دورانجو حرارتة النصف بالشتاء

[sultan3801]

السلام عليكم ورحمة الله وبركاتة
دورانجو حرارتة النصف بالشتاء

اشتريت دورانجو امريكي مو سعودي ماشي 125000 ميل(لما اشتريتة اعتقدت انه 120كيلو, الله يسامحهم), على العموم درجة حرارتة دايما النصف

طبعا السيارة نظيفة ماشالله جدا جدا

لكن الحرارة عالية بالمره

ارجو المساعدة

وشكراً

[بدوي جنوبي]

عليكم السلام

لا تحزن ال8 سلندر يمشى معك حتى 500 الف كلم
بدون توضيب وقد تزيد ،،،

ودائما الاستخدام الامريكي عداده يكون بالميل

المهم

كم يبدأ رقم عداد الحراره
اعتقد 100 ؟

[sultan3801]

كم يبدأ رقم عداد الحراره
اعتقد 100 ؟
مافهمت

[sultan3801]

طلعت للسيارة
عداد الحرارة ثلاث خطوط خط C وخط H وخط بالنص

[2008]

السلام عليك أخي sultan 3801
هلا فيك والله السيارة حلوة وانا مجربها وبهذلتني الحرارة لين حليت مشكلتها نهائي
فيه ثلاث حاجات لازم تتاكد منها انه مافيه اي عيب وانها شغاله 100%
1) الأديتر تأكد انه مافيه تهريب وان الماء ماينقص فيه وسوله تنظيف احسن (ضروري)
2) تماتيك المروحه تأكد انه شغال 100% وهذا طبعا تختبره بيدك والسيارة طافيه تشوف المروحه ثقيلة والا خفيفه المروحه يجب ان تكون ثقيله اذا لفيتها بيدك
3) فيه مروحة كهربائية صغيرة حقت المكيف تشتغل مع المكيف اذا اشتغل تاكد انها تشتغل
4) فيه بلف الحرارة الموجود في كوع خرطوش الماء اللي طالع من الأديتر وهنا الحل
فيه بلف حراره يفتح الماء اذا وصلت حرارة السيارة للنص هذا اللي يجي شد بلد في السياره غيره بواحد يفتح الماء اذا وصلت حرارة السيارة للربع وسوف ترتاح كثيرا موجود هذا البلف عند باجحرز في الصناعيه القديمه في دوار الخرج قله ابي بلف الماء اللي يفتح علي الربع وقله علي نوع سيارتك ومديلها.
بس انا عندي كم سوال وش موديل سيارتك وبكم شريتها وكيف شريتها من امريكا عن طريق النت والا عن طريق معرض والا معارف.
لك تحياتي والله يعطيك من خيرها ويكفيك شرها (واهلا بك في رابطة ملاك الدورانجو)

[sultan3801]

السلام عليك أخي sultan 3801
هلا فيك والله السيارة حلوة وانا مجربها وبهذلتني الحرارة لين حليت مشكلتها نهائي
فيه ثلاث حاجات لازم تتاكد منها انه مافيه اي عيب وانها شغاله 100%
1) الأديتر تأكد انه مافيه تهريب وان الماء ماينقص فيه وسوله تنظيف احسن (ضروري)
2) تماتيك المروحه تأكد انه شغال 100% وهذا طبعا تختبره بيدك والسيارة طافيه تشوف المروحه ثقيلة والا خفيفه المروحه يجب ان تكون ثقيله اذا لفيتها بيدك
3) فيه مروحة كهربائية صغيرة حقت المكيف تشتغل مع المكيف اذا اشتغل تاكد انها تشتغل
4) فيه بلف الحرارة الموجود في كوع خرطوش الماء اللي طالع من الأديتر وهنا الحل
فيه بلف حراره يفتح الماء اذا وصلت حرارة السيارة للنص هذا اللي يجي شد بلد في السياره غيره بواحد يفتح الماء اذا وصلت حرارة السيارة للربع وسوف ترتاح كثيرا موجود هذا البلف عند باجحرز في الصناعيه القديمه في دوار الخرج قله ابي بلف الماء اللي يفتح علي الربع وقله علي نوع سيارتك ومديلها.
بس انا عندي كم سوال وش موديل سيارتك وبكم شريتها وكيف شريتها من امريكا عن طريق النت والا عن طريق معرض والا معارف.
لك تحياتي والله يعطيك من خيرها ويكفيك شرها (واهلا بك في رابطة ملاك الدورانجو)

اولا شكرا شكرا جزيلا
السيارة ماشالله حلوه وقوية بالمره
اشتريتها من معرض بالدمام (روابي) بـ 34000 مع نقل الملكية والتأمين وبصراحة تستاهل السعر مقارنة باليوكن والتاهو

[sultan3801]

انا طالع الان للسيارة افحص على المراوح ولو اني امي بالسيارات

[sultan3801]

دورانجو 2004 اللون فيراني ليمتد جلد فتحة 4x4 DVD
ونظييييفه ماشالله تبارك الله
لكن عندي مشكلة مع شاشة المسجل طافية, المسجل شغال

[2008]

ماشاالله تبارك الله
بالنسبه للمسجل تقدر تطلبه عن طريق النت ebay وهذا هو الرابط http://www.ebay.com
ويجيلك زي حق الوكاله يمكن يكلفك 500 ريال مع الشحن ويجيك مستعمل وبحاله ممتازه وعليه ضمان
بس حط نوع السيارة ومودليها وتقدر تطلب اي شي لها عن طريق النت
وانا قريت مره في مكشات (محبوب الجماهير) ان وكيل دودج اللي في البحرين يعطي خصم ممتاز علي قطع الغيار والبحرين قريب من الدمام يمكن المشوار ماياخذ منك اكثر من ساعه ونص او ساعتين بالكثير وانت في بيتك ولو رحت للوكيل اللي في البحرين حاول تتعرف علي واحد منهم واخذ رقم جواله ودق عليه قبل ماتروح وسأل عن القطعه اللي تبيها وكم سعرها
مطلوب منك وبشكل عاجل الدخول ل منتدي السيارات وتجهيزاتها والاشتراك في رابطة ملاك الدودج *الدورانجو* ووضع صورة سيارتك الله يبارك لك فيها

[بدوي جنوبي]

كم يبدأ رقم عداد الحراره
اعتقد 100 ؟
مافهمت

بعض العدادت مثل اليوكن والتاهو يبدأ قراءة العداد 100 درجة مئويه
لان مواصفاتها امريكيه عشان كذا سئلتك

الاخوان ما قصرو ،، اقترح عليك ركب بلف مثل بلف الكابرس او الجموس
ويكون مكتوب عليه 63 او 83
على اساس يفتح البلف قبل درجة الغليان اللى هى 100

ان شاء الله وضحت الفكره

بالتوفيق :good2:

[sultan3801]

شكرا لـ بدوي جنوبي و 2008 على الردود
والله يجزاكم الف خير

بصراحة المنتدى شيق وجميل

[sultan3801]

اما بخصوص المسجل, شغال ومافيه اي مشكله الا الشاشة عطلانه (الشاشه مو لمس)
واحيانا تشتشغل

[محب الصحابه]

بارك الله فيك
اخي انا شريت بلف بس نفس بلفه الأول ولازالت الحرارة ترتفع عندي وبخاصه مع المكيف
هل تنصح اغيره

[alialanizi]

حل مشكلة الحرارة للدرانجو مديل 2004 الى 2010
الطلبات
1- تماتيك جمس 454 القيمه 340 ريال
2- مروحة جمس 11 ريشه القيمة 130 ريال بلاستيك
3-مروحة خارجيه مرسيدس مديل 1982 او حسب الرغبه
4- بلف ماء يفتح على حرارة 80 سعرة 56 دولار او ازالة البلف
لا يوجد ترهيم فك وركب مباشره
الحرار سوف تكون ثلث ولن تصل الى النص او فوق هذا
واذا تحتاجون صور ممكن ارسل لكم صور عن الحرارة الجديدة
واذا تريدون نصائح حول سيارة الدرانجو ممكن التواصل على البريد

[MSAN]

يالحبيب لا تخنبق في سيارتك

الحرارة ع النص طبيعية

[خط الجبيل]

طبيعي جدا لاتلعب بالسيارة

هذي مواصفات المصنع