يالربع طيري غشيم يرفع الضغط!!

[شاهين الميلان]

السلام عليكم..

(..يالربع طيري شهانه 11.5*11.5 فرخ وحش ..)

وانا هديتها على حمامه بس الحمامه اكبر منها بشوي المهم يوم هديتها ماهجمت عليها راحت جلست جنبها:mad:

وهينا هنا يابنت الحلال تراها تنوكل تكفين واصارخ بإسمها انشحط صوتي ويااااااااااالله يااااالله تفطنت وصار عندها عقل وقمزت عليها وانا ماصدقت على الله من الفرحه صرت اقامز :D

خخخ لكن الصدمه كانت بالطريق وانا ماكنت ادري كنت غافل عنها من الفرحه

ويوم التفت عليها ابي اشوفها لقيتها تنتف ريش الراس << اصبرو لاتستعجلون

ياليتها تنتفه جالسه تعظه وتعذب الحمامه قسم بالله رحمتها وحرمت اني اهدها على حمام مره ثانيه

وبعد 5 دقايق من العظ المتواصل والتعذيب المستمر نزلت قطرت دم وحده بس << شفتو كيف الغبنه؟

ويوم قربت منها منين تتوقعون الدم نازل؟؟
:mad: :mad: :mad: :mad:

لقيتها ماكله عينها :eek: :mad:

وانا من القهر على طول صاروخ رحت جبت سكين وقطعت راس الحمامه رحمتها والله..

وحقدت على هالشهانه الغشيمه الي كان ودي اقطع راسها ورا هالحمامه

___________________

للمعلوميه الطير مصاب مخلبه الخلفي :( مدري وش اسمه بس المهم انه مصاب ومتورم


:f شفيه بعد ماقلته؟؟نسيت شي:D

ايه ذكرت الطير جوعته 27 ساعه بس

وحبيت أسئلكم عدة أسئله

1- وش الحل مع هالطير؟؟ وش أسوي به حتى يتعلم علوم الصقور السنعه؟؟
2- وشو السؤال الثاني نسيته!!؟؟ اذا تذكرته قلت لكم :D

[مودع الخلان]

جوعه يومين ونص خله تلهث من الجوع

وهده على الحمامه وانشاء الله ماتقصر معك

وانشاء الله اتذوق صيده

موفق


مودع الخلان

[شاهين الميلان]

والله ماطنتي هالشهانه تتحمل الجوع اكثر من يوم

[هواي داورد]

أخوي لاتجوعها يومين تمرض عليك

الطير إذبح لها حمامة كل يوم وخلها تاكل من رقبة الحمامة ( المذكى )

وبعدين إن شاء الله راح إذا صادت تذكيها هي من نفسها

وطيرك ياطويل العمر إذا ماخاب ضني إنها جني العش ( ماخوذ من عشه وهو مايطير )

علشان كذا مايعرف الحمامة ولايعرف يذكي

أتمنى أكون أفدتك

[صاحب نوماس]

جوعه يومين ونص خله تلهث من الجوع

وهده على الحمامه وانشاء الله ماتقصر معك

وانشاء الله اتذوق صيده

موفق


مودع الخلان
تلهث من الجوع ماخبرت الطير يلهث ؟؟؟؟؟

[الستانس]

هههههههههههه ظحكت على السالفة الله يعينك عليها

والله ودي افيدك ولكن مالي خبرة في الطيور ابد

احب اتفرج من بعيد

البركة في الصقارة مهوب مقصرين معك

[بن داود]

افقع عينها علشان تعرف وش سوت بالحمامه

[ebn-aljazerh]

أنصحك لا تدربه على الصيد خله حق الوناسه !

ماني بصقار لكن أحب سوالفهم.

[حر سدير]

اربط الحمامة بسبب وخل السبب بين رجلين الطير وسحب السبب لين تصدم في الطير


وسوكذا حتا تهده على الحمام

[@قرناص@]

جوعه يومين ونص خله تلهث من الجوع

وهده على الحمامه وانشاء الله ماتقصر معك

وانشاء الله اتذوق صيده

موفق


مودع الخلان



يومين ونص! والطير تبعه ,, حرآم يآخوي وبهالبرد بتموت ..

انصحك تكرم الطيره اشوي واقصر عليها لاتعلفها يوم واحد بس وفك لها حمامه واذا صادتها خل معك سكينه وذكها وخل الطير يعلف من مكان التذكيه وان شاء الله يتعود الذبح ,,

وبيظبط وضعه ,, ولاتجوعه واجد ولاتكرمه واجد

والسلام

[شقردي الجبيل]

اخوي انا أنصحك انك تهدها وتفتك منها احسن لك ولها هههههههههههههههه

[ولد مساكن]

و عليكم السلام و رحمة الله تعالى و بركاته
يا خوي خذ الحمامه و خذ قطعة لحم تكون رقيقه و لفها على وقبتها و أحكم اللفه بخيط و هده عليها ثم لمي يكمل أكل النسير حاول تذبح الحمامه و أنتف الرقبه أمامه . كررها مره أو ثنين و إن شاء الله يتعلّم

[صقار مبتدئ]

بسم الله الرحمن الرحيم
السلام عليكم و رحمة الله و بركاته حياك الله اخوي اللي يقولك هدها و لا بيعها لا تطيعه
تراها تصيد الحمام وتعرفه بعد (بس الطير وحش)

http://www.mekshat.com/pix/upload03/images141/mk121334_oooo.jpg
هدي طيراخوي الصغير ما شاء الله عليه نفس مقاس طيرتك تصيد الحمام و تلحقها سلم
ما اخفيك تعبتنا اول ما جبناها لكن الطريقه الامثل لتدريب طيرتك بعد توفيق الله كالتالي

1- علف الطير لمدة ثلاثة ايام رجل حمامه وحده فقط وكثر لها ماء
2- خذ لك قطعة لحم صغيره و حطها على ظهر الحمامه وخل طيرك ينقز عليها و يعلف منها طبعاً قطعة لحم صغيرة بعد ما ياكل اللحمة فلت لحمامه له وراح يهد عليها بإذن الله ومد رقبتا خله ينتف منها
3- ولا تخله يعلف واجد وكل يوم حمام لحد ما يتعود عليها



والله يوفقك

[ALAMIR]

فادوك الأخوان ما قصروا

[محمد النفود]

أخوي لاتجوعها يومين تمرض عليك

الطير إذبح لها حمامة كل يوم وخلها تاكل من رقبة الحمامة ( المذكى )

وبعدين إن شاء الله راح إذا صادت تذكيها هي من نفسها

وطيرك ياطويل العمر إذا ماخاب ضني إنها جني العش ( ماخوذ من عشه وهو مايطير )

علشان كذا مايعرف الحمامة ولايعرف يذكي

أتمنى أكون أفدتك

ماشاء الله لاقوة إلا بالله أخوي هواي داورد كفيت ووفيت لا خلا ولا عدم.

[حر سدير]

>افادوك الاخوان>

[987]

اخوي اقول الاول عالج الطير

[راعي البرقه]

هههههههههههههههههه كلمك خفيف ودمك بعد

[داااحم]

افادوك الاخوان تقبل مروري