المساعد الشخصي الرقمي

مشاهدة النسخة كاملة : هل بالأمكان تصليح علبة الدركسون؟


أبو فيصل
07/01/2010, 02:21 PM
السلام عليكم و رحمة الله

عندي جيب تويوتا 97 بدلت علبة الدركسون من التشليح (غير موجوده في الوكاله!! وغاليه فوق 5000) بس طلعت تهرب زيت بعد التركيب. الأسوأ أني كنت محتاج السياره و خليتها تهرب شهرين و أنا مبلا أزيد الزيت ولعبت في ربلات الأذرعه و البوشنق وكلفتني الوفت و زيادة دراهم تصليح الهيئه الأماميه.

بعدها سألت فني التشليح و قال جيب لي صوفتبن فوق و تحت و مر علي أصلحها لك.

وشرايكم بتصلح ولاّ ما تصلح من واقع خبره؟؟

مع أني أول مره أتعامل مع التشليح ولكن بيني و بينكم الهندي شكله مسكت وانا توهقت وشريتها بـــــــ 1100 ريال.

مشكورين على النصيحه و جزاكم الله خير
فلر
07/01/2010, 02:35 PM
ان كان الدعوه تهريب فقط بدون صوت مزعج مثل ونه الذباب
فا الاصلاح يكفيك ويحل المشكله وانصحك ان تشتري طقم اصلاح من الوكاله يوجد فيه جميع الربلات والصوف با المقاس لهذه الطلرمبه وتركبها عند محلات الهدروليك
kmn
07/01/2010, 03:22 PM
زي ما قال الاخ للي قبلي يمكن اصلاحها بشرط قطع اصلية من الوكالة .
بدوي جنوبي
07/01/2010, 08:48 PM
دائما اذا توضبت العلبه اما انها ترجع تهرب

واذا ما هربت تكون ثقيله الطاره

بالتوفيق
أبو فيصل
07/01/2010, 11:01 PM
الله يعطيكم العافيه جميع و نرحب بآراء أخرى و تجارب سابقه
ابومعزي
08/01/2010, 02:47 PM
اخوي ابو فيصل خذ الكلام اللي يجمد على الشارب من غير قصور في الاخوان
فك الدوده واذا لقيت العمود سليم من الداخل فركب طقم اصلاح وماراح تلاحظ اي مشاكل في السياره واما اذا كان العمود من الداخل متوسع ومنحور فلازم تشتري عمود فقط وطقم اصلاح ولاتشتري الدوده كامله وان شاء الله راح تضبط معك عموما العمود لحاله اذا لقيته يكلف من 600 الى 800
رسمال
08/01/2010, 05:25 PM
ياخي اذا كانت سيارتك لاندكروز فانا اشتريت علبة الدركسون ب 750 ريال الاصلية من الضحيان ومتوفرة عند الوكيل ب 800 ريال كاملة وتركب ب 150 ريال مع ضمان
أبو فيصل
08/01/2010, 10:09 PM
اخوي ابو فيصل خذ الكلام اللي يجمد على الشارب من غير قصور في الاخوان
فك الدوده واذا لقيت العمود سليم من الداخل فركب طقم اصلاح وماراح تلاحظ اي مشاكل في السياره واما اذا كان العمود من الداخل متوسع ومنحور فلازم تشتري عمود فقط وطقم اصلاح ولاتشتري الدوده كامله وان شاء الله راح تضبط معك عموما العمود لحاله اذا لقيته يكلف من 600 الى 800

بيض الله وجهك وكلام سليم 100%
أبو فيصل
08/01/2010, 10:11 PM
ياخي اذا كانت سيارتك لاندكروز فانا اشتريت علبة الدركسون ب 750 ريال الاصلية من الضحيان ومتوفرة عند الوكيل ب 800 ريال كاملة وتركب ب 150 ريال مع ضمان

أنت متأكد أنها علبة الدركسون اللي تحت الكبيره ماهي الصغيره اللي فوق اذا اللي تحت أرسلي رقمهم الله يرضا عليك
هلي--2007--
08/01/2010, 11:32 PM
انا عندي جيب في اكس ار94 وجاني تهريب في زيت الدركسون ورحت لم مكانيكي ممتاز وقالي جب من الوكاله اصلاح علبة دركسون واصلحه لك وجبتله اصلي ب75 ريال وشغل يد ب 100 ريال وانتهت المشكله ولله الحمد
أبو فيصل
11/01/2010, 05:21 AM
انا عندي جيب في اكس ار94 وجاني تهريب في زيت الدركسون ورحت لم مكانيكي ممتاز وقالي جب من الوكاله اصلاح علبة دركسون واصلحه لك وجبتله اصلي ب75 ريال وشغل يد ب 100 ريال وانتهت المشكله ولله الحمد

بيض الله و جهك و ماهي شينه نحاول مادام فرق السعر واجد بين التصليح و الجديد
أبو فيصل
12/01/2010, 11:21 AM
الله يعطيكم العافيه جميع أثريتو الموضوع بالنصائح جزاكم الله خير.

أمس مريت محلات قطع الغيار و لقيت الدوده كامله بـــ 3800 و طقم أصلاح بـــ 200 ريال و رحت لورشة هيدروليك و قالي بيفكها و يخرط عمود الدوده ويركب طقم الأصلاح بـــ 400 مع ضمان 4 شهور!!

يعني بنوفر 3200 ريال أو أكثر في حالت جبتها له مفكوكه بيصلحها بـــ 200 و ضمان شهرين!!

صحيح أن حنا لازم نصير ذهينين ما نغدي بين هنود و أشوام و يمنيه ... ماسكين قطع الغيار و الورش وكلن يبي ينتفك وياخذ دراهمك لا وبدون ضمان!!
أبو فيصل
03/02/2010, 02:53 PM
الله يعطيكم العافيه جميع أثريتو الموضوع بالنصائح جزاكم الله خير.

أمس مريت محلات قطع الغيار و لقيت الدوده كامله بـــ 3800 و طقم أصلاح بـــ 200 ريال و رحت لورشة هيدروليك و قالي بيفكها و يخرط عمود الدوده ويركب طقم الأصلاح بـــ 400 مع ضمان 4 شهور!!

يعني بنوفر 3200 ريال أو أكثر في حالت جبتها له مفكوكه بيصلحها بـــ 200 و ضمان شهرين!!

صحيح أن حنا لازم نصير ذهينين ما نغدي بين هنود و أشوام و يمنيه ... ماسكين قطع الغيار و الورش وكلن يبي ينتفك وياخذ دراهمك لا وبدون ضمان!!

للمعلوميه سويتها في الشرقيه بـــــ 400 ريال و ضمان 4 شهور طبعآ بدون فك و تركيب لآن عندي صاحب التشليح اللي بيفكها و يركبها ولاّ كان بيزيد 200 ريال و يصير لأجمالي 600 ريال

الــــ 400 مقسمه بين قطع غيار 200 و شغل يد 200 وهو أيضآ سوري في صناعية الخليج في الخبر

هلحين ما بزين منها ما شاء الله ولا فيها أي تهريب
حبو 1
09/02/2010, 04:26 PM
تتصلح وتتوضب وترجع كالجديدة راجع ردودي تلقاني موصف احد الشباب لورش الهيدروليك
أبو فيصل
09/02/2010, 09:03 PM
تتصلح وتتوضب وترجع كالجديدة راجع ردودي تلقاني موصف احد الشباب لورش الهيدروليك

بيض الله وجهك و خلصنا ولله الجمد
شامخ ألهيلا
09/02/2010, 10:13 PM
اخوي اذا المشككله في الدودة والعلبه وطرمبة الدركسون هذي امرها بسيط
عند مركز الهدروليك الفرع الاساسي بجانب المعمل يوضب لك الي في موترك واذا ماتبيها يجيبون لك قطع استعمال امريكي (تويوتا ) موضبه عندهم وضمانهم كلهم 4 شهور
وهم خبراء في هالمجاال وانا من النااس الي اتعامل معهم من 5 سنوات
عندي الجيب تخرب الدوده كل سنتين ووضبها عندهم والحمدلله تعاملهم زين وشغلهم زين
سحاب جدة
09/02/2010, 11:27 PM
ياجماعة السلام عليكم
انااخصائي اصلاح علب دركسون تويوتا ولكزس
واغلب انواع السيارات ا نشاءالله الموقع مدينه جده
وابشركم بخصم خاص للحبايب اعضاء المنتدى
ومن لدية اي استفسار يراسلني على الخاص



اللهم ارزقنى رزق طيب وحلال مبارك
نمر977
10/02/2010, 01:37 PM
السلام عليكم وترى نفس مشكلة الدودة حصلت معي للجيب 2003 جي اكس ار وتوني مارهم اليوم في الصناعيه القديمه وإشتكيت له نفس المشكله وكيف إن عندي نيسان التيما م 93 وصلحت الدوده مره واحده وإلى الان ماشاءالله عليها. لكن الجيب خربت بسرعه وقال لي الفني حقهم (سعيد) يبغالها تصليح مره اخرى علماً بإنها ماكملت سنه والله المستعان واليه الشكوى والحال .
سحاب جدة
10/02/2010, 09:36 PM
اغلب اسباب التهريب تكون بسبب المطبات او الحوادث
نمر977
15/02/2010, 11:50 PM
اغلب اسباب التهريب تكون بسبب المطبات او الحوادث
السلام عليكم ياأخ سحاب جده وكثر أمطار الخير لديكم وانا في جده وممكن اعرف موقعك فين في جده واذا ممكن بعد إذن الإداره تتصل على جوالي أو ارسل لي رساله على الخاص بكل المعلومات عنك ، ومستني ردك يالغالي
والله يحميك من كل سوء
أبو فيصل
16/02/2010, 10:30 AM
اغلب اسباب التهريب تكون بسبب المطبات او الحوادث

نعم اللي في موتري هربت بعد حادث بسيط بس كانت الضربه على التاير وشفت عمود الدوده مايل بعدها واللفه يسار صارت صعبه

أعتقد كل أو معظم اللي في التشليح تهرب بعد تركيبها
نمر977
16/02/2010, 10:38 PM
الأخ ابو فيصل السلام عليكم وترى الدوده عندي نفس مشكلتك رغم إني بعد ماصلحتها ماتعرضت لشيء ممكن يؤثر بقوه على الدوده واتمنى من سحاب جده يرد علينا ويوضح عنوانه
سموور
10/08/2012, 09:56 PM
اخوي سحاب جده ياليت تفيدنا وتعطينا موقعك بجده او وسيلة اتصال
صاروخ الغطغط
10/11/2012, 11:34 AM
انا خربت معي ووضبتها ب220 ريال مع قطع الغيار وزبطت
mekshaat
11/11/2012, 12:03 AM
بالنسبه لتهريب علبة الدركسون ذكر لي احد
الاشخاص ماده تضاف مع زيت الدركسون
وتوقف التهريب وعلى كلامه كان عنده تهريب
وجرب الماده هذي وانحلت المشكله وسعرها
12 ريال.
ابوكريم 10
14/08/2016, 03:58 AM
اذا سمحت تبوفيصل كيف انحلت المشكله ممكن ادلني على احد اذا تكرمت برقم جواله لاهنت
ابوكريم 10
14/08/2016, 04:04 AM
السلام عليكم وين مكان الورشه الي يصحو دودة الدركسون لوفي رقم هاتف تعلمني عنه لاهنت