الدفرنس ياخوان

[برق 8]

السلام عليكم ورحمة الله وبركاته
ياخوان لقد حصل بيني وبين احد الشباب مجادله حول تغيير زيت الدفرنس 0 هل زيت الدفرنس يغير اولا واذا بغيت اغيره هلى اغيره عند محلات البناشر او لازم عند الوكالة
وشكرا

[nayf01]

عادي يغيّر عند مغير الزيوت ويطلق عليه سوائل

والافضل تغلقه لاتغيره الا اذا سويت صيانه

مثلاُ للكرونيه او العكوس


ملاحظة زيت الدفرنس ثقيل ويكون عتقد 80 او 120 والله اعلم

[سوبر VTC]

عليكم السلام

اذا كان الموتر ماشي حول 150 و طالع

فانصح بعدم تغييره لان الزيت اثناء هذه الفترة الماضية يكون ثقيل بسبب احتكاك التروس و الديشالي و بالتالي يظهر رايش للتروس جراء الاحتكاك
يصير الزيت غليظ جدا ثقيل

على سبيل المثال لاحظ الماص بكرتير القير التماتيك تحصل عليه رايش كلتشات القير + التروس
ايضا
فك الصرة تحصل عليه ماص يمسك رايش الكارونة و التروس

لانه بعض الاشخاص غير زيت الكارونة مع انه ما كان عنده مشكلة
و لما حط زيت جديد 90اي سي ديلكو طلع عنده صوت كلتشات للكارونة
حقات الدفلك
لان الزيت خفيف و جديد
على سبيل المثال
اذا كان احد الاشخاص يشتكي من ونة للكارونة
يقوم بوضع شحم ثقيل + وضع زيت 140
و البعض الاخر يحط برداة خشب
و البعض الاخر يحط اكرم الله النعمه قشر موز
و كل هذه الطرق تؤدي لتخفيف او اختفاء صوت الونة :good2:
حتى بعض الشريطية اذا بغا يبيع موتر يحط شحم و يغش الموتر على الزبون باعتبار ان الكارونة و الموتر سليم

مسالة تغيير الزيت
تقدر تغيره بالوكالة او البنشري او الورشة
اهم شي الزيت الاصلي :good2:
و انا افضل تغييره بالورشة خصوصا شخص اعرفه :good:

موفق

[SilverSniper]

زيت الدفرنس ما يغير.. بس يزود اذا نقص.. وما ينقص الا اذا صار فيه تهريب.. يا من صوفة عكس والا من وجه غطاء أو غيره..
تصحيح لأخونا نايف.. زيت السوايل يجي نوعين.. خفيف 90.. وثقيل 140..

تحياتي.. :)

[Riyadh City]

عزيزي سوبر

إذا الدفرنش ولله الحمد مافيه بلا بس حبيت أغير الزيت

وش أحط 90 وألا 140 ؟

مع العلم السيارة شروكي إذا يفرق ...

تحيتي

[سوبر VTC]

عزيزي سوبر

إذا الدفرنش ولله الحمد مافيه بلا بس حبيت أغير الزيت

وش أحط 90 وألا 140 ؟

مع العلم السيارة شروكي إذا يفرق ...

تحيتي




حياك
احد الربع شرا شيروكي 2001 قبل سنة
الموتر مابه الا العافية نظيف
و قام من زود النصح و غير زيت الكاورنة الخلفية
و حط زيت اي سي ديلكو 90
بعدها
طلع صوت قرقشة لكلتشات الكارونة وردات دفلك
كلف اصلاحهن مع شغل اليد حول 400ريال
اللي يظهر لي
ان راعيه الاول
حاط زيت 140 او شحم او معا
الشاهد
انصحك لا تلمس الكارونة دامه ماقالت شي :good:
الكارونة يحط له زيت 90 + علبة مانعة احتكاك لونه ازرق شركة جي ام
تحط علبتين
اذا طلع صوت ونة فرغ الزيت و حط زيت 140
اذا ما خف الصوت حط 4ضغطات شحم عند البنشري
موفق

[سوبر VTC]

عزيزي سوبر

إذا الدفرنش ولله الحمد مافيه بلا بس حبيت أغير الزيت

وش أحط 90 وألا 140 ؟

مع العلم السيارة شروكي إذا يفرق ...

تحيتي




حياك
احد الربع شرا شيروكي 2001 قبل سنة
الموتر مابه الا العافية نظيف
و قام من زود النصح و غير زيت الكاورنة الخلفية
و حط زيت اي سي ديلكو 90
بعدها
طلع صوت قرقشة لكلتشات الكارونة وردات دفلك
كلف اصلاحهن مع شغل اليد حول 400ريال
اللي يظهر لي
ان راعيه الاول
حاط زيت 140 او شحم او معا
الشاهد
انصحك لا تلمس الكارونة دامه ماقالت شي :good:
الكارونة يحط له زيت 90 + علبة مانعة احتكاك لونه ازرق شركة جي ام
تحط علبتين
هذي صورته

http://www.mekshat.com/vb/../pix/upload02/images81/mk14425_20f080923%28002%29.jpg

زيت 90 اي سي ديلكو

http://www.mekshat.com/vb/../pix/upload02/images81/mk53291_fuibfub111.jpg


اذا طلع صوت ونة فرغ الزيت و حط زيت 140
اذا ما خف الصوت حط 4ضغطات شحم عند البنشري
موفق

[ن م ر]

ما قصروا الاخوان بالردود السابقة

كتيب الصيانه ينصح بتغيير زيت الدفرنس كل 40 الف كيلومتر

كل زيت وله لزوجه وتتغير هذا اللزوجه مما يسبب تآكل التروس مع الزمن
حتى تلاحظون في صرة الدفرنس مغناطيس يجمع برادة الحديد وهذا دليل على وجود الاحتكاك اذا انعدمت اللزوجه

نصيحه اذا بغيت تحافظ على الدفرنس غير زيته كل 40 الف بزيت اصلي حسب نوع سيارتك

وبإمكانك تغيره عند بنشري فاهم وخبره

[سيد قشطه]

السلام عليكم ورحمة الله وبركاته
أخواني الأعزاء أنا وأعوذ بالله من كلمة أنا (شفت بعيني ما حدش ألي:eek: ) صارت معي غيرت زيت الدفرنش الأمامي لسيارتي أول كان فيه صوت خفيف مره يالله ينسمع ما يسمعه إلا موسوس:j زيي قمت من زود النصاحه ومن باب المحافظه على السياره من وجهة نظري على الأقل بتغيير الزيت أول شي غبرته زيت خفيف 90 صار الصوت لا يحتمل بعد ماغيرت الزيت بيومين رجعت وغيرته زيت أثقل 140 لونه أخضر ( يقولون له في محلات البنشر زيت كويتي ) مدري هو صحيح ولا ......
المهم زاد الصوت لدرجة إني ما صرت أقدر أمشي في السياره بعدين رحت لمكانيكي ونصحني أني أغير الدفرنش لانه ما فيه فايده أو لإخففاء الصوت أفك العمود حق الدبل وفعلا فكيت العمود وراح الصوت
وأنصح أي واحد يبي يغير زيت الدفرنش بس عشان المحافظه علي السياره أنه يغير رأيه ويفكر ألف مره ........

وتقبلو فائق إحترامي....... ودمتم سالمين

[Riyadh City]

يعطيكم العافيه يا أخوان على هالنصائح

أخوي سوبرفتك دايم أجودي وما تقصر

سيد بيه قشطه :D عافاك الله ومعوض خير

للفائدة يا اخوان أنا سبق غيرت زيت للدفرنش وحطيت زيت 140 وكم ضغطة شحم والحمدلله ما تأثر الموتر

في إعتقادي إذا كان الموتر قديم ثّقل الزيت وحط شحم علشان ما يتغير على التروس الزيت مثل إذا عبيت خفيف

صح والا لا أخوي سوبر !!!

تحياتي

[لن أمل من العطاء]

اعتقد هناك فرق

في انك تغير الزيت كل 40 الف كم وتكون مستمر في تغييره
40
80
120
160
200
وهكذا

وبين سيارة تعدت 250 الف كم وتجي الحين تغير لها زيت

[Mr-sahair]

لا تغير أنتبه ترى الزيت اللي يجي من وكالته من بالده أفضل ولكن زود بس أنا اتكلم عن تجربه وخبره لان الزيت حق الدفرنس إذا غيرته صدقني بيطلع لك صوت في الدفرنس وراح تغير الدفرنس كامل ...
لا تغير لا تغير لا تغير لا تغير أنتبه أنتبه

[رسمال]

لا تغير أنتبه ترى الزيت اللي يجي من وكالته من بالده أفضل ولكن زود بس أنا اتكلم عن تجربه وخبره لان الزيت حق الدفرنس إذا غيرته صدقني بيطلع لك صوت في الدفرنس وراح تغير الدفرنس كامل ...
لا تغير لا تغير لا تغير لا تغير أنتبه أنتبه

والله هذا الكلام الصحيح والا روح الوكالة او ورشة لها سمعة وتعطي ضمان
اما البنشري غير زيت المكينة لا تسلمة

[بدوي جنوبي]

اذا معود الدفرنس على التغيير
ما عندك مشكله غيره

لكن اذا لم يسيق لك التغيير فترك القديم افضل

بالتوفيق