Gxr2006وتأخيرة في التشغيل؟

[ابو حسان الجنوبي]

السلام عليكم ورحمة الله وبركاته
يسعدلي كل بمحله ووقته وعسا الله يجمعنا وانتو بدار كرامته


ابد انا عندي GXR2006_2 OUTU
وألاحظ من إسبوع أنه ماعاد يشتغل من أول نقره طبعاً زي أول كل شي تمام ولم أشك بشي يكون له سبب في ذلك إلا البطاريه لأنها شد بلاده
علماً إن اخر صيانه مسويها له 40.000كم وهو الأن ماشي 72,000كم والبواجي من ذاك الوقت والنزين المستخدم 91.
فهل تأيدوني إن السبب البطاريه ؟
وإذا كانت البطاريه فهل تأيدوني بتغييرها من النوع الي يتعبا أم الجافه
(مدري وش إسمها):D


وتكفون لا تتجاهلوني

[تاج1426]

تحيه طيبه وبعد
بالنسبه لجميع ما ذكرت فانه من الضروري التغيير والحرص على الأصلي مع العلم انه مافيه اصلي الله يخلف الا اللي شد بلد حتى لو شريت من الوكاله ولا ذكرت نوع البنزين هل هو 91 أو 95 لان فيه فرق بالتشغيل .
ودمت بود

[ابو حسان الجنوبي]

upupupupupupup

[VXR.2007]

اقول ياطويل العمر خلك على بنزين 95 اذا فضى النزين 91 عب 95 يتغير صوت اذا جيت تشغل الجيب عن تجربة

النقطه الثانيه قبل تشغل او تدق السيارة خلك على البطارية لمدة 15ثانية ثم شغل علشان توصل الدورة الكهربائية

[مكسر الشوك]

احتمال يكون من الجو البارد
على العموم انصحك في البطاريه الأكترونيه

[omiran]

البطاريه هي البطاريه ولاهناك فرق بين الالكترونية او العاديه
اهم شي الجوده والنوعيه المناسبه

[سديراوي 13]

هلا والله ابو حسان
انا انصحك قبل ما تغير البطاريه انك تفحصها اذا كانت المشكله منها او لا
واذا كانت المشكله منها غيرها
وبخصوص نوع البطاريه
بنسبه لنوع الغير قابل لشحن ما انصحك فيها وخاصه A C Delco
وانصحك بلبطاريه الي تتعبا اسيد لانها هي الي تعيش اكثر بس لا زم تشيك عليها
عشان ما ينقص الاسيد الي فيها

[سوبر VTC]

عليكم السلام و رحمة الله

افتح السويتش لمدة 4ثواني
همن طف السويتش
كرر هذه الطريقة 3مرات
في المرة الرابعة دق سلف
اذا اشتغل الموتر باول دقة فالمشكلة من بلف الطرمبة
راجع البنزين يرجع للتانكي و هذه المشكلة
بمعنى
اذا جيت تشغل الموتر بعد 8ساعات ما يشتغل الموتر على طول
بسبب رجوع البنزين اللي بالمواصير الى التانكي

هل الموتر يشتغل باول دقة خصوصا في الصباح ؟
اذا كان الجواب لا
جرب الطريقة السابقة :good:

بخصوص البطارية
اي سي ديلكو لا تشريه
لانه بعد 5 او 7شهور تصير دقة السلف ضعيفة
و البطارية جودته مهب زي اول
مع احد الربع جيب هدد م2007 ركبه و بعد 7شهور
دقة السلف ضعيفة جدا
الافضل منه
هانكوك او دايو كورية :good:
اللي تعيش اكثر اللي تعبا مقطر :good:

موفق

[ابو حسان الجنوبي]

تاج1426

VXR.2007

مكسر الشوك

omiran

سديراوي 13

سوبر VTC
بيض الله وجيهكم هل ردود ومرور وقريبا بجرب طريقتك اخوي سوبر VTC واعطيكم الخبر

[برج الرياض]

السلام عليكم ورحمة الله وبركاته
الاخ العزيز ابو حسان الجنوبي ارجو منك ان تغير فلتر البنزين
و مكانه تحت باب الراكب بجوار السائق والله الموفق