سؤال لاهل الدمام (( هل يوجد محل للسنيدي , وماهي المحلات الموجوده ))

[الكشااات]

السلام عليكم ورحمة الله وبركاته

ياشباب من الي يخبر محل زي السنيدي في الشرقيه الخبر ولا الدمام

ابي محل كبير زي السنيدي بالضبط

اذا احد يخبر يعلمني وجزاه الله خير الجزاء

شكرا لكم

[القنـاص2008]

السلام عليكم

محلات القناص في الدمام بمخطط 91 على الشارع الرئيسى

ودمتم

القناص 2008

alganas2008@yahoo.com (alganas2008@yahoo.com)
alganas2008@live.com (alganas2008@live.com)

[الكشااات]

شكرا كل الشكر

وصلت المعلومه ودليت الموقع

الله لايهينك ويعطيك العافيه

لك تحياتي

[راع الحيزى]

فيه ثلاث محلات يالغالي ولكن اكبرها وافضلها القناص في الدمام على شارع ابن خلدون -طريق المطار
الثاني ياطويل العمر هو الرماية على الطريق الساحلي(بين الخبر والدمام) بعد محل اكسترا صغير شوي مقارنة بالقناص لكنه يتميز بأنه وكيل لشركة Arb الاستراليه
الثالث ياطويل البقى والسلامة اسمه رفيق الدرب على شارع الراكة التجاري بجنب سوبرماركت ميد. المحل صغير اصغر من الي قبل كلهم لكن عنده بعض الحركات والابتكارات العجيبة

موفق للخير ياغالي

[كتاب]

الثالث ياطويل البقى والسلامة اسمه رفيق الدرب على شارع الراكة التجاري بجنب سوبرماركت ميد. المحل صغير اصغر من الي قبل كلهم لكن عنده بعض الحركات والابتكارات العجيبة


أخي العزيز أنا قد مريت في هذا الشارع كم مرة من قبل بس ما انتبهت أن فيه محل بهذا الاسم وحتى ميد ما كأني انتبهت له فهل هو في أول الشارع التجاري من جهة الطريق الساحلي أو من آخره أو في الوسط تقريبا

وهل بجنبه شي ثاني غير ميد مثلا محطة بنزين أو مسجد حتى ننتبه له ؟

جزاك الله خير

[كتاب]

رفيق الدرب
على شارع الراكة التجاري


ممكن أحد يعطينا مكان المحل

الشارع نعرفه بس ما أتذكر شفنا محل بهذا الاسم

هل هو في اول الشارع أو نصه ؟
أو مثلا وينه من محطة البنزين اللي في الشارع ؟

[المحترف800]

محل القناص بالدمام كبير بعد ...

[فهد-بوعبدالله]

يليت احد يفيدنا عن محل او وصف جيد لمحل رفيق الدرب

[كتاب]

أخيرا شفت محل رفيق الدرب

المحل صغير ( دكان ) موجود ضمن دكاكين أخرى في محطة بنزين على شارع الراكة التجاري
الدكان شفته بس ما دخلت فيه لأنه كان مغلق ذاك الوقت

في محطتين بنزين في الشارع بس المحطة اللي فيها محل ( رفيق الدرب ) تشوف قدامها صراف بنك الرياض وكذلك مقابلها محل اسمه ( هامور الخليج )

شارع الراكة التجاري يوصل بين الطريق الساحلي ( الدمام - الخبر ) والطريق الثاني ( الكباري ) وإذا جيت دخلت شارع الراكة التجاري من الطريق الساحلي يمكن ما يبين لك لا ( رفيق الدرب ) و لا ( سوبرماركت ميد ) لكن إذا دخلت من جهة طريق الكباري ومشيت شوي بتشوف المحطة على يمينك ويتشوف في داخلها محل ( رفيق الدرب ) .


كذلك لا ننسى اللي بيدور على محلات للرحلات
جنب محل القناص محل ثاني اسمه ( الرجم ) وهو محل كبير بس أصغر من القناص

كذلك في شارع الملك سعود ( الشارع الرئيسي ) بالدمام بين محلات قطع السيارات تشوف محل أظن اسمه ( الشراع ) يبيع أدوات السيارات مخصصة للبر ومكتوب عليه في لوحته ( لسيارات الدفع الرباعي ) .

[فهد-بوعبدالله]

أخيرا شفت محل رفيق الدرب

المحل صغير ( دكان ) موجود ضمن دكاكين أخرى في محطة بنزين على شارع الراكة التجاري
الدكان شفته بس ما دخلت فيه لأنه كان مغلق ذاك الوقت

في محطتين بنزين في الشارع بس المحطة اللي فيها محل ( رفيق الدرب ) تشوف قدامها صراف بنك الرياض وكذلك مقابلها محل اسمه ( هامور الخليج )

شارع الراكة التجاري يوصل بين الطريق الساحلي ( الدمام - الخبر ) والطريق الثاني ( الكباري ) وإذا جيت دخلت شارع الراكة التجاري من الطريق الساحلي يمكن ما يبين لك لا ( رفيق الدرب ) و لا ( سوبرماركت ميد ) لكن إذا دخلت من جهة طريق الكباري ومشيت شوي بتشوف المحطة على يمينك ويتشوف في داخلها محل ( رفيق الدرب ) .


كذلك لا ننسى اللي بيدور على محلات للرحلات
جنب محل القناص محل ثاني اسمه ( الرجم ) وهو محل كبير بس أصغر من القناص

كذلك في شارع الملك سعود ( الشارع الرئيسي ) بالدمام بين محلات قطع السيارات تشوف محل أظن اسمه ( الشراع ) يبيع أدوات السيارات مخصصة للبر ومكتوب عليه في لوحته ( لسيارات الدفع الرباعي ) .
الله لايهينك اخوي ويعطيك العافيه

[كتاب]

مشكور وموفق إلى الخير يا بوعبدالله

فيه ملاحظة بعد على محل ( رفيق الدرب )

هو محل صغير بس فيه أشياء كأنه مصنوعة خصيصا له مثل خزان ماء يتصفط ومكتوب عليه
( رفيق الدرب - Travel Mate )

وبالمناسبة أيضا لما تروحوا محل القناص بتشوفون هذا النوع من الخزان ومكتوب عليه اسم رفيق الدرب ورقم تليفونه . أظن هالشركة تشتغل في تصنيع أدوات الرحلات بس ما أدري ليه محلها صغير وبعيد عن الشهرة

[نداي الاصمعي]

السلام عليكم ورحمة الله وبركاته
يا شباب يوم الثلاثاء ان شاءالله بجي الدمام وودي اروح اسير على السنيدي اللي بالدمام وانا والله ما اعرف مكانه فابي احد يتكرم علي ويوصفلي مكان السنيدي الله لا يهينه .

انتظر ردود وودي بالوصف

اخوكم ابو مالك

[مدمن فتك]

اخوي مافيه السنيدي بالدمام اصلا
لكن فيه وكيل له وهو القناص ويجيب اغراض السنيدي
موقعه: طريق الملك فهد _ حي بدر

[بن داود]

هلابك والله

اول ماتجي من الرياض ل الدمام قبل اول اشاره تجيك على طريق الملك فهد

تشوف المحلات على يسارك محل المقناص وقبله محل الرجم بس الزين هو المقناص

ويامرحبا وسهلا

[نداي الاصمعي]

اجل الوجهه القصيم يوم الثلاثاء الف الف شكر اللي افادوني

[مشلب]

السلام عليكم
الله يعطيكم العافيه ما انصحك تشري اغراض البر من الدمام الاسعار دبل والجوده اقل
وموفق خير

[الناب]

هلا بك أخوي وحياك في منتدى مكشات

نعم مثل ما أفادوك الأخوان لا يوجد السنيدي في الدمام
والقناص لا يحضر كل ما لدى السنيدي

ثانيا أخوي أنت من وين؟؟

ثالثا السنيدي فتح فرع في الرياض وهو كبير


موفق خير
أخوك
بن فهد

[أبو مشعل]

السلام عليكم

عليك و انا خوك ...بلقصيم او الرياض خل عنك مقناص تراه غالي الي بالدمام

تراء مقناص الي بالنعريه كوس و اسعاره احلي شوي

[القناص4800]

هلا بك بالدمام

زي ما قالولك الاخوان

ما في سنيدي

( القناص - الرجم - الرمايه )

[العراب الاول]

السلام عليكم ورحمة الله وبركاته
يا شباب يوم الثلاثاء ان شاءالله بجي الدمام وودي اروح اسير على السنيدي اللي بالدمام وانا والله ما اعرف مكانه فابي احد يتكرم علي ويوصفلي مكان السنيدي الله لا يهينه .

انتظر ردود وودي بالوصف

اخوكم ابو مالك

السلام عليكم
اهلا وسهلا بك بالدمام
السنيدي غير موجود بالدمام
عندك القناص او الرجم طريق الملك فهد المطار
الرمايه في الخبر والاخوان ماقصرو بالعلم الوافي...

تقبل مروري

[قناص الاما]

السلام عليكم و رحمت الله
هل يوجد السنيدي بالمنطقة الشرقية:director:

[المغيض]

وعليكم السلام...حياك الله وانا اخوك لايوجد السنيدي الا في القصيم والرياض..وحسب معلوماتي بالكويت...
تقبل مروري

[الناب]

لا يا أخي الكريم يوجد القناص وهو وكيل السنيدي في الشرقيه
وحاط شعار السنيدي على اللوحه

وصفه أكيد معروف على خط المطار عند إشارة 91 _حاليا مشروع نفق-

السنيدي في الشرقيه (http://www.google.com/custom?hl=ar&lr=&inlang=ar&domains=www.mekshat.com%2F&ie=ISO-8859-6&oe=ISO-8859-6&q=%C7%E4%D3%E6%EA%CF%EA+%E1%EA+%C7%E4%D4%D1%E2%EA% E7&sitesearch=www.mekshat.com%2F)

وهذا أكثر من موضوع ناقش الموضوع
ممكن تستفيد منه

[أبو براك]

تم دمج عدة مواضيع , في هذا الموضوع

وجميعها تستفسر عن محلات المنطقة الشرقيه

لفائده اكثر , ولكي لاتتشتت الردود

باكثر من موضوع