الفزعه

[alriyadh]

يا جماعه الطير و هو يعلف يصايح لدرجة الازعاج وش الحل يا النشاما
؟

[بعيد الهقاوي1]

يمكن يكون طبع بالطير

واسباب صياح الطير

1_اما ان يكون الطير عطشان والدليل شوف عينه يمكن تلقاها صغرانه شوي

2_ يمكن الطير مروّع او احد غافصه او ان البرقع ضيّق على عيونه ويصيح لما تبرقعه او هاجم عليه قطو

ويكون الطير خوّاف ودايم يصايح .

والحل / ما اعتقد ان الصياح له حل لكن اتمنى الاخوان يفيدوننا بالذات اللي لهم تجربه مع طير يصايح

[الروض الخضر]

أخوي حاول تخليه في مكان هادي ..

يعني حاول ما يجيه أزعاج .. وهذا طبع في بعض الطيور ..

هذا والله اعلم

[ابوسمرى]

اخوي كثر نقل الطير وفرعه كثير تروح ان شاء الله

انا عندي طير اذا خليته يومين ولاثلاثه مانقلته يبدا يصايح واذا كثرت نقله راحت ولله الحمد

[ابوناهض]

الطير يمكنه مروع ولااحد خارشه حطه بمكان نايد عن الناس وهادي وشف النتيجه((وش تعلفه انت؟؟؟؟؟))

[صاحب نوماس]

اخوي اما الطير مروع

او ان الطير ضعيف

[alriyadh]

احيان اعلفه سمان و احيان حمام

[ابوناهض]

احيان اعلفه سمان و احيان حمام
ابد يخوي طيرك مروع ووزن العلف له ......واحد من الربع كان عند حر مثلوث وكان يعطيه نص ومره كامله يعني تلخبط... والطير سليم مافيه شي وسبحان الله بدة مواري الصياح تظهر وهو ماعنده وراعين ولاحركه واتوقع هذا السبب

[alriyadh]

ما قصرت ......