مشكلة الزجاجة الأمامية بعد آثار العجاج ..

[خالد77]

السلام عليكم ..
عندي الزجاجة الأمامية فيها خدوش أتعبت نظري وخاصة إذا كانت الشمس بوجهي ..
وهي من آثار عجاج دون ظلم لعب بسيارتي ودمر القزازة الأمامية ..
وهل لها حل أو لازم اغيرها ؟؟
والوكالة غالية ياجماعة حول 1100 ريال أو تزيد ..
السيارة لاند كروزر 003

[بن داود]

غيرها بوحده صينيه درجه اول ب 250 ريال مع التركيب

وترى كله قزاز يعني وسع صدرك

[لاتكب البيالة]

السلام عليكم
مشكلتك انا اعاني منه لكن انا سببه اني استخدمت مساحات منتهية بالمطر فتمخشت و الثلاثاء اللي راح بوجهي الشمس واكلت لي بطناج وصبخت بالسقف وقررت اغيره
وان حاولت المعه لكن ما تظبط اذا مالك الا تغيره واحسن محل السالم للقزاز
خل نروح انا وياك نغيرهن اغديه يخصم لنا:j

[غريب عن دياره]

قبل تغيره روح لطبيب الزجاج على خريص قبل معارض النسيم موجود داخل محطة واسألهم فيه حل لهذي المشكله

لان بصراحة حرام تغير قزاز الوكاله بتجاري

[الفياض***]

قبل تغيره روح لطبيب الزجاج على خريص قبل معارض النسيم موجود داخل محطة واسألهم فيه حل لهذي المشكله

لان بصراحة حرام تغير قزاز الوكاله بتجاري


:good2: :good2: :good2: :good2: :good2:

[عآشق الحره]

انتبه وانا اخوك ركبت للجيب وطلع ينسم ويدخل هوا <<<نصيحه خذ حق الوكاله

[خالد77]

طيب لو أركب من التشليح مادام أفضل ولا تخاف ينسم عليك
أدور الجيب الجديد المناسب لموديله ..
ورأيكم ..

[رعدالجنوب]

القزاز نفسه يا اخوان كيف ينسم التنسيم ماله دخل بالتنسيم الي يركب القزاز اذا كان فني صح ما بنسم الما القزاز فاذا كان اصلي هو انه لو جته ضربه ما يتنثر جوت السياره يبقى مشطب مكانه اما اذا كان من النوع التعبان يطير في وجه السائق
:l :r

[ابو وافي 444]

غيرها بوحده صينيه درجه اول ب 250 ريال مع التركيب

وترى كله قزاز يعني وسع صدرك

يا غالي الصيني دمار ولو هو بميه لا تركبه ...والدعوى مهي قزاز وبس... الدعوى هندسه وتقنيه
انا افك على الكبوت وانا مسرع وقزازتي صينيه والله لولا اني البس نظارات كان راحت عيوني ملح من القزاز وجهي تحفر من القزاز لذلك لا تخاطر مقابل صحتك وحياتك...




قبل تغيره روح لطبيب الزجاج على خريص قبل معارض النسيم موجود داخل محطة واسألهم فيه حل لهذي المشكله

لان بصراحة حرام تغير قزاز الوكاله بتجاري

عين العقل كلامك

[خالد77]

طيب لو أركب من التشليح مادام أفضل
أدور الجيب الجديد المناسب لموديله ..

ورأيكم ..




هل من مجيب ؟

[هاوي البر]

انا اعاني من نفس مشكلتك وخصوصا اذا صار الشمس في الوجه
سالت كثير قالو ماله حل الا التغيير سالت الي يلمعون زجاج الشمعات في الغرابي قالي واحد الزجاج الامامي للسيارة لاتتعب نفسك جربنا ولا نفع يختلف عن زجاج الشمعات لانه يجي مضغوط ولا يتلمع

[حبو 1]

مالها حل اشترها من الوكالة تقريبا 850 ريال وركبها عند السالم ب100

[moooj]

غيره بالوكالة لأسباب تنسيم الهوا والمطر يضمنون شغلهم وابو يمن مهوب نافعك اذا رهت من عنده وفيه مشكلة تنسيم
غير كذا وهو الأهم ان درجة نقاء الأصلي افضل من التجاري يعني ما يصدع براسك وانت تسوق لمسافات طويلة بسبب التموجات اثناء التشكيل الحراري للزجاج
وبعدين ما تتضرر عيونك وانت تسوق في الليل بسبب انعكاسات الأنوار
صحتك وسلامتك اهم
وفقك الله

[سوبر152]

غيرها بوحده صينيه درجه اولى غاطين بأقل من 250 ريال مع التركيب

وترى كله قزاز يعني وسع صدرك أنا مركبها لي 3سنوات

[نايف الكشات]

اذا سيارتك جديدة ركب جديده من الوكاله
اما والله اذا كانت السياره ماهي جديده وشوله تركب غالي وجديد
وترا القزاز معرض للكسور باي لحظه ماهو على كل ابو حال تبطي معك
وعسى الله يوفقك ويوفق كل مسلم لمايحب ويرضى

[حامد حمد]

السلام عليكم ورحمة الله
بالنسبه للزجاج الاماي انصحك غيره بواحد جديد
وللمحافظة عليه ضلله من الخارج يعني من برا السياره بتضليل شفاف وبنوع متوسط التكلفه لانك راح تغيره بشكل دوري يعني كل سنه مره وبكذا يبقى الزجاج كانه جديد
وهذه الحركه سواها احد الزملاء لانه يداوم دوام الى قريه تبعد 200 ك والطريق كله عج وغبار