استشارة في مكينة جمس ( يوكون xl) ..

[أبو سيف 1]

السلام عليكم ورحمة الله وبركاته


الإخوة الكرام ,, لدي جمس يوكون إكس إل حجم 1500..

وينقص الزيت بسرعة وفيه دخان من الشكمان وفيه صوت طقطقة ,, أظنه يحتاج توظيب ..

السؤال : هل الأفضل أن أوظب المكينة , أم أشتري مكينة خصوصا وأنه ذكر أن بالسوق مكائن أسعارها معقولة ,,

وفي حالة التوظيب , يا ليت من يدلنا على ورشة بالرياض شغلهم عدل ..


جزى الله خيرا كل من مر ,,

[لن أمل من العطاء]

حبيبي

هل الدخان الذي يطلعه ابيض
هل الدخان يصبح اكثر ويصبح مزعج حتى على الاخرين بجانب السيارة في حالة ان السيارة وقفتها 5 دقائق او اكثر وهي شغاله

اذا كانت الاجابات بنعم

فانت لا تحتاج الى توضيب وانما تحتاج الى جلد بلوف فقط لا غير

[سوبر VTC]

عليكم السلام

اذا كان دخان ابيض فهو جلد بلوف
وقف الموتر و خله شغال 10دقائق
همن دس بنزين دوس متوسط
اذا طلع دخان ابيض فهو جلد بلوف يفك الراس و تغير الجلد
اذا كان دخان ازرق
فهو ضعف بشنبر البستم مايحجب الزيت عن غرفة الاحتراق او بيت النار

طقطقة المكينة قد تكون من جلد عمود التيمن
او
ضعف طرمبة الزيت تاكد من انبير الزيت وين يوصل
اذا كان الموتر واقف
او
عندك احد الصبابات او التكايات مكسور


هذي ورش من الاخ ماجلان




للجموس




اقتباس:
اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...



والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب


وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه


وفي عندك صناعية ام الحمام ورشة القحطاني رقم 11 سوداني فلته في الكهرباء





موفق




شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره


رابطة مـــــلاك الجموس الحوض (http://www.mekshat.com/vb/showthread.php?t=147000)



رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)





لاتسوي شوي بموترك
حتى يشوف موترك رجال خبره و ثقة

موفق

[سحابة قبله]

السلام عليكم


هل الموتر استعمال امريكي ام لا


وكم موديله


وهل الدخان عند بداية التشغيل ويروح


وهل لون الشكمان اسود


هل الموتر جته حراره


هل الزيت يقلب على طول


ياشباب احيانا مو شرط تكون جلد بلوف احيانا الوضع يكون متطور وتصير قايدات البلوف (دليل البلوف) متوسعه او مايله ولا تقفل صح وتصير تهرب زيت اذا طفى الموتر دخل البستم واذا شغل طلع دخان ابيض
واذا اشتغل الموتر الكربون يدخل على الزيت وهذي يبيلها مخرطه هذا اذا ضبطت او تغيير الروس والراس لحاله قيمته 2000 ريال جديد


وطقم بلوف


سعر المكينه يتشليح العجلان ب 7000 ريال


لكن نصيحه غير جلد البلوف ولا يفكون الراس فيه ناس تغيرها بدون فك الراس


واذا ما ضبط الموتر معك لا توضب غير مكينه


لاني عانيت من هالمشكله

[أبو سيف 1]

[لن أمل من العطاء ,,,, سوبر vtc ... سحابة قبلة ..

جزاكم الله خير الجزاء على ردودكم الشافية ..

الدخان أبيض , يطلع مع التشغيل ثم يروح ,, وفي حالة الدعسة القوية يطلع ..

والسيارة استخدام أمريكي , موديل 2000 ..


أشكركم جزيل الشكر , وفقكم الله لما يحب ويرضى

[سحابة قبله]

افحص كمبيوتر

اذا ضغط البساتم مضبوط واوكي معناته ما هو شمبر

جلد بلوف

وتكلفك قيمتها حوالي 400 ريال
وشغل يد من 400 الى 600

وغيرها بدون ما تفك الروس