولقيت مذرا متّقي في محيره
شبيت ناري وارتخى العج ما ثار=والطير يلعي بالعوالي صفيره
وارتاحت حسوسي على شبة النار=صحيح من قال الطبيعه بريره
والملقمه فاحت مع البن مسمار=والهيل بالرسلان يقلب خضيره
زليتها والكيف مشروب الاخيار=ينساق حوفه للوجيه السفيره
يوم اضحى فيها الكون وازداد الاسفار=بغيت رزقي قبل وقت الظهيره
ما لي سوا صيد الخلا باقصى الاقفار=فيها الارانب بالحصى مستذيره
اريد لايدام الغدا دارجن حار=والقوقسي راح وتطاير صغيره
حتى الحجل في عالي الموحشه طار=والحاله بذيك العوالي طفيره
الا الخضاري ساكن لغوفن عسار=عديت صوبه ما بالاقفار غيره
لكني حسيت بخرافيش منخار=بين الحصى شاهدت حاجه مثيره
لقيت حيه طولها خمسة اشبار=يقرضها قنفذ ما لها من فريره
حقيقه الصحرا مع اللي بالابحار=على الولي ارزاقها مع مصيره
مضيت في حالي على صيدي امتار=رميت بالبارود الانثى وعشيره
غنمتها وابديت بالقول الاذكار=رضينا بالارزاق نقبل يسيره
تكيت يومي ما وطا الضلع ديّار=ومشيت راجع بين حزم وزبيره
يوسف الخليفة ( أبو عبد الله )
واناجي الرحمن في مظلم الغار=في عالي الضلع الحمر واستخيره
وادعيه ياقاني عن دروب الاخطار=وارجيه بحبوحة نعيم البريره
ثلاث ساعات الجبل فيه سهّار=والليل يسري ما بقا الا قصيره
يوم انطوا والنور مسفر بالانظار=هفيت للوادي عسا فيه خيره
ابي الدفا من بين ذريان الاشجار=والا الحطب فيه الشلايخ كثيره
صليت ودالوب الهوا بالحصى دار=غربيتن فوق النثايل ذريره
مشيت لاقصى الضلع والقبله غبار=ولقيت مذرا متّقي في محيره
شبيت ناري وارتخى العج ما ثار=والطير يلعي بالعوالي صفيره
وارتاحت حسوسي على شبة النار=صحيح من قال الطبيعه بريره
والملقمه فاحت مع البن مسمار=والهيل بالرسلان يقلب خضيره
زليتها والكيف مشروب الاخيار=ينساق حوفه للوجيه السفيره
يوم اضحى فيها الكون وازداد الاسفار=بغيت رزقي قبل وقت الظهيره
ما لي سوا صيد الخلا باقصى الاقفار=فيها الارانب بالحصى مستذيره
اريد لايدام الغدا دارجن حار=والقوقسي راح وتطاير صغيره
حتى الحجل في عالي الموحشه طار=والحاله بذيك العوالي طفيره
الا الخضاري ساكن لغوفن عسار=عديت صوبه ما بالاقفار غيره
لكني حسيت بخرافيش منخار=بين الحصى شاهدت حاجه مثيره
لقيت حيه طولها خمسة اشبار=يقرضها قنفذ ما لها من فريره
حقيقه الصحرا مع اللي بالابحار=على الولي ارزاقها مع مصيره
مضيت في حالي على صيدي امتار=رميت بالبارود الانثى وعشيره
غنمتها وابديت بالقول الاذكار=رضينا بالارزاق نقبل يسيره
تكيت يومي ما وطا الضلع ديّار=ومشيت راجع بين حزم وزبيره
يوسف الخليفة ( أبو عبد الله )