استفسار بخصوص الجيره

[stewrd]

اسعد مساكم بكل خير
يالربع ودي اسأل عن الفرق بين طيور التفريخ والحرار الاصيله اوقات بعض الطيور يصعب عليك التفريق بينها هل هي جيرحر او حر اصيل
وهنا ودي ايظا اسأل هل المستشفى يفرق بينها بوسطة التحليل ام لا يستطيع

[عاشق التوام]

الأصيل تلقى بداخل ريشه قمل والتفريخ ماتلقاها فيه
أمزح معك يابو يزيد يفيدونك الإخوان إن شاء الله

[SNGAAR]

السلام عليكم ورحمة الله الفرق طال عمرك اولا في ريش الطير تلقا الوحش ريشه محرقته الشمس والتفريخ ريشه كنه ريش بيتي وثانيا الفرق في طبايع الطير تلقى الوحش غير عن التفريخ من ناحيت الحوم او طرد الفريسه تلقى الوحش يلعب على الصيده واذا صادها تلقاه ماسكها براسه والتفريخ العكس وفيه فروق واجد بتعب وانا اكتبهاا بس الوكاد ان الوحش بين

[بعيد الهقاوي1]

اهلا وسهلا اخي العزيز

اول شي الجير واضح بشكله انت تقصد كيف تفرق الحر الاصل والحر التفريخ

اول شي يآ اخي التفريخ تلقا ريشه ماهو محروق من الشمس وثاني شي التفريخ تلقا بوزه يلمع

يعني لما تطالع في بوزه تشوفه يلمع يعكس الانوار هذا دليل انه ماحام بالسما ولا كان في عش

لان الاصيل منقاره يجي متشطب شوي من الحصا اللي بالعش والحوم وثالث شي اذا اشتريت الطير

وصار عندك وشكيت هل هو تفريخ والا اصيل اول ماتشوف ان الهوا قوي شوي بالمدعا اخذ معاك كيس

او خيشه صغيره وهد طيرك ولما تشوف الطير فوووقك ارم الكيس او الخيشه خل الهوا يحركها واذا رجع الطير

هذا دليل انه تفريخ واذا مابغاها اعرف انه اصيل وذكي ماينلعب عليه اما التفريخ تلقاه بعض المرات يهد على الاكياس والخياش انا كان عندي جيرتفريخ يهد على الرمث اللي يتحرررك ويطق الرمثه ويشقلب عليها بعد اذا كان جوعان وحزّة عشا

وأي شي تبغا تسأل عنه انا حاضر يالغالي والاخوان اكبر مني عمر ومعرفه وان شاء الله مايقصرون

لك خالص الود من اخوك بعيد الهقاوي

[stewrd]

الاخوان عاشق التوام
الأخ singaar
الأخ بعيد الهقاوي
بيض الله وجيهكم جميعا ما قصرتم
بس السؤال هنا انا ابروح اشري طير من طيور منغوليا وخوفي يكون من التفاريخ يعني ما عندي مجال اجرب او اهد الله يكرمكم جميع

[عاشق المقناص3]

أخونا((بعيد الهقاوي1))
عطاك العلم