رايكم لاعدمناكم ((مبتدئ ))

[مودع الخلان]

السلام عليكم ورحمة الله وبركاته

يااخوان انا ادور لي طير والله ماادري وش اخذ وانا توي علا ماقالو مبتدئ

وماادري ودي بشيهانه لاكن ابي الحجم الزين وهل اخذ فرخ او كبير

او وش اخذ مع الطير اذا شريته انشاء الله ((تكميلة الطير))

وابي اسعار الشيهانه او غير بس ابي طير جزوووم مهب رخمه


هاذا ماعندي الله يعطيكم العافيه ولاتنسونا من دعواتكم


اخوكم مودع التميمي

[صقار مبتدئ]

حياك الله يامودع الخلان ...........
انا اشوف انك تاخذ شبط جبليه او شبط وكري لانك مبتدئ واهم شي تخاوي صقار مخلص معك يعلمك على كل صغيرة و كبيرة وقبل لا تشتري خذلك دورة مستمع في مجالس الصقاره واستمع و استفد و اسأللمدة 3اشهر و الحين ما انصحك تشتري لان وقت تالربطه قرب وماراح تستفيد من الطير

[ابو ندا]

هلابك اخوي انصحك تاخذ وكري تتعلم عليه افضل ويكون فرخ ووحش وصقره على
مزاجك واتمنى لك التوفيق وفالك النادر

[شطب]

حياك الله اخوي مودع

زي ماقال صقار مبتدئ لاتشتريها اللحين لان مابقى شي على الربطه

ومن اللحين ورايح اجلس مع الصقاقير واطلع معهم لين تعرف كل شي عن الطير

وانصحك تشتري السنه الجايه فرخ شيهانه جبليه مدهله لان التدهيل(التدريب) بيكون صعب عليك بالبدايه

وان شاء الله تطربك وتاكل من صيدها

هذي نصيحتي وان شاء الله تعجبك

تقبل مروري

[هواوي.]

اجل تكميلة الطير هههههههههههه اشتر له كسارات وبوت وجونتى جلد ونظاره شمسيه مودع بس تكمليه جديده اول مره صقار 2010هههههههههههاى

[راعي شوق]

اخوي مودع انصحك لاتشري الحين لان وقت الربطة قرب .....استفد من الايام الجاية بجمع اكبر قدر ممكن من المعلومات حول الصقارة والسنة الجاية خذلك طير واصقرة وهده والله يوفقك

[عاشق الفتك 20]

ماااقصروو الاخوااااان

[ولد مساكن]

السلام عليكم ورحمة الله وبركاته
بالنسبه لالطير مثلما قالو الإخوان
أما مستلزماته فهي :
مكان مناسب عرفه أو ملحق تفرشه بالرمل الناعم
مخلات : كيس من الجلد لحفض لوازم الصيد و الصقاره و تصلح أيضا للعزل
براقع : يجب أن تكون على قياس الطير و إلّا فستعلمه الصيحه و تأذي عيناه أو ستمكنه من الرؤيه
مرسل و سبوق : عليك أن تتعلم طريقة الربط الصحيحه
دس و منقله : حتي لا يؤذيك الطير بمخالبه
وكر : تحتاج لإثنين وكر مجلس و وكر للطلعات
مرش ماء : يستعمل للتدهيل و لتنضيف الطير من الدم و لإنعاشه في الحر
ميزان : لمتابعة وزن الطير
سكّين : ضروري للذبح
مقراب أو دريبل : لمراقبته و للبحث عن الطرائد
جهاز و ريشته : حتى لا يضيع منك
و السلام عليكم ورحمة الله وبركاته

[تبلاني الهواه]

حياك الله يا التميمي


انا تميمي بس من الامارات

اس شي تيه قووولي وانا حاضــر

[الروض الخضر]

مثل ما قالوا الأخوان وقت الربطه قرب ..

وبما انك مبتديء اشتر لك وكريه تعلم عليها ..

والصقار تبدا من الدرجه الأولى ..

واعتقد مع القراءه والممارسه .. التدهيل بيكون سهل عليك ..

موفق ان شاء الله

[راايق تميم]

وعليكم السلام ورحمة الله


حياك الله اخوي التميمي


تفضل هذا الرابط وان شاءالله يفيدك



جميع الاستفسارات ~صقاره او مرض صقور او نوع طير~ (هنا حصراً) (http://www.mekshat.com/vb/showthread.php?t=216893)

[حر سدير]

افادوك الاخوان

[صاحب نوماس]

افادوك الاخوان وانا معهم انصحك بالوكري

[ابوسعد 3]

الاخوان ماقصرو ..

[داااحم]

افادوك الاخوان وانا انصحك بالبحريه