استفسار وبغيت تساعدني فيــــــــــــــــــــــــــــــــــــه

[تبلاني الهواه]

مرحبا وسهله باهل الخليج كلكم

بدخل ف موضوع

انا عندي جيــــــر حـر مزارع اسبانيه

مقاســـه 18 بــ18,5

فرخ

اول شي مشكلته في صيــاح يووم يشوف البرقع

ويووم يشووف معشـــا في صياح قوووي

والمشكله الثانيه
انه قبل اسبوعين دعيته ياه ع تلـــواح

بــس امس ابا ادعي ع تلــواح ما ياه

تم يشووف يبن ما طار يدوور ع سياره بس لين ما تعب وتعد

والحين بغيت تساعدني شو الحــــل عسب ايي ع تلــواح

وانا من الامارات ف مديـنه العين

[تبلاني الهواه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الهواوي 502]

السلام عليكم ورحمة الله وبركاته,,

اخوي,,,

طيرك ان شاءلله مافيه الا العافيه,,,

ويمكن طيرك صنيع نقص من عدته وجرب.,,

او يمكن انه مهب مجرووود,,,,

وافحص طيرك لايكون فيه شي,,,

ولاهنت

[ولد مساكن]

السلام عليكم ورحمة الله وبركاته

هذه بعض من درر أخينا عرادي :

- الطير ما يبرقع بسهولة
صفتها /
عندما تحاول أن تبرقع الطير يكافخ ويرفض البرقع ويتدلى ولا يعود بسهوله
الحل المناسب /
يجب اختيار برقع حجمه مناسب لحجم رأس الطير وتضع بعض قطع اللحم الصغيرة داخل البرقع وتمده صوب الطير ليلتقط قطع اللحم من داخل البرقع بصفه مستمرة ، ويتم برقعة الطير بهدوء تام وإعطاءه عشاه وهو مبرقع ليعتقد انه في حالة برقعته سوف يعطى عشاه ، وتكرر هذي العملية .

-الطير ما يلوح ( ما يشلوي )
صفتها /
الطير ما يجي على الملواح ( الشلو ) أو لو جاء ما يتنكس ( يرجع )
الحل المناسب /
يتم إنقاص وزن الطير ، ويتم ربط علف داخل الشلو ويتم حذفه للطير حتى يتعشى من العلف اللي داخل شلو الحبارى ومن بكرى تكرر نفس العملية وبعده يحذف الشلو وفيه العلف وحين وصول الطير للشلو يسحب الشلو مره واحده وعند عوده الطير للشلو يترك ليمسك الطير به ويعشى وتكرر هذه العملية وفي كل مره تزيد السحبات مره واحده فقط ، ويفضل في البداية تنزيل الملوح على الارض ليجزم الطير على الملواح ، وبعد تعود الطير على التلويح يتم نزع العلف من داخل الشلو وبعد الإمساك بالشلو من قبل الطير يتم إعطائه العلف ليتعشى .

و عموما هذا رابط الموضوع كامل : http://www.mekshat.com/vb/showthread.php?t=212340

و أخيرا الله يعينك و السلام عليكم ورحمة الله وبركاته

[أخو المري]

مرحبا اخوي

افادوك الأخوان
ماقصروا

بس اتوقع الصياح مالها علااااااج


تقبل مروري

[تبلاني الهواه]

مشكوووووووورين ما قصرتوووا

[صاحب نوماس]

افتاك اخوي ولد مساكن

[نمر الصحراء]

الله المستعان
من الجير اخي الله يهدي طيرك