المساعد الشخصي الرقمي

مشاهدة النسخة كاملة : الفزعة يا شباب دبل اليوكن 2003


nor99
08/01/2010, 08:33 PM
الفزعة يا شباب دبل اليوكن 2003
اليوم وبالصدفة حولت اشغل الدبل
اشتغل بس السيارة مرة ثقيلة وفي صوت في الدبل صوت حديد مجيم تقدر تقول صوت حديد في حديد بس افصل الدبل السيارة عايدية.


طبعا لا يوجد اي تهريب زيت وقبل شهر كان شغال تمام


وش المشكلة يا اصحاب الخبرة
بدوي جنوبي
08/01/2010, 11:06 PM
الدبل الدبل
يا كثر مشاكله

انا عندى الدبل تعطل وابى اصلحه بيدى لكن احتاج حفره .
وشغلته بسيطه .


شف الرد هذا

هذا من الجنزير جنزير الدبل فيه واحد بصناعية الرياض القديمه يضبطه ب450 ريال بس نصيحتي اصبر عليه دام ان الصوت خفيف راح يمشيك سنه قدام واذا زاد الصوت غيرة .


بالتوفيق
شلشكو
08/01/2010, 11:44 PM
هذا صوت الجنزير بالدبل بس اذا صبرت عليه وخليته يخرب عليك التروووس يعني لو تصلحه احسن لك مغير الجنزير للباترووول قبل سنه تقريبا بورشه بالشفاء (( النشوان _ الفني كارلوس ) والحمد لله ماشي حاله
VIP-503
08/01/2010, 11:46 PM
تاكد من الزيت شوف وش ناقصك وبعدها رح للاكبر تحياتي
nor99
09/01/2010, 04:40 PM
يا شباب الموتر مايمشي تقول مقفل علية الهندبريك يادوبة يمشي خطوة
الغريب في الموضوع ان فجأة صار كذا وش تنصحون
امشي عليه بدون دبل وهل يؤثر على القير

و أشكركم جميعا
_دربيل_999
09/01/2010, 05:33 PM
أخوي الغالي..
بما أن السيارة فيها ثقل بهذا الشكل..أنصحك بأن لاتمشي عليها..
شيء أكيد بيتضرر القير بفعل الضغط الناتج عن (الثقل)..

ربما الدبل معلق عندك..أو ربما معشق الدفرنس اللي يعمل بالهواء معلق..

إفحص معشق الدفرنس..شف فيه زي اللبانس يخرج من الدفرنس الآمامي//

وفقك الله

الروقي..
nor99
09/01/2010, 05:49 PM
اشكرك اخ ( دربيل_999)

السيارة تعشق وتفصل الدبل ما في اي مشكلة مع التعشيق
اذا فصل الدبل تمشي ناعمة و لا اي صوت
يعني هل يوجد مشكلة اذا مشيت فيها مدام مافي اي صوت ولا ثقل بدون دبل
_دربيل_999
09/01/2010, 06:35 PM
أخوي الغالي..
إذا إنفصل الدبل وبدون ثقل على السيارة.. تقدر تسنعمل سيارتك طبيعي..
ولا يوجد خطر على القير..


الله يحفظك..


اخوك
الروقي
سوبر VTC
09/01/2010, 10:12 PM
الله ييسر الامر

ادخل الرابط و ان شاء الله تستفيد

مشكلة في دبل اليوكن !!!! (http://www.mekshat.com/vb/showthread.php?t=252550)


طيب هل الصوت بالدبل الخفيف ام الثقيل ؟
اكبر احتمال انه من الجنزير



هذي ورش من الاخ ماجلان


للجموس





اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...



والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب


وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه


وفي عندك صناعية ام الحمام ورشة القحطاني رقم 11 سوداني فلته في الكهرباء





موفق




شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره


رابطة مـــــلاك الجموس الحوض (http://www.mekshat.com/vb/showthread.php?t=147000)



رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)