مادري عن الطير ...هو مسروق ...ولا صاحبه غشيم ...والله اعلم

[الوافي السابع]

السلام عليكم ورحمة الله وبركاتة

يا اخوان امس الجمعه تقريبا الساعه 6 بعد المغرب مريت من شارع ؟؟؟؟؟؟هناك فيه محلات تبيع بطائق سواء وموبايلي ...المهم وانا مار ولا اشوف طير داخل محل البطايق ..واقول يا ولد هذا محنط ولا حي والله واصفط وانزل ولا فعلا طير بلحمة وشحمه وزين مشاء الله عليه
طول وعرض 17 وريشته سليمه بالحيل
المهم اسأل اللي يبيع البطايق اقوله لمين هالطير قالي واحد حاطه عندي وبيجي بعد العشاء ...والله واخذ رقم صاحب الطير ..وبصراحه الرجال طلع ما يفهم بالطيور الا القليل ...اقوله للبيع قالي ايه قلت سيم قال ايه بـــ17 والطير ما يسوى هالقيمه ابد ..المهم قال انه شاريه 25 الف من حفر الباطن ..قلت له بعيد عن السومه قال لا ..قلت على خير ..ورجعت اليوم العصر ولا الطير موجود والمصيبه طير زين وحاطه عند الهنود وكلا من جاء لعب فيه ..وسألت الرجال ليش حاطه هنا قالي عندي نقل من بيت لبيت واخاف يتنتف ريشه

اسأله تراودني ...

واحد شاري طير على قولته 25 الف ويحطه بمكان مثل هذا وعلى وكر مايل وعند الهنود ....؟

يقولي صايد حمام ...هل هذا كلام صقار وعنده طير بـــ25 الف .......؟

بصراحه والعلم عند الله
يا الطير مسروق ومو عارفين يصرفونه ......او راعي الطير غشيم وبلش بالطير
علعموم اللي يبي يشوف الطير انا حاظر نروح انا وياه باكر العصر

شرايكم انتم

[الهواوي 502]

والله ياخوك ذا مهب صقار ولا حوله صقاره,,,

وهاذا مهب كلام صقار ,,,,, ولا بعد حاطه عند الهنوووود,,,,

لاهنت على السالفه والله يعين الطير بس

[راعي شوق]

والله غريب وضع الرجال لو انه صقار ومثل ما يقول انه شاد من بيتة من باب اولى يحطه عند احد اخوياه او يحطه في احد هالمحلات حقت الصقور ويدفع لهم قيمة علفة لين يخلص من الشديد والله غريبة:eek:

[ولد مساكن]

السلام عليكم ورحمه الله وبركاته

أخي بلّغ الشرطه

[ALAMIR]

اتفق مع اخووي ولد مسااااكن

وشئ غريب صراحه

[الفياض***]

مدري مدري

لكن كلامه مهو كلام الصقار اللي عنده طير ب25

[زيــآدِ]

يمكنه ببغاء وانت تحسبه صقر

[((السنياري))]

اتوقع سارق الطير

من كذا متساويه عنده

وكذوب بس يبي يسوي فيها فاهم

وكذبه هو الي يبي يفضحه

[كحيلان 2006]

وين الطير وانا ارواح وياك لطير ونشوفه ونبلغ اما جانا رعيه ولا بلغنا الشرطه

[_دربيل_999]

الأخوة اللي يقولون بلغ الشرطة...:D
وليش الشرطة بس..
وش بقول للشرطة هذا الرجل ما عنده معلومات عن الطير اكيد سارقه..:D
طير وعند رجال يمكن شاريه طيب..
بعدين الشرطة عندهم من المشاكل قومة وقعدة..أكبر من طير وسارقه ان هو سارق..:mad:
دائماً نقدم النية الحسنة..
طيب كيف تثبت عند الشرطة ان هذا الرجل سارق..
ترى يترتب عليها عواقب وخيمة عدم اثبات ان هذا الرجل سارق..
وفقنا الله وإياكم الى ما يحب ويرضى,,

اخوكم
الروقي

[@قرناص@]

اخوي لو تجيب لنا اوصاف الطير ونشوف الي بالسوق كان بلغو عن طير مثل اوصافه ذيك الساعه نقول مسروق ,,

[روزفلت]

تحايل عليه وخذ الطير للمستشفى وشف الشريحه وصاحبها اذا فيه

[عاشق المقناص3]

أكــــــيد ســــارقة
يقول قيمتة 25الف ...وحاطه عند الهنــــود
ويقول بس صايد حمام


وإذا تبي تكشفـــة: رح وكنك تتمشا بالمحل ولا جيت عند الطير إستغرب وطلع إسم من عندك مثلا ((جلاد))
وقله منين لك هذا الطير (ويجاوبك وإذا ما جاوبك تتغير ملامح وجهه)وقل هذا طير عمي أو طير أبوي وشف رده

[أخو المري]

السلام عليكم

اخوي الوافي السابع


انا لي طير مسروق من الأحساء حر مقاس 17 والطير ريشته زينه
مسروق قبل شهرين ونص او اقل تقريباُ وباقي معه من الريش 3 و 3 بس يمكن ذلحين حذفها بس بتوضح أن عادها ما صكت ذلحين؟؟؟

على العموم انت وين محلك ولا الطير في اي مدينه؟؟؟؟
وبحاول ابحث عن صورته وبنزلها

مشكور لا هنت


أخوك اخو المري

[صاحب نوماس]

السلام عليكم ورحمه الله وبركاته

أخي بلّغ الشرطه

:good: :good: :good: :good: :good: :good: :good: :good:

[داااحم]

انا اقول ياربع خلو النيه سليمه وماخفي اعظم_تقبلوا تحياتي

[صقر قحطان505]

ماقول الا الله يهديه بس يكسب ذنب الطير اذا مات ولا اذا كان سارقه ادها وامر على العموم مشكور وياليت تكلمه وتحاول تقنع الرجال انه هذي مهي سواة قناص وتقبل تحياتي اخوك صقر قحطان

[القطاوي 2008]

والله يالغالي مالك الا الشرطة

[شعلا111ن]

طيب راع للحجل اللي على الطير نفس الرقم اللي كلمته ؟؟؟؟

[تـقوى الهجـر]

السلام عليكم

تكفى شف فيه طير للمري ابو معيض مسروق وهاذي صوره هل هو ذا ولالا

http://up.arab-x.com/Jan10/h5P02649.jpg (http://up.arab-x.com/)

http://up.arab-x.com/Jan10/awn02649.jpg (http://up.arab-x.com/)

http://up.arab-x.com/Jan10/uhd02764.jpg (http://up.arab-x.com/)

والله يعقله

[فالح العرجي]

السلام عليكم
وش اوصاف الطير
او حاول انك تصوره بالجوال
وتنزلها في المنتدى
او في اي منطقه علشان نجيك ونشوفه
وجزاك الله خير
وتقبلوا مروري

[ديوان العرب]

ميتين بالميه الطير مهو له الصقار مايترك طيره بمحل جولات او يخلي الهنود يلعبون فيه الصقار يحشم الطير ويخاف عليه من عياله مهو عاد بيحطه عند عمال مالك الا تنصحه وعطه كلام يونسه بالعضم ولا تبلغ الشرطه ولاشي لان الشرطه يمكن يقومون الحجه عليك لان ماعندك دليل قاطع انه سارق الطير