ياجماعة والله أندبلت كبدي ماعاد في شئ يسوى في ذا السوق

[عاشق القمرة]

السلام عليكم ورحمة الله وبركاته

تحية طيبة للجميع وإن شاء الله تكونون بخير وعافية


اليوم كنت مفكر أروح أدور الأباريق الكورية الي الشباب ماشاء الله تبارك الله يمدحونها الستن ستيل


http://www.mekshat.com/pix/upload01/prof002/mk23868_ddaadr.jpg



يازينه زيناه ياربع .. هذا دورت عليه على كم محل عندنا في الشرقية في سوق الثقبة خصوصا ماحصلت شئ بقى سوق الدمام لكن أخوي الناب ماقصر وقالي لا تتعب روحك تراك مانت بلاقيه .

ياجماعة انا واعوذ بالله من كلمة أنا شخص حريص على الأدوات الي أستخدمها وأنها تكون ذات جودة وراح أعرض لكم بعض من المقنتيات التي لدي منها شئ من تركيا جاني هدية (ستن ستيل أصلي )


http://up4.m5zn.com/9bjndthcm6y53q1w0kvpz47xgs82rf/2010/1/7/09/496abqqui.jpg


هاذي طال عمركم أباريق الغضارة العزيزة على قلبي والي بصراحة الشاهي فيها له طعم ثاني بس عيبها أنها ماتصلح في العزبة لانها من المطاريش والمشاوير تتمخش



http://up4.m5zn.com/9bjndthcm6y53q1w0kvpz47xgs82rf/2010/1/7/09/km6te4fs3.jpg



هذا طال عمركم الأصفر الكوري ومعاه أو تاج الهندي الي يدبل كبدك في الشاهي خصوصا فتحت العروة داخل الشاهي يسدها ولايميدك تصب البيالة زين بس تراه ابريق طيب..


http://up4.m5zn.com/9bjndthcm6y53q1w0kvpz47xgs82rf/2010/1/7/09/egs93c1da.jpg


وهذا طال عمركم من تركيا ستن ستيل تركي مخصوص لتصليح الشاهي على البخار في البيت ويازينه زينها ياالربع





وأخيرا وليس أخرا


http://up4.m5zn.com/9bjndthcm6y53q1w0kvpz47xgs82rf/2010/1/7/10/vjplkxq7e.jpg


دبة الغاز الإيطالية 3.5 كلغ عندي فيها مشكلة أنها تنسم تنسيم بسيط من المسمار مصدي ومادري وشلون أصلحها أو هل هناك طريقة أني أصلحها


يالربع طالبكم الأبريق الكوري ودي فيه ماعندي مشكلة لو ينرسل لي من أي ديرة أنا أتحمل تكاليف الشحن وكل حاجة بس تكون جديدة بقراطيسها أبي لي أثنين .. وأيضا مفواح أقهوه زين دلوني على شئ زين أروح أشتريه .. دبلت كبدي هالهندية مع الوقت تخر أعزكم الله من المسامير الي تثبت العروة علشان تمسك المفواح ..

بارك الله فيكم ورحم الله والديكم

[العراب الاول]

السلام عليكم
اخي عاشق القمرة
الله يعطيك العافيه علي هذا الموضوع الرائع
هذه الاباريق الكوريه الاصليه اصبحت بضاعه نادره الوجود وللاسف
تستطيع البحث عنها في الدمام سوق الاواني المنزليه مخطط 8
وانصحك بالمحلات القديمه وانشاء الله تلقي مرادك وابشراذا لقيته اخبرك
وماشاء الله لديك مقتنيات رائعه
وبالنسبه للمسمار او الابره مر علي اقرب محل واشتر القطعه وقم بتغييرها
وان شاء الله ماراح تنسم...

تحياتي لك

[سطام vip]

بسم الله الرحمن الرحيم

السلام عليكم ورحمة الله وبركاته

هلا بك اخوي عاشق القمره والله ودي اخدمك وان شاء الله اذا لقيته

ابشتريه لك وما يكون خاطرك الا طيب

بالنسبة لدبه الغاز اخوي اذا كان نفس المسمار هو الي خربان تقدر تغيره

اما اذا الصاموله او السنه الداخليه للدبه اتوقع المخرطه يقدرون يجددون لك السنه

وتركب مسمار اكبر شوي بس قبل هذا كله جرب تحط شريط سباكه الابيض يمكن

يقوم بالغرض والله يسهل أمرك

تقبل مروري والرد يمكن ما افدتك وخدمتك بس الشكوى لله

دمت بحفظ المولى

[لاتكب البيالة]

السلام عليكم
شف يالغاالي الاباريق ما بينه فرق هالامور كله بالنفس
وترى البريق ما يستاهل من يدوره بالسوق ويشريه بذيك القيم والشاهي كله نقدر نعيش بدونه عندك الابريق الاصفر ممتاز ومتوفر او المعدن ما به خلاف

[MNH]

اخوي مر القناص

و مر سوق الثقبه للاواني بجانب سوق النسوان

ومر مخطط 8 وبتلقى مايسرك

[rigidman]

يابن الحلال وسع صدرك بتلقاه ان شاء الله بس دور بركادة .

كاني شايفه قريب بمر المحل ولا حصلته بعطيك العلم

موفق خير

[سرهيد]

السلام عليكم

هلا بك

ما تنلام في الحرص على شراء الاصلي ، فهو اللي يدوووووووووووم

والبريق التي تسأل عنه ان كاني ماني واهم عند واحد من محلات الرياض بتأكد عنه وابشر بسعدك

مع اني من مده وانا شايف للشاي كيفة مع البريق الاصفر اللي يسومه براد ابو اربع اشوف الشاي فيه كيفه

بخصوص البلف مثل ما قالوا الاخوان الكريمين امره سهل جدا

باماكانك تغيره عن طريقه فكه وشراء بلف آخر من محلات الغاز المتخصصة في هذه النوعيات من الدبات

تقبل احترامي

اخوك

ابو عبدالله

[عاشق القمرة]

السلام عليكم ورحمة الله وبركاته


تحية للجميع وبارك الله فيكم

العراب الاول


السلام عليكم
اخي عاشق القمرة
الله يعطيك العافيه علي هذا الموضوع الرائع
هذه الاباريق الكوريه الاصليه اصبحت بضاعه نادره الوجود وللاسف
تستطيع البحث عنها في الدمام سوق الاواني المنزليه مخطط 8
وانصحك بالمحلات القديمه وانشاء الله تلقي مرادك وابشراذا لقيته اخبرك
وماشاء الله لديك مقتنيات رائعه
وبالنسبه للمسمار او الابره مر علي اقرب محل واشتر القطعه وقم بتغييرها
وان شاء الله ماراح تنسم...

وعليكم السلام ورحمة الله وبركاته

بارك الله فيك وياهلا والله وسهلا ... والنادر كلن يسعى أنه يقتنيه طال عمرك لأن يملك الجودة والأداء الطيب في الإستخدام . إن شاء الله بحاول أدور في محلات مخطط 8 وداخل في السوق (سوق الدمام المسمى بسوق الحب ) إضافة الى ذلك أيضا في سوق الدمام أكيد راح أحصل حقين الدبات وغيره شكلهم عند سوق الخيام الي في الدمام

والحمد الله أن المقتنيات حازت على رضاك من ذوقك الله يسلمك


سطام vip

هلا والله وسهلا حيا الله الشيوخ ، تخدمني .. ردك علي ومشاركتك هي بحد ذاتها خدمة جعلك تسلم والله يرضى عليك ويحفظك ، وجعلك تسلم ياسطام ولايحتاج تكلف على روحك الله يرضى عليك وإن شاء الله أنا بشوف وش أقدر أحاول فيه وأرد عليك بإذن الله بارك الله فيك ورحم الله والديك .


لاتكب البيالة

حياك الله ويامرحبا وسهلا .. المشكلة وأنا أخوك لاصار راعي الكيف يدور الكيف :)

MNH

ياهلا والله وسهلا . إن شاء الله بدور في سوق الدمام بإذن الله

rigidman

حياك ياعزيزي الكريم وإن كانك بالشرقية عطنا خبر علشان نشريه بارك الله فيك

سرهيد

أبو عبد الله

حيا الله العميد ... شارك لك مرورك والله يعطيك العافية . والأصفر عزا الله أنه طيب وحليو وبن حلال :) والشاهي فيه ماينعاف .. وأنا في إنتظار ردك حسب الاتفاق في المكالمة الهاتفية .. بارك الله فيك ونفع بك



بارك الله فيكم جميعا ورحم الله والديكم وجعلكم لعين ترجيكم ويحفظكم من كل مكروه إن شاء الله وينفع بكم

وتقبلوا فائق إحترامي وتقديري

[الناب]

هلا ومرحبتين أخوي عاشق القمرة

أبد لا تعب نفسك وأنا أخوك
سوق الدمام ومخطط 8 ما فيه أبد

وترى السوق فيه البديل

وما شاء الله أباريقك رائعه

خد المنديل ( الغضاره)
والبريق الهندي
والبريق الكوري الأصفر


وأكثر أبريق أطربني بريق البخار الستيل

والله أني مره ضربت مشوار من داخل الدمام إلى محطه على خط الرياض
فيها عماله أتراك وعبيت لي دلة (ترمس) شاهي على البخار

والله أنه خيال

بالنسبه لدبة الغاز
مسمار التنسيم يباع في محلات على شارع الخيام

ومفواح القهوه خذ لك بو تاج تراه ممتاز

موفق خير
أخوك
بن فهد

[عاشق القمرة]

الناب (http://www.mekshat.com/vb/member.php?u=31201)


هلا والله وسهلا وحيا الله أخوي الناب ، شاكر لك مداخلتك بارك الله فيك وبالنسبة لأبريق البخار أبشر به طال عمرك ومايصير خاطرك الا طيب بإذن الله وشاي البخار ماشاء الله تبارك الله شئ ثاني وطعمه مزاج ، ولا ألومك لضربة المشوار وهو في الحقيقة دايم ماتحصل المطاعم الشامية والتركية الشعبية تقدمه للزبائن بعد الوجبة وأحلى مافيه أنه زون للشاهي وغير كذا طعم الشاهي يجي فيه مركز بالنسبة لمسمار الخاص بالدبة ، بإذن الله كما أتفقنا سنقوم بزيارة لسوق الخيام لنرى مايمكن أن نجده بارك الله فيك ورحم الله والديك وتقبل فائق إحترامي وتقديري

[hot_line]

اخوي انت تبي فواح القهوه للبيت ولا للعزبه

اذا تبيها للعزبه خذ الفواحه الهنديه
لان فيه كوري وفيه هونج كونج حرام تنحط بالعزبه لانها الفواح الكوري الوارد القديم حرام تاخذها للبر لانها جوده