يا شباب صوت قرقعه طلع فجأه بمكينه الباثفندر .. ساعدوني بالله وش سبب هالصوت

[شيخ نجد]

يا شباب معي باث 2003 تماتيك وكالة
بعد المطب دعست عليه بقوة حتى وصل الدعسه الثانية يمكن ثانيتين فقط ثم هديت

بعدها بنص دقيقة سمعت صوت قرقعه يسمعها اللي بالشارع فكرته شئ متعلق اسفل السيارة ولكني لاحظت ان الصوت يزيد مع الدعس على البنزين والمكينة .. مشيت عليه تقريبا كيلو حتى البيت وهو يقرقع .. وهناك فتحت الكبوت وشيكت على الصوت بالكشاف الكهربائي لقيته تقريبا خلف عامود المروحه ناحية المكينة ..
طفيت السيارة وشغتلها مره ثانية ولكن الصوت مازال موجود

الصوت قرقعه مثل صوت عصفور نقار الخشب .. القرقعه منتظمه مع صوت المكينة .. يعني تزيد سرعة الصوت مع الدعس على البنزين ..


خبروني بالله وشهو ذا مع اني ما مشيت عليه الا كيلو بعد الصوت ؟؟؟


بانتظاركم

[بدوي جنوبي]

صعب تحديد الصوت
انت تقول دعست بقوة
عادة مثل الدعس هذا يفرط عليك الطنجرة (البطيخة ) خاصه بالقير
وتسمى بأسمها العلمى محولة العزم

وقد يكون الصوت من بلف مكسور او سبيكة عمود كرنك
او عصوفرة بلف
لكن كل الاحتمالات قد تكون غير صحيحه الا بعد سماع الصوت والتأكد
100% ،، لا تستعجل فى الاصلاح الا بعد التاكد
اخاف تروح لورشه ويقولك توضيب
ويمكن يطلع الخراب من شيئ بسيط مثل رمان او خلافه

بالتوفيق

[زرود538]

اخي شيك على سيور الماكينه يمكن فيهن تسلخ(قطوع)

[شيخ نجد]

اخي شيك على سيور الماكينه يمكن فيهن تسلخ(قطوع)
دقايق بس اشيك وراجع لك
يارب يكون منها لأني خايف تكون مسامير الثلاجه هي السبب .. مع العلم ان الحركة صارت فجأة بعد ما دعست بقوة على دواسة البنزين ..

[ابو وافي 444]

أخطر شي ممكن يكون هي المسامير وتكلفة تصليحها بالالاف لذلك نصيحه اسطحه وفك مساميره سواؤ كان الخراب منها ولا لا... بعدها تقدر تحدد مشكلتك وانت مرتاح.
ورأيي وعساي مخطي أنها من المسامير والله أعلم

[شيخ نجد]

ابشركم الحمد والشكر لله ثم لاخونا العزيز عضو مكشات ابو ابراهيم صاحب ورشة سفاري فقد اتصلت عليه واخبرته بالمشكلة وماقصر بتعليماته حتى راح الصوت والحمد لله واعتقد ان المسمار طلع من الشكمان ولم يقع داخل المكينه ..


فله مني جزيل الشكر على اريحيته وحسن تعامله ورحابة صدره واستقباله لاستفسارات الاعضاء في اي وقت واي ظرف ..

وربنا يجيب العواقب سليمه حتى نلحم بقية المسامير ..

[ابو وافي 444]

الحمد لله على السلامه ظهر الشرررر

[فهد773]

اتوقع المكينه من بساتم المكينه اذا ماخاب ضني
صارت معي اول بس ان شاء الله نقول لا:(

[فهد773]

<< خاش غلط :)