يا اخوان لنبة التانكي ولعة!!!!!!!!! [الأرشيف]

مشاهدة النسخة كاملة : يا اخوان لنبة التانكي ولعة!!!!!!!!!

فهد النومان

09/01/2010, 08:48 PM

:( :( :(

السالفه كما هي موضحه بالعنوان ولعة عندي لمبة عداد التانكي علما بان السياره
هايلوكس ديزل موديل 2006 وهي مفلله الا شي بسيط اطفي السياره وشغل نفس الوضع
وفصلة البطاريه ورجعتها نفس الشي لها يومين وش الحل وشكرا

وليم

09/01/2010, 10:57 PM

اخوي فهد انا موتر زي كلامك2006 والعة المبة علا طول طبعن ديزل

فهد النومان

09/01/2010, 11:07 PM

بس المشكله عندي ماصار لها يومين وش الحل

فهد النومان

10/01/2010, 03:01 PM

فيه لمبتين الي تحت اذا نقص عن الربع
هذي فوق العداد الى الان ما طفة

سوبر VTC

10/01/2010, 09:21 PM

لازم يفك التانكي و يشيك على العوامة
اكبر احتمال
ان حساس العوامه خربان
مكانه بنفس العوامه
على فكرة
مع احد الربع نفس موترك ديزل م2006
عبا من محطة
اللي صار ولعت لمبة فلتر ترشيح الديزل المرشح
فلتر مكانه بالرفرف الايمن بالزاوية
طيب وش الحل ؟
قام و فك صرة الفلتر و فرغ الديزل اللي بنفس العلبة و الفلتر
و قام و شغل الموتر و طفت اللمبة :good2:
انتبه تعبي من محطة مشكوك فيها
لانه اذا دخل الماء بالتناكي
يعدم عليك البخاخات سعرهن تقريبا ب3400
و ايضا يخرب عليك طرمبة الديزل ب4500
اذا بغيت ورش متخصصة ببريدة علمن

موفق

فهد النومان

11/01/2010, 11:36 AM

الله يعطيك العافيه اخوي وما قصرت ابيض وجه
الحل قولتك افك الصره

سوبر VTC

11/01/2010, 12:17 PM

لاهنت
وشي اللمبتين اللي مولاعات ؟؟؟
عموما

(((1)))

اذا كنت تقصد لمبة الديزل

اللي اذا صفر التانكي تولع لمبة المحطة

فالحل
تفك التانكي بعد تفريغ الديزل
اذا كان يوجد صرة
او تخليه حت يبقى به الربع
او تشفط بلي غطاء التانكي
و تشيك على حساس العوامه
تحصله معلق ثابث
و اذا ركبت التانكي
تروح للفلتر و تحضر للديزل
تحصل ضغاط فوق الفلتر
همن تدق سلف

اما

(((2)))

اذا ولعت لمبة ترشيح الفلتر
لمبة برتقالية عليه نقط ==> ((...)) => مثل كذا
فهذي حقت فلتر الديزل
يكون داخل ماء بالتانكي
الحل
تفك صرة فلتر الديزل اللي بالرفرف الايمن
و تفرغ الديزل اذا خلص
تشد الصرة
همن تحضر للطرمبة ديزل (عشان يجي ديزل للطرمبة) => تضغط الضغاط اللي فوق الفلتر تقريبا 8ضغطات
و باذن الله تطفى اللمبة
لانه عندك ماء بنفس الفلتر و التانكي
ارجع للكتالوج تحصل صورة فلتر الديزل خصوصا شكل اللمبة بالطبلون

موفق

فهد النومان

11/01/2010, 09:38 PM

مشكووووووووووور اخي على الرد
هي المبه الي فوق البرتقاليه تحتها نقط ماهي الي اذا صفر التانكي
هل تضر السياره
ولك جزيل الشكر

فهد النومان

11/01/2010, 09:39 PM

وش الحل
اذا كانت تضر

العريني1

11/01/2010, 10:20 PM

اخوي فهد.... ممكن تجرب هالطريقه
كان معي باترول ... ولعت اللمبه حقت البنزين.... وصار ما يحول التانكي...
فصلت اصابع البطاريه لمدة خمس دقايق تقريبا ... ثم شبكة الاصابع ومباشرة شغلت السياره.. النتيجه اعادة البرمجه من جديد..
جرب .. مانت خسران شي

فهد النومان

12/01/2010, 11:37 AM

سوبر VTC

12/01/2010, 11:56 AM

مشكووووووووووور اخي على الرد
هي المبه الي فوق البرتقاليه تحتها نقط ماهي الي اذا صفر التانكي
هل تضر السياره
ولك جزيل الشكر

اه طيب
هالحين تغير كلامك :)
اول موضوعك تقول لمبة الديزل حقت تصفير التانكي
و هالحين
تقول لمبة تحتها نقط => هذي حقت فلتر الديزل
و لو اهملت اللمبة
راح تضر البخاخات و الطرمبة
طيب الحل ؟؟؟
الحل ارجع لردي رقم السابق رقم 7
لاني عدلت عليه و اضفت

اختر لمبة الديزل او لمبة الفلتر :)
ارس على بر :)

موفق
علمن وش يصير معك

سوبر VTC

12/01/2010, 01:28 PM

اخوي فهد

فلتر الهايلوكس بالرفرف الايسر بجانب البطارية :)

و بالي كان رايح للجيب الحوض بحكم ان فلتره بالرفرف الايمن :no:

فالعذر و السموحه :):p

هذي لمبة الديزل و لاحظ النقط تحته

http://www.mekshat.com/pix/upload03/images142/mk53291_khkh1.jpg

هذا فلتر الديزل
و لاحظ الضغاط فوقه حق التحضير
فائدة الضغاط (سحب الديزل من التانكي الى الفلتر ثم الى الطرمبة)
له فائدة اخرى
طرد الهوا بليات الديزل
و اذا وجد الهواء حتى لو تنسيم هواء بسيط باحد الليات
مايشتغل الموتر

http://www.mekshat.com/pix/upload03/images142/mk53291_kvho2.jpg

لاحظ اسفل
اللي اليمين اللي عليه قفيز
هذا جاي من التانكي (دخول)
اما اللي اليسار الخارج من الفلتر
فهو يذهب الى الطرمبة (خروج)
فائدة الفلتر
الحفاظ على الطرمبة و البخاخات من الخراب
مثل الشوائب و الماء
يوجد اسفل الفلتر حساس كهرب
كما يوجد على جانبه حساس اخر

http://www.mekshat.com/pix/upload03/images142/mk53291_bjdibjpj3.jpg

لاحظ صرة الفلتر بالاسفل مثل حقت تفريغ اديتر الماء
لونه اصفر او ابيض

http://www.mekshat.com/pix/upload03/images142/mk53291_jnbpgj4.jpg

من زاوية اخرى

http://www.mekshat.com/pix/upload03/images142/mk53291_jbpbj5.jpg

و هذا الضغاط حق التحضير لسحب الديزل من التانكي الى الفلتر ثم الى الطرمبة

http://www.mekshat.com/pix/upload03/images142/mk53291_bnldbjip6.jpg

المطلوب منك الاتي

تنظف اللي حول الصرة بلي الهواء خصوصا الاتربة
ثم
تفك الصرة و تفرغ الديزل
لاتفك الصرة الى النهاية مهب لازم
يفضل انك تفرغ الديزل عند بنشري
عشان تغسل مكان الشاصي
اللي تحت الفلتر بالبنزين او عند مغاسل السيارات
بسبب الديزل
اذا وقف الديزل بعد فك الصرة
فك اللي رايح للطرمبة اللي الايسر
جب زرادية و ابعد القفيز و ان كانك نشيط
تقدر تطلع القفيز بيدك
ثم
شد و اربط صرة الفلتر
ثم
حضر ديزل بواسطة الضغاط
تقريبا 15مرة
الفائدة ؟
عشان يطلع باقي الماء اللي بوسط الفلتر
تبي تلاحظ عند الضغط
ان الديزل يرشق ينثر من عند اللي انت فكيته (خروج)
اذا طلع الديزل تقريبا 10مرات
خلاص وقف
ركب اللي و ركب القفيز
ثم
حضر مرة اخرى
تقريبا 10 مرات فاكثر
تبي تلاحظ اثناء التحضير
ان الضغاط صار ثقيل
لان الديزل وصل الى الطرمبة
اهم شي اذا ثقل الضغط
حضر زيادة تامين 5مرات
همن شغل الموتر
و باذن الله الموتر يشتغل
و تطفى اللمبة :good:

موفق

فهد النومان

12/01/2010, 07:55 PM

اخي سوبر سويت كل الي قلت عليه ولكن للاسف ما طفة
لا يكون الفلتر خرب 0000000000

سوبر VTC

13/01/2010, 08:21 PM

طيب وين موقعك ؟؟؟
فلتر الديزل المفروض يغير كل فترة
يعني كل 50الف تقريبا
سعر الفلتر ب45ريال
اهم شي رح لورشة ثقة يفك لك الفلتر

فهد النومان

13/01/2010, 08:26 PM

الريااااااااااااااااااااااض

سوبر VTC

13/01/2010, 08:40 PM

اولا غير الفلتر + تاكد من افياش الفلتر
يوجد عليه فيشين 2 راكبات عليه
فك الافياش و ركبهن مره ثاني
قد يكون بداخل الافياش رطوبة ماء تسبب اشتغال اللمبة
+
فصل البطارية

بالنسبة للورش

ياصديقي الديماكسيين عزيزين على قلبي شف وأنت ماشي مع شارع علي بن أبي طالب وجهك جنوب وتعديت تقاطع إشارةالأميرسلمان خلك بالخدمة يجيك على اليمين مسجد العويضةعلى سايدين لف مع السايدين جنوب رح طوالي إلين حرف التي بعدين أرجع مرةثانية يجيك على اليمين ورشةالجزيرةفيهاباكستاني أسمةأشرف وعقبه ورشةأبوأكرم كذلك فيها أكرم وأخوه معتز هالورشتين فاهمين ومتخصصين ديزل توكل على الله ثم رح يمهم

ورشة الراجح عند مسجد العويضة بالصناعية القديمة
اقتباس:

http://www.mekshat.com/vb/images/misc/progress.gif نعم الراجحي مشهورة في الديزل انا موظب عندهم شغلهم زين بس تراه واجد ورش الراجحي تاكد

فهد النومان

14/01/2010, 02:51 PM

اخوي سوبر يعطيك العافيه
ان شاء الله بمرهم الليله
بس فيه شي لا حظته في الشماسه الي فوق السايق مرسوم عليها
صورة المبه لها سببين واحد الي انت ذكرت اما الثاني ماعرفته
معليش الثقافه عربي

أصيل حجآ زي

14/01/2010, 03:53 PM

اخوي سوبر يعطيك العافيه
ان شاء الله بمرهم الليله
بس فيه شي لا حظته في الشماسه الي فوق السايق مرسوم عليها
صورة المبه لها سببين واحد الي انت ذكرت اما الثاني ماعرفته
معليش الثقافه عربي

أخي الـكـريـم /// فـهـد

أنـقــُل الـكـلام الـذي فوق الـشـمـآسية بالأنقليزي وأتـرجـمـُه لـك بالعربي

أرسل لي على الخآص لو مـا تذكرت وترجـمـتـُه لك .

أما الأخ الكريم الـمـُهـنـدس الخبير / سوبر فتك VTC
فـمـا أقـول ألا الله يـوفقـك د ُنيـاء وأخـرة
ويـسـعـدك ويـجـزآك خير على جهودك وردودك
النيـرة والله أني أسـتـفـيـد من ردودك ودروسك كثير
الله يسعدك ويزوجك بنت الحلال :good2: :D :good:
:burnout2: :hot: :looney: :redcar: :type: :director: :f

تـدلـل يـا عـسـل / تـدلع يا بطل.

أقول قولي هذا وأسـتــغـفـر الله العظيم من كـُل ذنبً عظيم.

""" و الله ُ أعــــــــلـم وأكـــــمـــل """
تـــآ بــع د ر و ســـي لـلـفـآ ئـد ة:
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))

أن تـرى أني قـد أفـدتــُـك بــشيء ذا مـعـنى ... ;)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)
تـحـيــــــــــــــــآ تي
<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

عشقي أبان

01/05/2011, 11:03 PM

عندي نفس المشكلة ..
هل فيه ورشة متخصصة ببريدة ..؟

سوبر VTC

02/05/2011, 01:15 AM

عندي نفس المشكلة ..
هل فيه ورشة متخصصة ببريدة ..؟

نعم فيه ورشة ابو خالد الكبير تخصص ديزل
ورشته بطريق الملك فهد بالبصر
غرب الدائري الغربي لبريدة
و فيه الكهربائي العثيم بصناعية الرواف
لكن تراه ما تضر اللمبة بناء على كلام مسبق من ابو خالد
لان احد الاخوان ساله

عشقي أبان

02/05/2011, 07:08 PM

السلام عليكم
فعلت كما ذكر في الاعلى وخرج شيء سائل شبيه برغوة الصابون و استمريت في الضغط حتى خرج الديزل
الطبيعي.
لكم لم ينطفئ اللمبه ، هل اذهب للوكالة ?
اخوي فتك جزاك الله خير.

سوبر VTC

02/05/2011, 07:50 PM

عشقي أبان

02/05/2011, 08:58 PM

عليكم السلام

خروج رغوة او فقاقيع تدل على وجود هواء
الافضل لك الان تغيير الفلتر و هو بداخل العلبة السوداء
ثم تفصل البطارية و تشبكه ثم تحضر حتى يطلع كل الهواء
و تشغل الموتر
لك رسالة على الخاص

أسعدك الله أخوي , و شكرا على الرسالة التي أزاحت عني تجشم عناء الذهاب لهما قبل الإتصال .
ذهبت قبل العشاء للوكالة , قال بأن الفلتر يجب تغييره كاملا , و يكلف 190 ريال , و شغل أيديهم 80 ريال , يعني هذا 270 ريال .
سأتصل غدا بالورش , إن وجدت حلا و إلا أنا مرغم لا بطل .
كل الشكر و التقدير لشخصكم المبارك .
و أبشر بالأجر بإذن الله دام أنك في حاجة إخوانك لا حرمته .
أخوك

عشقي أبان

03/05/2011, 11:28 PM

ذهبت للورشتين و اعتذرا عن الإصلاح .
لأن اللمبة صعبة الإطفاء .

ذهبت للوكالة ووجدت الفلتر كاملا ب 190 ريال و التركيب بـ 80

وجدت الفلتر كاملا عند السلمي ببريدة بـ 150 و غدا في الوطالة التركيب