لغز \ الله على بنت قديمه لقيته ,,,,,,,,عقب السنين الفايته ليتها تعود

[فهد الهلالي]

http://sor.w2hm.com/files/image/e/12.bmp (http://sor.w2hm.com)



اليكم هذا اللغزالجديد



االله على بنت قديمه لقيته=عقب الســــنين الفايــته ليـــتها تـــعود
قمت اتذكر يوم شفته وخذيته=وهليت عبراتي على غير مقصود
ياما وياما في يديني قنيته=يومي صغـــير ودوني البـــاب مردود
من يوم شفته وفضلها مانسيته=اخطي وتخطي وان خطينا على فــود
واليا عثرت في دربها ماقويته=ومايلحــــقن في عـــثرته أي مــنقــــود
ينقش بها الحناء بعيني رائيته=وكحل العيون اللي تحلت به بزود



مع تحيات
اخيكم
الشيخ مسكين
منتديات مكشات

[star22]

وش رايك ياشيخنا
في لعبة اللورعان قديماً يسمونها الدنينه

[فهد الهلالي]

وش رايك ياشيخنا
في لعبة اللورعان قديماً يسمونها الدنينه
هلا بك يالغلا والرمعه مالك لوا تحياتي

[الجرح الحزين]

وعليكم السلام ورحمة الله وبركاته
اسعد الله اوقاتكم بكل خير
تسلم اخوي الشيخ على اللغز الطيب
وشو قولك بـ( التيله أو النبيطه )

[برق القصيم]

صح لسانك شيخنا ومديرنا الغالي
والله يصبحك بالخير


الله العالم انه شي قديم بالحيل مالحقنا عليه حنا يالشباب


ودوك رمعه على الهبني : النباطه


تعديل: المعذره للجرح الحزين ماانتبهت للرمعة او اننا رمعنا بوقت واحد

[فهد الهلالي]

وعليكم السلام ورحمة الله وبركاته
اسعد الله اوقاتكم بكل خير
تسلم اخوي الشيخ على اللغز الطيب
وشو قولك بـ( التيله أو النبيطه )

هلا بك يالجرح الحزين ورمعاتك مالك لوا
تحيتي

[star22]

وش رايك ياشيخنا
بالريشه اواللوحه اللي مع الطلبة قديماً

[فهد الهلالي]

صح لسانك شيخنا ومديرنا الغالي

والله يصبحك بالخير


الله العالم انه شي قديم بالحيل مالحقنا عليه حنا يالشباب



ودوك رمعه على الهبني : النباطه


هلا بك يابرق القصيم والله يسعد ايامك بالمسرات
ياخي الفاضل انا لحقت عليه وعمري 27 وشلون انت مالحقت عليهوعمرك 28
انتبه لهذا البيت
يومي صغير ودوني الباب مردود
النباطه يبي لها فتح باب ومزارع
تحياتي

[فهد الهلالي]

وش رايك ياشيخنا
بالريشه اواللوحه اللي مع الطلبة قديماً

هلا يالغلا والرمعه ماصابت الحل
تحيتي

[ياعين ابوي]

وعليـــــــــــــــــكم السلآم ورحمة الله ,,

صح السآنكـ ملآيين شيخنا ...

حبيت أسلم وان يسر الله رجعت لكم ..

[star22]

وش رايك ياشيخنا
لعبة الورع الصغير يلاهونه فيها

[فهد الهلالي]

وعليـــــــــــــــــكم السلآم ورحمة الله ,,



صح السآنكـ ملآيين شيخنا ...



حبيت أسلم وان يسر الله رجعت لكم ..


هلابك ياعين ابوها والله يسلمك من عذاب النار وصح بدنك
بارك الله فيك

[فهد الهلالي]

وش رايك ياشيخنا
لعبة الورع الصغير يلاهونه فيها

مالك لوا طال عمرك
تحياتي

[وضح النقى]

وعليكم السلام ورحمة الله وبركاته
صح لسانك يا بو محمد
ممكن تكون الشيله أو ما يسمى في بعض المناطق القناع
وهو القماش الأسود الذي تضعه المرأه على رأسها وتلف

[فهد الهلالي]

وعليكم السلام ورحمة الله وبركاته
صح لسانك يا بو محمد
ممكن تكون الشيله أو ما يسمى في بعض المناطق القناع
وهو القماش الأسود الذي تضعه المرأه على رأسها وتلف

هلا وغلا بالقعده حي الله اخوي وضح النقى وين هالغيبه طال عمرك
حضورك اسعدني الله يسعدك دنياء واخره
والرمعه مالك لوا
تحياتي

[star22]

وش رايك ياشيخنا
بابرة الوشم او الردوع قديماً

[الجرح الحزين]

طيب يالشيخ تذكرته لعبه قديمه بس مو متاكده من اسمها ومدري تسمونها نفس الاسم اولا ماتلعبونها..
لعبه اذا ماني بغلطانه اسمها الغطه او القفه وهي عباره عن حصى صغير مثل الكنكري نجمعه ونحذفه ونمسكه..

[فهد الهلالي]

هلا بالاخوان والله يعطيكم العافيه
اسف على تاخري بالرد
والرمعات ماصابت الحل
تحياتي

[star22]

وش رايك ياشيخنا
عربية الورع

[ياعين ابوي]

رجعت لكم ومعي رمعتين اذا سمحتوا لي : ممكن تكون الدوامه أو اللهايه ...

[بوعفنان]

والله مادري هههههه

[ابو اسامه 2]

هلا بك يا الشيخ وصح لسانك يا الغالي

لغز كايف رائع

تسجيل اعجاب

تحياتي لك

[فهد الهلالي]

وش رايك ياشيخنا
عربية الورع

اقول صح السانك وبيض الله وجهك نعم هي عربيه الاطفال القديمه كانوا يجملونها بالحناء والكحل
هذا هو الحل الصحيح ياخي الفاضل star22 وهذه الصوره للعربيه القديمه وانا من تعلم المشي على هذه العربه وانا اقصد هذي القديمه وليست الجديده



http://www.mekshat.com/pix/upload03/images141/mk51394_arjwan_ppltmjxvwh.jpg


http://www.supermamy.net/up//uploads/images/supermamy-a4719c6025.jpg

[فهد الهلالي]

اشكر جميع الاخوان المشاركين بالرمعات
والله يحفظ الجميع
تحياتي لكم

[فهد الهلالي]

http://sor.w2hm.com/files/image/e/12.bmp (http://sor.w2hm.com)



اليكم هذا اللغزالجديد



االله على بنت قديمه لقيته=عقب الســــنين الفايــته ليـــتها تـــعود
قمت اتذكر يوم شفته وخذيته=وهليت عبراتي على غير مقصود
ياما وياما في يديني قنيته=يومي صغـــير ودوني البـــاب مردود
من يوم شفته وفضلها مانسيته=اخطي وتخطي وان خطينا على فــود
واليا عثرت في دربها ماقويته=ومايلحــــقن في عـــثرته أي مــنقــــود
ينقش بها الحناء بعيني رائيته=وكحل العيون اللي تحلت به بزود



مع تحيات
اخيكم
الشيخ مسكين

منتديات مكشات

تنقل للصفه التاليه

[star22]

اقول صح السانك وبيض الله وجهك نعم هي عربيه الاطفال القديمه كانوا يجملونها بالحناء والكحل



هذا هو الحل الصحيح ياخي الفاضل star22 وهذه الصوره للعربيه القديمه وانا من تعلم المشي على هذه العربه وانا اقصد هذي القديمه وليست الجديده



http://www.mekshat.com/pix/upload03/images141/mk51394_arjwan_ppltmjxvwh.jpg



http://www.supermamy.net/up//uploads/images/supermamy-a4719c6025.jpg

صح بدنك وجهك ابيض

[مسيرs]

لله درك ياشيخنا الغازك تصفها بلونها وزمانها ومكانه ومن يقراها لاول مرة يقول الحل عند طرف السبابة ومايلبث ويغرق بمتاهات لغزك :d ثم يستعين بالحبال واخرها يطلب النجاة من شدة الجهد والتعب وراء البحث عن الحل...الله يزيدك من فضلة وشكرا على المعلومة هذي والتي لاعلم لي بها إلا هنا فبارك الله فيك وفي طرحك
وبيض الله وجه اللي صاد الحل

[برق القصيم]

دامك متعلمن المشي بمثل هالعربيه ياشيخنا
وكاد انك حول 27:D او مابعد وصلتهن

صح لسانك على هاللغز الكايف
وصح لسان اخونا ستار

[فهد الهلالي]

لله درك ياشيخنا الغازك تصفها بلونها وزمانها ومكانه ومن يقراها لاول مرة يقول الحل عند طرف السبابة ومايلبث ويغرق بمتاهات لغزك :d ثم يستعين بالحبال واخرها يطلب النجاة من شدة الجهد والتعب وراء البحث عن الحل...الله يزيدك من فضلة وشكرا على المعلومة هذي والتي لاعلم لي بها إلا هنا فبارك الله فيك وفي طرحك
وبيض الله وجه اللي صاد الحل

هلا وغلا اخوي مسير
شرفني مرورك بارك الله فيك
كما اشكرك على كل حرف كتبته
والله يحفظك

[ابو عنقا]

الشيخ صح لسااانك على اللغز

وابصم بالعشرة انك ماركبتها:D :D :D

[فهد الهلالي]

الشيخ صح لسااانك على اللغز




وابصم بالعشرة انك ماركبتها:D :D :D


هلا بك اخوي ابو عنقا والله يمسيك بالخير
هذه العربه ياخوي ماهي تركب
والله وانااخوك ماتعلمت المشي الا عليها وبالرياض بعد
ومازلت اذكرها واذكر البيت والمكان اللي ادفها فيه
الله يحفظك تحياتي