عندي سؤال عن الوضحه او البياض

[نواف نجد]

السلام عليكم ورحمة الله وبركاته


امسي عليكم بالخيرات اعضاء ومشرفين وزوار المنتدى الغالي علينا جميعا

عندي سؤال عن الوضحه او البياض الي يجي في عيون الطير هل لها علاج واذا ما تعالجت وش المحتمل حدوثه في عيون الطير وهل هي تسبب العمى مع مرور الوقت وش العلاج بعد مرور الوقت عليها ما تعالجت وشكراً

[بو غازي]

السلام عليكم ورحمه الله وبركاته
في طير واحد من الربع في عينه وضحه بسيطه مثل شقفة قزازه قد هالنقطه *واصغر بشي بسيط لكن الطير يشوف وفي طيور كثيره فييها بياضه او وضحه وماتشوف يعني في كذا وفي كذا والعلم عند الله وطير خوينا الي اقولك له عنده ثلاث سنوات وشوفه ميه على ميه .
وبالنسبه للعلاج انشاءالله يفيدونك الاخوان بالعلاج مع اني مااعتقد ان فيه علاج للوضحه لانها من العاهات المستديمه.

[نواف نجد]

السلام عليكم ورحمه الله وبركاته
في طير واحد من الربع في عينه وضحه بسيطه مثل شقفة قزازه قد هالنقطه *واصغر بشي بسيط لكن الطير يشوف وفي طيور كثيره فييها بياضه او وضحه وماتشوف يعني في كذا وفي كذا والعلم عند الله وطير خوينا الي اقولك له عنده ثلاث سنوات وشوفه ميه على ميه .
وبالنسبه للعلاج انشاءالله يفيدونك الاخوان بالعلاج مع اني مااعتقد ان فيه علاج للوضحه لانها من العاهات المستديمه.
مشكوور وماقصرت

[قرناس شماالي]

فادك اخوي وماقصر

[البراء آل عثمان]

يالليت تصور لنا مكان الجرح
ولو تشرح شرح أفضل يكون زين
1- مكان الجرح وين بالضبط
لتحديد مكان الجرح بالضبط شوف الصورة أدناه وذكر لي سبب الإصابه والمكان وأعتذر على الدقة لكن ودي أني أفيدك بعلم مضبوط وعلى قدر معرفتي ويالليت تراسلني على الخاص في حالة ردك

http://www.cs.bham.ac.uk/internal/courses/java/ssc/ssc1/lectures/hci/images/anatomy_eye.gif

[ولد مساكن]

السلام عليكم ورحمه الله وبركاته

اذا كانت جديدة حاول تحط عليها نقطة وحدة كل يوم من قطرة {بروزولين} المصرية تلقها بالصيدلية وبعد يومين او ثلاث شف النتيجة يمكن تفيدها.

التقطير بعين الطير:

سمّي بسم الله الرحمن الرحيم

برقع طيرك

مهّد الطير بمهاد

ارفع البرقع

امسك راس الطير بيدك

افتح عينه بأصبعك

نقط بعينه

واصل مسك الطير لدقائق حتى لا يخرج الدواء من العين

وبعدها بدقائق برقع الطير

فك المهاد عنه

ولا تنسى تتركه بدون برقع بعد فك المهاد

و السلام عليكم ورحمه الله وبركاته

[ALAMIR]

الأخوان فادووك

[((السنياري))]

ماتضر الطير

كان فيه طير فيه نص وضحه بوحده من عيونه وكان يطلع قبل الطيور الطلاعه وطلعه مغاليص